غیر قانونی تعمیر ات ناظم آباد نمبر1 میں جاری
اشاعت کی تاریخ: 8th, August 2025 GMT
بلاک E، پلاٹ نمبر 2/6 اور 15/2پر کمرشل تعمیرات کی چھوٹ حاصل
ڈائریکٹر ضیاء کے ناجائز امور پر ڈائریکٹر جنرل شاہ میربھٹو بنے سرپرست
سندھ بلڈنگ کنٹرول اتھارٹی میں بے ضابطگیاں، ڈی جی شاہ میر خان بھٹو کی چشم پوشی وسطی میں ڈائریکٹر سید ضیا کی مبینہ سرپرستی میں غیر قانونی سرگرمیوں میں تیزی ناظم آباد نمبر 1E پلاٹ 2/6 اور 15/2 پر خلاف ضابطہ تعمیرات جاری جرآت سروے ٹیم کی جانب سے ڈی جی ہاس رابطے کی کوشش، سندھ بلڈنگ کنٹرول اتھارٹی میں مبینہ کرپشن اور اختیارات کے ناجائز استعمال کا سلسلہ تاحال جاری ہے جبکہ ڈائریکٹر جنرل شاہ میر خان بھٹو کی خاموشی نے کئی سوالات کو جنم دے دیا ہے جرآت سروے کے مطابق وسطی میں ڈائریکٹر سید ضیا کی مبینہ سرپرستی میں بغیر نقشے اور منظوری کے کمرشل سرگرمیوں میں واضح اضافہ دیکھنے میں آیا ہے ناظم آباد نمبر 1 کے بلاک E میں پلاٹ 2/6 اور 15/2 پر خلاف ضابطہ تعمیرات کا عمل جاری ہے علاقہ مکینوں کا کہنا ہے کہ علاقے میں غیر قانونی پلازوںاضافی منزلوں اور بغیر نقشے کی منظوری کے تعمیرات کا بازار گرم ہے جبکہ متعلقہ حکام خاموش تماشائی بنے بیٹھے ہیںشہری حلقوں کا دعوی ہے کہ مبینہ طور پر ماہانہ بنیادوں پر "نظر انداز فیس” وصول کی جا رہی ہے جس کے باعث بلڈنگ قوانین کی کھلم کھلا خلاف ورزیاں کی جا رہی ہیں اس تمام صورتحال میں ڈی جی ایس بی سی اے شاہ میر خان بھٹو کی چشم پوشی پر بھی سوالات اٹھ رہے ہیں کہ آیا یہ سب کچھ ان کی لاعلمی میں ہو رہا ہے یا پھر دانستہ نظرانداز کیا جا رہا ہے متاثرہ شہریوں نے وزیر بلدیات سے مطالبہ کیا ہے کہ ناظم آباد میں جاری غیر قانونی سرگرمیوں کا نوٹس لیا جائے اور ذمہ داران کے خلاف فوری کارروائی کی جائے تاکہ شہر میں بڑھتی ہوئی بے قاعدگیوں کا سدباب ممکن ہو سکے جرآت سروے ٹیم کی موقف لینے کے لئے ڈی جی ہاس رابطے کی کوشش کی گئی مگر رابطہ ممکن نہ ہو سکا۔
.ذریعہ: Juraat
پڑھیں:
غیر قانونی تعمیر کی اجازت دینے کا کیس، ایس بی سی اے افسر سمیت 13 ملزمان کی ضمانت مسترد
کراچی:صوبائی اینٹی کرپشن عدالت نے لیاری نیا آباد میں بلڈنگ کی غیر قانونی تعمیر کرنے کی اجازت دینے کے مقدمے میں سندھ بلڈنگ کنٹرول اتھارٹی کے افسر سمیت 13 ملزمان کی ضمانت مسترد کر دی۔
صوبائی اینٹی کرپشن کی عدالت کے روبرو لیاری نیا آباد میں بلڈنگ کی غیر قانونی تعمیر کرنے کی اجازت دینے کے مقدمے میں ملزمان کی درخواست ضمانت کی سماعت ہوئی۔
عدالت نے سندھ بلڈنگ کنٹرول اتھارٹی کے افسر سمیت 13 ملزمان کی ضمانت مسترد کردی۔
اینٹی کرپشن نے ایس بی سی اے کے ڈپٹی ڈائریکٹر امتیاز سمیت 10 ملزمان کو گرفتار کرلیا، 3 ملزمان درخواست ضمانت پر فیصلے کے وقت موجود نا ہونے کی وجہ سے گرفتار نہیں ہو سکے۔ گرفتار ملزمان میں امتیاز شیخ، آفتاب سومرو، علی خان، شکیل میمن و دیگر شامل ہیں۔
اینٹی کرپشن حکام کے مطابق ملزمان نے لیاری میں نیا آباد کے علاقے میں بلڈنگ کی غیر قانونی تعمیرات کی اجازت دی تھی۔
پنجاب بدستور سموگ کی لپیٹ میں، گوجرانوالہ آلودہ شہروں میں پہلے نمبر پر آگیا