ڈیجیٹل معیشت کی جانب اہم قدم، کاروباری لائسنس کے لیے کیو آر کوڈ لازم
اشاعت کی تاریخ: 7th, August 2025 GMT
وفاقی حکومت نے تمام کاروباری مراکزکو31 اگست 2025 تک راست کیو آرکوڈ حاصل کرنے اور نمایاں طور پر آویزاں کرنے کو یقینی بنانے کی ہدایت کی ہے تاکہ نقدی کے بغیرمعیشت کے نفاذ کو کامیابی سے ممکن بنایا جا سکے۔
وزیراعظم آفس نے وفاقی سیکریٹریز، صوبائی چیف سیکریٹریز اورریگولیٹری اداروں کے سربراہان کو ہدایت جاری کی ہے کہ وہ اپنی متعلقہ حدود میں موجود تمام تجارتی مراکز خصوصاً ریٹیل آؤٹ لیٹس کو رواں ماہ کے اختتام تک کیو آر کوڈ حاصل کرکے صارفین کو فراہم کرنے کا پابند بنائیں۔
یہ بھی پڑھیں: اسلام آباد میں سی ڈی اے کے شعبوں میں کیش لیس نظام نافذ کرنے کا فیصلہ
واضح رہے کہ وزیراعظم آفس نے اس اقدام کی نگرانی اورمختلف وزارتوں کے ساتھ ہم آہنگی کو بہتر بنانے کے لیے ڈاکٹر شازیہ غنی کو فوکل پرسن مقرر کیا ہے، جواسپیشل پروجیکٹس اینڈ انیشی ایٹوزٹیم کی سربراہ ہیں۔
اس کے ساتھ ہی وزیراعظم آفس نے زور دیا ہے کہ تجارتی سرگرمیوں کے لائسنس کے اجرا یا تجدید کے لیے ڈیجیٹل ادائیگیوں کی سہولت جیسا کہ کیو کوڈ یا پوائنٹ آف سیل مشین کو ایک لازمی شرط بنایا جائے، اس اقدام کا مقصد یہ ہے کہ مستقبل میں کوئی بھی کاروباری ادارہ لائسنس یا تجدید کے بغیر ڈیجیٹل ادائیگی کے نظام کے بغیر کام نہ کر سکے۔
مزید پڑھیں: اسلام آباد میں سی ڈی اے کے شعبوں میں کیش لیس نظام نافذ کرنے کا فیصلہ
وزیراعظم آفس نے مزید ہدایت کی ہے کہ ایسے کاروباری اداروں کیخلاف ایک مؤثر تعمیل کا نظام وضع کیا جائے جو ڈیجیٹل ادائیگی قبول کرنے سے انکار کریں۔ اس نظام میں ممکنہ طور پر جرمانے یا دیگر تادیبی کارروائیاں شامل ہوں گی تاکہ ڈیجیٹل نظام کے نفاذ میں رکاوٹ پیدا نہ ہو۔
اسی طرح، اسٹیٹ بینک آف پاکستان اور اس کے زیرِ نگرانی اداروں جیسے کہ بینک، موبائل بینکنگ سروسز اور الیکٹرونک منی انسٹی ٹیوشنز کے ساتھ قریبی تعاون کو فروغ دینے کی بھی ہدایت دی گئی ہے، تاکہ ملک بھر میں ڈیجیٹل ادائیگیوں کے نیٹ ورک کو مؤثر اور تیزی سے پھیلایا جا سکے۔
مزید پڑھیں: ’کیش لیس اکانومی‘ کی جانب پیشرفت، ڈیجیٹل ادائیگیوں کے فروغ کے لیے 3 اہم کمیٹیوں کی تشکیل
تمام وزارتوں کو ہدایت دی گئی ہے کہ وہ اسٹیٹ بینک اور مقررہ فوکل پرسن سے رابطے میں رہیں تاکہ بروقت عمل درآمد اور کسی بھی عملی مسئلے کا فوری حل یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راست شہباز شریف کیوآرکوڈ وزیر اعظم.ذریعہ: WE News
کلیدی لفظ: شہباز شریف کے لیے
پڑھیں:
وزیراعظم شہباز شریف کی کاشتکاروں کے لیے سستے قرضوں کی فراہمی کی ہدایت
وزیراعظم شہباز شریف نے چھوٹے اور درمیانے درجے کے کسانوں کے لیے سستے قرضوں تک آسان رسائی کو یقینی بنانے کی ہدایت دی ہے۔اسلام آباد میں زرعی قرضوں کی فراہمی کے حوالے سے اجلاس کی صدارت کرتے ہوئے انہوں نے کہا کہ چھوٹے کسانوں کو عزت اور وقار کے ساتھ دیکھا جائے تاکہ زرعی پیداوار میں اضافہ ہو۔وزیراعظم نے کہا کہ چھوٹے کسانوں کو کم شرح سود پر قرضے حاصل کرنے میں کافی مشکلات کا سامنا ہے اور حکومت ان کی زرعی ضروریات کو پورا کرنے کے لیے آسان مالی معاونت فراہم کرنے کو ترجیح دے رہی ہے۔انہوں نے زرعی ترقیاتی بینک (ZTBL) کی اصلاحات کو تیز کرنے اور بینک کی کارکردگی بہتر بنانے کی ہدایت دی۔
اس کے علاوہ انہوں نے نجی بینکوں کو بھی چھوٹے کسانوں کو آسان شرائط پر کم شرح سود والے قرضے دینے کی ترغیب دینے کی ہدایت دی۔وزیراعظم نے اعلان کیا کہ وہ ہر تین ہفتے بعد ایک اجلاس کی صدارت کریں گے تاکہ زرعی قرضوں کی فراہمی کے حوالے سے پیش رفت کا جائزہ لیا جا سکے۔اجلاس میں ZTBL کی اصلاحات، موجودہ کارکردگی اور مستقبل کی حکمت عملی پر بریفنگ دی گئی۔ نجی بینکوں نے بھی اپنے زرعی قرضوں کے پروگرامز کے بارے میں معلومات فراہم کیں۔کئی تجاویز پر تبادلہ خیال کیا گیا تاکہ ZTBL کی کارکردگی کو بہتر بنایا جائے اور زرعی قرضوں تک رسائی کو بڑھایا جائے۔
اشتہار
لیجنڈز لیگ: 47 سالہ سعید اجمل کی تباہ کن بولنگ، نیا ریکارڈ قائم