میجر طفیل محمد شہید نشان حیدر کا 67 واں یومِ شہادت آج منایا جا رہا ہے ،پاک فوج کا شاندار الفاظ میں خراج عقیدت
اشاعت کی تاریخ: 8th, August 2025 GMT
راولپنڈی ( ڈیلی پاکستان آن لائن )میجر طفیل محمد شہید نشان حیدر کا یومِ شہادت آج منایا جا رہا ہے۔ انہوں نے سابق مشرقی پاکستان کے لکشمی پور سیکٹر میں بہادری سے دشمن کا مقابلہ کرتے ہوئے جامِ شہادت نوش کیا۔
چیف آف آرمی سٹاف فیلڈ مارشل سید عاصم منیر، چیئرمین جوائنٹ چیفس آف سٹاف کمیٹی جنرل ساحر شمشاد مرزا، پاک بحریہ کے سربراہ ایڈمرل نوید اشرف اور پاک فضائیہ کے سربراہ ائیر چیف مارشل ظہیر احمد بابر سدھو نے افواج پاکستان کے ساتھ نشان حیدرمیجر طفیل محمد شہید کے 67 ویں یوم شہادت پر انہیں خراج عقیدت پیش کیا ہے۔
باجوڑ میں خارجیوں کا جھوٹ بے نقاب، سیکیورٹی حکام کی جانب سے قبائل کے سامنے کونسے3 نکات رکھے گئے ،زمینی حقائق سامنے آگئے
پاک فوج کے شعبہ تعلقات عامہ( آئی ایس پی آر )سے جاری کردہ بیان کے مطابق میجر طفیل محمد شہید نے غیر معمولی بہادری اور غیر متزلزل عزم کا مظاہرہ کرتے ہوئے دشمن کی افواج کے خلاف ایک جرأت مندانہ حملے میں اپنے فوجیوں کی قیادت کی۔ شدید زخمی ہونے کے باوجود وہ غیر معمولی بہادری کے ساتھ لڑتے رہے اور اپنے مشن کو کامیابی سے پورا کیا۔ان کے بہادرانہ عمل پرانہیں ملک کے اعلیٰ ترین فوجی اعزاز نشان حیدر سے نوازا گیا جو بے مثال بہادری اور عظیم قربانی کی علامت ہے۔اس پروقار موقع پر پاکستان کی مسلح افواج میجر طفیل محمد شہید اور مادر وطن کے دفاع میں اپنی جانوں کا نذرانہ پیش کرنے والے تمام شہداء کو شاندار خراج عقیدت پیش کرتی ہے۔
موٹروے پولیس بھی بدمعاش بن گئی ، اہلکار کی بچے کے سرمیں جوتیاں مارنے کی ویڈیو وائرل
آئی ایس پی آر نے جاری کردہ بیان میں یہ بھی کہا کہ ان کی جرأت، بے لوث حب الوطنی کی میراث نسلوں کو متاثر کرتی ہے اور قوم کے تمام محافظوں کے لیے روشنی کا چراغ ہے۔پاکستان ہمیشہ سے اپنے شہداء کا مقروض ہے، جن کی قربانیاں ہمارے پیارے وطن کے امن، استحکام اور خودمختاری کو برقرار رکھتی ہیں۔ہم اپنے ہیروز کو سلام پیش کرتے ہیں جنہوں نے پاکستان کے دفاع کے لیے لازوال قربانیاں دیں۔ ان کی ہمت اور لگن کو کبھی فراموش نہیں کیا جائے گا۔
ذریعہ: Daily Pakistan
پڑھیں:
آج سال کا سب سے بڑا ’سپر مون‘ ہوگا، پاکستان سمیت دنیا بھر میں شاندار نظارہ
آج 5 نومبر کی شام آسمان پر سال کا سب سے بڑا اور روشن سپر مون نمودار ہوگا، جسے پاکستان سمیت دنیا کے مختلف ممالک میں واضح طور پر دیکھا جا سکے گا۔
سپارکو کے ترجمان کے مطابق یہ اس سال کے تین سپر مونز میں سے دوسرا سپر مون ہوگا جو اپنے حجم اور روشنی میں غیر معمولی اضافے کے ساتھ نظر آئے گا۔
سپر مون اس وقت وجود میں آتا ہے جب مکمل چاند کے دوران چاند اپنے مدار میں گردش کرتے ہوئے زمین کے قریب ترین فاصلے پر پہنچ جاتا ہے۔ اس منفرد واقعے میں چاند معمول کے مقابلے میں بڑا اور زیادہ روشن دکھائی دیتا ہے۔
سپارکو کے ترجمان کے مطابق آج شام چھ بج کر انیس منٹ پر یہ چاند اپنی روشنی کے عروج پر ہوگا اور زمین سے قریب تر پہنچ جائے گا۔ اس وقت چاند کا زمین سے فاصلہ 221,817 میل رہ جائے گا، جس کی وجہ سے چاند اپنے معمول کے حجم سے 9.7 فیصد تک بڑا اور 16 فیصد زیادہ روشن نظر آئے گا۔
یاد رہے کہ یہ اس سال کے تین سپر مونز میں سے دوسرا سپر مون ہے، جس کا اگلا نظارہ دسمبر میں کیا جاسکے گا۔ ماہرین فلکیات کے مطابق بیور سپر مون اس سال کا سب سے بڑا اور روشن چاند کا نظارہ پیش کرے گا۔
پاکستان میں موسم سرما کے صاف آسمان کے باعث یہ نظارہ اور بھی واضح ہوگا۔ ماہرین کا کہنا ہے کہ شہروں سے دور، کم روشنی والے علاقوں میں یہ نظارہ سب سے بہتر ہوگا۔ سپر مون کی یہ جھلک نہ صرف فلکیاتی اعتبار سے اہم ہے بلکہ عوام کے لیے بھی ایک دلکش نظارہ پیش کرے گی۔
سپارکو کے مطابق پاکستان میں چاند طلوع ہونے کے فوری بعد ہی اسے بہترین طریقے سے دیکھا جاسکے گا۔ یہ قدرتی مظہر نہ صرف سائنس کے شائقین بلکہ عام شہریوں کے لیے بھی برابر دلچسپی کا باعث ہوگا۔
مقبوضہ جموں و کشمیر بھارت کا حصہ نہیں ہے، کبھی تھا نہ کبھی ہوگا، پاکستان