آئی سی سی کی نئی ٹی20 رینکنگ جاری، حسن نواز اور صائم ایوب کی ترقی، بابر اعظم کی تنزلی
اشاعت کی تاریخ: 6th, August 2025 GMT
انٹرنیشنل کرکٹ کونسل (آئی سی سی) نے ٹی20 کرکٹ کی تازہ ترین پلیئرز رینکنگ جاری کردی ہے، جس میں بیٹنگ اور بولنگ دونوں شعبوں میں پاکستانی کھلاڑیوں کی کارکردگی میں بہتری سامنے آئی ہے۔
بیٹرز کی درجہ بندی میں بھارت کے ابھیشک شرما نے پہلی پوزیشن کو برقرار رکھا ہے، جب کہ آسٹریلیا کے ٹریوس ہیڈ دوسری اور بھارت کے ہی تلک ورما تیسرے نمبر پر موجود ہیں۔
یہ بھی پڑھیں: بھارت کے فاسٹ باؤلرز کی شاندار کارکردگی، آئی سی سی ٹیسٹ رینکنگ میں بڑی چھلانگ
پاکستانی بلے باز حسن نواز اور صائم ایوب نے اس فہرست میں زبردست بہتری دکھائی ہے۔ حسن نواز نے 24 درجے ترقی کرتے ہوئے 30ویں پوزیشن حاصل کرلی، جبکہ صائم ایوب 25 درجے بہتری کے ساتھ 38ویں نمبر پر آگئے ہیں۔ اس کے برعکس، کپتان بابراعظم کو تین درجے تنزلی کا سامنا کرنا پڑا اور وہ اب 17ویں پوزیشن پر آ گئے ہیں۔
بھارت کے یشسوی جیسوال نے بھی ایک درجہ ترقی پاتے ہوئے دسویں نمبر پر جگہ بنا لی ہے، جبکہ آسٹریلیا کے ٹم ڈیوڈ نے دو درجے بہتری کے بعد رینکنگ میں 16ویں پوزیشن حاصل کرلی ہے۔
بولرز کی رینکنگ میں بھی قومی کھلاڑیوں کی ترقیآئی سی سی کی جاری کردہ بولرز رینکنگ میں بھی پاکستانی گیند بازوں کی نمایاں پیش رفت دیکھنے کو ملی ہے۔
یہ بھی پڑھیں: انگلینڈ بھارت ٹیسٹ سیریز میں ٹوٹے اور بنے نئے ریکارڈز
نوجوان بولر سفیان مقیم نے شاندار کارکردگی کا مظاہرہ کرتے ہوئے 69 درجے چھلانگ لگائی اور اب وہ رینکنگ میں 35ویں نمبر پر پہنچ چکے ہیں۔ اسی طرح آل راؤنڈر محمد نواز نے بھی 51 درجے بہتری کے بعد 56ویں پوزیشن حاصل کرلی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی انٹرنیشنل کرکٹ کونسل بابر اعظم ترقی تنزلی ٹی20 پلیئرز رینکنگ حسن نواز صائم ایوب وی نیوز.ذریعہ: WE News
کلیدی لفظ: انٹرنیشنل کرکٹ کونسل تنزلی ٹی20 پلیئرز رینکنگ حسن نواز صائم ایوب وی نیوز صائم ایوب حسن نواز بھارت کے
پڑھیں:
نائب وزیر اعظم اسحاق ڈار کا امریکی وزیر خارجہ مارکو روبیو سے رابطہ
نائب وزیراعظم و وزیر خارجہ، سینیٹر محمد اسحاق ڈار نے امریکی وزیر خارجہ مارکو روبیو سے ٹیلیفونک گفتگو کی۔ دونوں رہنماؤں کے درمیان دوطرفہ امور سمیت علاقائی اور بین الاقوامی صورتحال پر تبادلۂ خیال کیا گیا۔
یہ بھی پڑھیے اسحاق ڈار اور امریکی وزیر خارجہ کا تجارتی محصولات اور علاقائی امور پر تبادلہ خیال
دفتر خارجہ کی جانب سے جاری بیان کے مطابق اس گفتگو میں پاکستان اور امریکا کے درمیان باہمی تعلقات کو مزید مضبوط بنانے کے عزم کا اظہار کیا گیا، اور مختلف شعبوں میں جاری تعاون کو وسعت دینے پر اتفاق کیا گیا۔
دونوں رہنماؤں نے اس بات پر زور دیا کہ باہمی دلچسپی کے امور پر رابطے اور مشاورت کا سلسلہ جاری رکھا جائے گا، تاکہ علاقائی استحکام اور عالمی سطح پر مشترکہ اہداف کے حصول میں تعاون ممکن بنایا جا سکے۔
مزید پڑھیں: پاکستان امریکا تعلقات کو پاک چین دوستی کے تناظر میں نہ دیکھا جائے، اسحاق ڈار
یہ رابطہ پاکستان اور امریکا کے درمیان بڑھتے ہوئے سفارتی روابط کا حصہ ہے، جو اقتصادی، سیکیورٹی، اور جیوپولیٹیکل تعاون کو فروغ دینے کے لیے نہایت اہمیت رکھتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار پاکستان امریکا تعلقات مارکو روبیو
پہلے موجودہ حکومت کے خلاف خبریں نہیں آتی تھی لیکن اب آیا کریں گی، شہباز گل