حسن ابدال، ڈالہ سیلاب میں بہہ جانے سے 5 افراد، ایبٹ آباد، چھت گر گئی، 2 جاں بحق
اشاعت کی تاریخ: 31st, July 2025 GMT
لاہور (نمائندگان+ نوائے وقت رپورٹ) ملک میںمون سون کا سپیل برقرار ہے، اسلام آباد، راولپنڈی، ہری پور میں نشیبی علاقے زیرآب آ گئے۔ راولپنڈی میں سب سے زیادہ بارش ہوئی۔ مردان، سوات، ایبٹ آباد، مظفرآباد و دیگر شہروں میں بھی بادل برسے۔ کالاباغ میں ندی نالوں میں طغیانی آ گئی۔ پنجاب اور خیبر پی کے میں سیلاب اور لینڈ سلائیڈنگ کا خدشہ بڑھ گیا۔ حسن ابدال میں شادی میں شرکت کر کے واپس جانیوالے خاندان کی ویگو گاڑی سیلابی ریلے میں بہہ گئی۔ 10 افراد سوار تھے۔ ڈی سی اٹک رائو عاطف نے بتایا کہ ریسکیو آپریشن کر کے 5 افراد کو بحفاظت نکال لیا جبکہ 4 افراد کی لاشیں بھی نکال لی گئی ہیں جن میں 3 بہنیں شامل ہیں لیکن 4 سالہ بچے مصطفیٰ کا پتہ نہ چل سکا تلاش جاری ہے۔ جاں بحق افراد کا تعلق واہ کینٹ سے ہے۔ علاوہ ازیں ایبٹ آباد کے علاقے درویش آباد میں بارش سے مکان کی چھت گر گئی، ملبے تلے دب کر 2 بچیاں جاں بحق ہوگئیں۔ وزیرآباد سے نامہ نگارکے مطابق ہیڈ مرالہ کے مقام پر پانی کی سطح مسلسل اضافہ سے دریائے چناب میں درمیانے درجہ کا سیلاب چل رہا ہے جبکہ وزیرآباد کے قریب نالہ ایک اور نالہ پلکھو میں بھی پانی کی سطح میں غیرمعمولی اضافہ نوٹ کیا گیا ہے۔ ہیڈ مرالہ کے مقام پر 206233 کیوسک اور اخراج 179433کیوسک ریکارڈ ہوا ہے۔ سیالکوٹ کے نمائندے نے بتایا بالائی علاقوں بارش کی وجہ سے دریائے چناب میںاونچے درجے کا سیلاب جبکہ دریائے منور توی میں درمیانے درجے کا سیلاب اور پانی کی سطح میں اضافہ ہو رہا ہے۔ دریائے جموں اور برساتی نالوں میں پانی کی سطح بلند ہو رہی ہے۔ خلیل پور، بھلیاں، سمبلی جٹاں، بیچو باؤ، سروچ، سکا، زندہ اور چک بھگوان کو سیلاب سے متاثر ہونے کے خدشے کے پیش نظر مساجد میں اعلانات کئے جا رہے ہیں اور ہیڈ مرالہ کے مقام پر فلڈ ریلیف کیمپ قائم کر دیا گیا۔ سیالکوٹ کے مختلف نشیبی علاقوں کی سڑکوں اور گلیوں میں ایک سے ڈیڑھ فٹ پانی کھڑا ہوگیا ہے۔ این ڈی ایم اے نے 3 اگست تک شدید بارشوں کے باعث موسمی صورتحال اور ممکنہ خطرات پر الرٹ جاری کر دیا ہے۔ ملک کے مختلف علاقوں میں شہری سیلاب، ندی نالوں میں ظغیانی سمیت گلگت بلتستان اور خیبرپی کے کیلئے گلیشائی جھیلوں کے سیلاب کا خطرہ ہے۔ اسلام آباد، راولپنڈی، گوجرانوالہ، لاہور، سیالکوٹ، خوشاب اور نارووال میں شہری سیلاب کا خدشہ ہے۔ نالوں میں بہائو بڑھنے سے شمال مشرقی پنجاب کے علاقوں میں سیلابی صورتحال کا امکان ہے۔ خیبر پی کے میں اگلے 12 تا 24 گھنٹوں کے دوران شدید بارشیں متوقع ہیں۔ شہری لینڈ سلائیڈنگ اور ممکنہ سیلابی صورتحال سے احتیاط برتیں۔
.
ذریعہ
ذریعہ: Nawaiwaqt
کلیدی لفظ: پانی کی سطح نالوں میں
پڑھیں:
خیبرپختونخوا میں بارشوں اور سیلاب سے 28 افراد جاں بحق، 29 زخمی
19 جولائی سے خیبرپختونخوا میں ہونے والی شدید بارشوں اور فلیش فلڈ کے نتیجے میں مختلف حادثات میں اب تک 28 افراد جاں بحق جبکہ 29 افراد زخمی ہو چکے ہیں۔
صوبائی ڈیزاسٹر مینجمنٹ اتھارٹی یعنی پی ڈی ایم اے کے مطابق جاں بحق ہونے والوں میں 10 مرد، 3 خواتین اور 15 بچے شامل ہیں، جبکہ زخمیوں میں 13 مرد، 9 خواتین اور 7 بچے شامل ہیں۔
یہ بھی پڑھیں: خیبرپختونخوا میں 19 سے 23 جولائی تک شدید بارشوں کا الرٹ، سیلاب، لینڈ سلائیڈنگ اور اربن فلڈنگ کا خدشہ
زیادہ تر حادثات گھروں کی چھتیں اور دیواریں گرنے یا سیلابی ریلوں میں بہہ جانے کے باعث پیش آئے۔
ترجمان پی ڈی ایم اے کے مطابق شدید بارشوں اور فیلش فلڈ سے مجموعی طور پر 47 گھروں کو نقصان پہنچا، جن میں 37 گھروں کو جزوی جبکہ 10 گھر مکمل طور پر منہدم ہو گئے۔
Heavy monsoon rains triggered dangerous flash floods in Khyber District, KP, sweeping away a vehicle. Thanks to the quick action of local residents, the driver was rescued safely.#FlashFlood #Khyber #Pakistan #Monsoon2026 #ClimateAction #StaySafe pic.twitter.com/QoeeY8x1if
— MH ClimateActions (@mhclimateaction) July 23, 2026
یہ حادثات پشاور، نوشہرہ، خیبر، مردان، بونیر، باجوڑ، شانگلہ، صوابی، اپر و لوئر چترال، اپر و لوئر دیر، ایبٹ آباد، مانسہرہ، ہری پور، اپر کوہستان، ٹانک، تورغر، کرم، شمالی وزیرستان اور جنوبی وزیرستان سمیت مختلف اضلاع میں پیش آئے۔
ترجمان کے مطابق پی ڈی ایم اے، ریسکیو 1122، ضلعی انتظامیہ اور دیگر متعلقہ ادارے باہمی رابطے میں ہیں اور متاثرہ علاقوں میں امدادی سرگرمیاں جاری ہیں۔
مزید پڑھیں: خیبر پختونخوا میں موسلادھار بارشوں سے تباہی، 12 افراد جاں بحق، 18 زخمی
پی ڈی ایم اے نے متاثرہ اضلاع کی انتظامیہ کو متاثرین تک امدادی سامان کی فوری فراہمی اور امدادی کارروائیاں مزید تیز کرنے کی ہدایت بھی جاری کی ہے۔
ڈائریکٹر جنرل پی ڈی ایم اے نے شہریوں سے اپیل کی ہے کہ وہ غیر ضروری سفر سے گریز کریں، حساس سیاحتی مقامات کا رخ نہ کریں اور موسمی صورتحال کے حوالے سے جاری سرکاری الرٹس اور ایڈوائزریز پر سختی سے عمل کریں۔
پی ڈی ایم اے کے مطابق ادارے کا ایمرجنسی آپریشن سینٹر مکمل طور پر فعال ہے۔ عوام کسی بھی ناخوشگوار واقعے کی اطلاع، موسمی صورتحال سے آگاہی یا دیگر معلومات کے لیے فری ہیلپ لائن 1700 پر رابطہ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمرجنسی آپریشن سینٹر بارش پی ڈی ایم اے حساس خیبر پختونخوا ریسکیو 1122 سیاحتی مقامات سیلاب سیلابی ریلوں فعال فیلش فلڈ موسمی صورتحال
بھارت سے جنگ اور افغانستان میں کارروائی خارج ازامکان نہیں، وزیردفاع