اسپیکر پنجاب اسمبلی سے آسٹریلوی ہائی کمشنر کی ملاقات، باہمی تعاون بڑھانے پر اتفاق
اشاعت کی تاریخ: 6th, August 2025 GMT
اسپیکر پنجاب اسمبلی ملک محمد احمد خان سے آسٹریلوی ہائی کمشنر نیل ہاکنز ملاقات کی ہے، ملاقات میں باہمی دلچسپی کے مختلف شعبوں میں تعاون بڑھانے پر گفتگو ہوئی۔
بدھ کے روز اسپیکر پنجاب اسمبلی ملک محمد احمد خان سے اسپیکر ہاؤس میں آسٹریلیا کے ہائی کمشنر نیل ہاکنز نے وفد کے ہمراہ ملاقات کی، ملاقات میں آسٹریلوی سفارتخانے سے ہیڈ آف ڈومیسٹک پولیٹیکل پاکستان جارج نونن میکر بھی شریک تھے۔ اس موقع پر صحت، تعلیم، زراعت، ثقافت، آئی ٹی، سیاحت اور پارلیمانی روابط کے فروغ پر تبادلہ خیال کیا گیا۔
یہ بھی پڑھیں: نواز شریف سے آسٹریلوی ہائی کمشنر کی ملاقات، مختلف شعبوں میں باہمی تعاون بڑھانے پر زور
دونوں رہنماؤں نے پارلیمانی وفود کے تبادلوں میں تعاون بڑھانے اور دو طرفہ تعلقات کو مزید مضبوط بنانے پر اتفاق کیا۔
اسپیکر ملک محمد احمد خان نے کہا کہ پاکستان، آسٹریلیا کے ساتھ دوستانہ تعلقات کو قدر کی نگاہ سے دیکھتا ہے، پارلیمانی روابط اور اقتصادی تعاون میں اضافہ وقت کی ضرورت ہے۔
انہوں نے کہا کہ پنجاب میں آئی ٹی اور سیاحت کے شعبوں میں آسٹریلوی سرمایہ کاری کے وسیع مواقع موجود ہیں اور حکومت پنجاب سرمایہ کاروں کو ہر ممکن معاونت فراہم کرے گی۔
یہ بھی پڑھیں: ’پوشیدہ خزانہ‘، آسٹریلوی ہائی کمشنر لاہور کی مسجد کے معترف کیوں؟
انہوں نے تعلیم اور صحت کے شعبوں میں آسٹریلیا کے تعاون کا خیرمقدم کیا اور ان شعبوں میں اشتراکِ عمل کو مزید مستحکم بنانے کے عزم کا اظہار کیا۔
اسپیکر پنجاب اسمبلی نے آسٹریلوی ہائی کمشنر کو پنجاب اسمبلی میں قانون سازی کے عمل، رولز آف پروسیجر میں حالیہ ترامیم اور اسٹینڈنگ کمیٹیوں کے مؤثر کردار سے بھی آگاہ کیا۔ ان کا کہنا تھا کہ اسمبلی کمیٹیوں کو فعال اور شفاف بنایا گیا ہے۔
آسٹریلوی ہائی کمشنر نیل ہاکنز نے کہا کہ آسٹریلیا، پاکستان کو ایک بااعتماد دوست اور اہم شراکت دار سمجھتا ہے، آسٹریلوی سرمایہ کار پاکستان میں مختلف شعبوں میں سرمایہ کاری کے خواہشمند ہیں اور حکومت پنجاب کے ساتھ تعاون کو فروغ دینے کے لیے ہر ممکن اقدامات کیے جائیں گے۔
یہ بھی پڑھیں: مریم نواز سے آسٹریلوی ہائی کمشنر کی ملاقات، باہمی دلچسپی پر تبادلہ خیال
ملاقات میں پنجاب اسمبلی کے سیکریٹری جنرل چودھری عامر حبیب اور پرنسپل سیکریٹری عماد حسین بھلی بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آسٹریلوی ہائی کمشنر اسپیکر پنجاب اسمبلی جارج نونن میکر سفارتخانہ ملاقات ملک احمد خان نیل ہاکنز.
ذریعہ
ذریعہ: WE News
کلیدی لفظ: آسٹریلوی ہائی کمشنر اسپیکر پنجاب اسمبلی جارج نونن میکر سفارتخانہ ملاقات ملک احمد خان نیل ہاکنز اسپیکر پنجاب اسمبلی آسٹریلوی ہائی کمشنر تعاون بڑھانے
پڑھیں:
وزیراعظم کا بی ٹو بی کانفرنس کی پیشرفت کے ماہانہ جائزہ اجلاس کی خود صدارت کا فیصلہ
وزیراعظم اجلاس کی صدارت کر رہے ہیں - فوٹو بشکریہ پی آئی ڈیوزیراعظم شہباز شریف نے چین میں بی ٹو بی کانفرنس کے دوران ہوئی پیشرفت کے ماہانہ جائزہ اجلاس کی خود صدارت کا فیصلہ کیا ہے۔
دورہ چین میں پاک چین بزنس ٹو بزنس کانفرنس کے دوران لیے گئے فیصلوں کی پیشرفت کا جائزہ لینے کیلئے وزیراعظم شہباز شریف کی زیر صدارت اجلاس ہوا۔ جس میں وفاقی وزرا رانا تنویر، احد چیمہ، احسن اقبال، شزا فاطمہ خواجہ اور متعلقہ حکام شریک ہوئے۔
اس موقع پر وزیراعظم شہباز شریف کا کہنا تھا کہ پاکستان اور چین کے نجی شعبے کے درمیان کاروباری روابط میں غیر معمولی اضافہ ہوا ہے۔ یہ اضافہ دونوں ممالک کی اقتصادی شراکت داری کے نئے دور کا آغاز ہے۔
اسلام آباد پاکستان اور چین نے سرمایہ کاری، زراعت...
انہوں نے کہا کہ چین کے ساتھ صنعتی، زرعی اور تکنیکی تعاون سے برآمدات بڑھنے اور روزگار کے نئے مواقع پیدا ہوں گے۔ ہانگژو بی ٹو بی کانفرنس میں ایم اویوز کو جلد باقاعدہ معاہدوں اور مشترکہ منصوبوں میں تبدیل کیا جائے۔
وزیراعظم کا کہنا تھا کہ چین کی اکیڈمی آف ایگریکلچرل سائنسز اور پاکستان ایگریکلچرل ریسرچ کونسل کے درمیان تعاون کو عملی جامہ پہنایا جائے۔ پاک چین مشترکہ منصوبوں سے پاکستان کے زرعی شعبے میں انقلابی تبدیلی لائی جاسکیں گی۔
اجلاس کو بریفنگ دیتے ہوئے بتایا گیا کہ ہانگژو میں 24 مئی کو پاکستان چین بی ٹو بی کانفرنس میں 123 پاکستانی اور 436 چینی کمپنیوں نے شرکت کی۔ کانفرنس کے دوران تقریباً 7.54 ارب ڈالر مالیت کی 207 مفاہمتی یادداشتوں پر دستخط کیے گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ