اسلام آباد میں موسلادھار بارش، نیو چٹھہ بختاور سمیت متعدد علاقے زیر آب، ریسکیو آپریشن جاری
اشاعت کی تاریخ: 6th, August 2025 GMT
وفاقی دارالحکومت اسلام آباد میں وقفے وقفے سے جاری موسلادھار بارش نے معمولاتِ زندگی درہم برہم کر دیے، مختلف علاقوں میں پانی جمع ہو گیا ہے جبکہ نیو چٹھہ بختاور کا علاقہ شدید متاثر ہوا ہے جہاں گلی نمبر 6، 7، 8، 9، 10 اور 11 مکمل طور پر زیر آب آ چکی ہیں۔
علاقہ مکین شدید مشکلات سے دوچار ہیں، متعدد افراد گھروں میں محصور ہو کر رہ گئے۔ امدادی سرگرمیوں کے لیے سی ڈی اے (کیپیٹل ڈویلپمنٹ اتھارٹی) اور این ڈی ایم اے (نیشنل ڈیزاسٹر مینجمنٹ اتھارٹی) کی ٹیمیں موقع پر پہنچ چکی ہیں اور ریسکیو آپریشن جاری ہے۔ رضاکاروں کی مدد سے خواتین، بزرگوں اور شیر خوار بچوں کو محفوظ مقامات پر منتقل کیا جا رہا ہے۔
مزید پڑھیں: این ڈی ایم اے کا الرٹ: 5 تا 10 اگست شدید بارشوں سے سیلاب کا خدشہ
بارش کے باعث مارگلہ پہاڑیوں سے آنے والے پانی نے اسلام آباد کے نالوں میں طغیانی پیدا کر دی ہے۔ جس کے نتیجے میں بہارہ کہو، سواں، چک شہزاد، بحریہ انکلیو، اور پی ایچ اے سوسائٹی میں بھی پانی جمع ہو چکا ہے۔ شہریوں کو آمدورفت اور روزمرہ کے کاموں میں شدید مشکلات کا سامنا ہے۔
ضلعی انتظامیہ نے شہریوں سے اپیل کی ہے کہ وہ نشیبی علاقوں سے دور رہیں، اور کسی بھی ہنگامی صورتحال کی صورت میں فوری طور پر متعلقہ حکام یا ہیلپ لائنز سے رابطہ کریں۔
محکمہ موسمیات نے آئندہ 24 گھنٹوں میں مزید بارش کی پیشگوئی کی ہے، جس کے باعث مزید علاقوں میں سیلابی صورتحال پیدا ہونے کا خدشہ ظاہر کیا جا رہا ہے۔
راول ڈیم میں پانی کی سطح بلند، سپل ویز کھولنے کا فیصلہگزشتہ رات کی بارش سے راول ڈیم میں پانی کی سطح 1750.
مزید پڑھیں: وزیراعظم شہباز شریف دورہ گلگت بلتستان: سیلاب متاثرین سے ملاقات اور امدادی رقوم تقسیم کریں گے
ملک بھر میں گرمی و حبس برقرار، بارش اور لینڈ سلائیڈنگ کا خدشہمحکمہ موسمیات کے مطابق ملک کے بیشتر علاقوں میں گرمی اور حبس کی کیفیت برقرار ہے۔ پنجاب، اسلام آباد، خیبرپختونخوا اور کشمیر میں بارش کا امکان ہے، جبکہ اسلام آباد اور راولپنڈی کے نشیبی علاقوں میں زیرآب آنے کا خطرہ ہے۔ کشمیر، مری اور گلگت بلتستان میں لینڈ سلائیڈنگ کا خدشہ بھی ظاہر کیا گیا ہے۔ ادھر سندھ میں حبس جبکہ ساحلی علاقوں میں ہلکی بارش متوقع ہے۔ بلوچستان کے ژوب، بارکھان اور خضدار میں رات کے وقت بارش ہو سکتی ہے۔ اسلام آباد ایئرپورٹ پر 30 ملی میٹر، سید پور میں 28 اور گولڑہ میں 5 ملی میٹر بارش ریکارڈ کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد متعدد علاقے زیر آب نیو چٹھہ بختاور وفاقی دارالحکومت
ذریعہ
ذریعہ: WE News
کلیدی لفظ: اسلام آباد متعدد علاقے زیر آب وفاقی دارالحکومت اسلام آباد علاقوں میں کا خدشہ
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار