حملہ بروقت ناکام نہ بناتے تو مولانا فضل الرحمان کے جلسے میں بڑی تباہی ہوتی، آئی جی کے پی
اشاعت کی تاریخ: 12th, August 2025 GMT
پشاور:
آئی جی خیبر پختونخوا ذوالفقار حمید کا کہنا ہے کہ 11 مئی کو پشاور میں دہشتگردی کا حملہ بروقت ناکام نہ بناتے تو مولانا فضل الرحمان کے جلسے میں بڑی تباہی ہوتی۔
ایکسپریس نیوز سے گفتگو کرتے ہوئے آئی جی کے پی نے کہا کہ دہشتگردوں کا ہدف جے یو آئی سربراہ مولانا فضل الرحمان کا جلسہ تھا جنہیں ہدف پر پہنچنے نہیں دیا گیا، یہ رواں سال دہشت گردی کی بڑی کارروائی تھی جو ناکام بنائی گئی۔
یاد رہے کہ 11 مئی کو پشاور میں جے یو آئی کا جلسہ تھا جس کے لیے 4خود کش بمبار آئے تھے جن میں سے تین کو حراست میں لیا گیا تھا جبکہ ایک کو پولیس نے روکا تو اس نے اپنے آپ کو دھماکے سے اڑا لیا تھا۔ دھماکے میں چمکنی پولیس کے دو اہلکار شہید ہوئے تھے۔
آئی جی خیبر پختونخوا نے کہا کہ محرم میں کوہاٹ میں بھی قبل ازوقت حملے کو ناکام بنایا گیا۔ انہوں نے کہا کہ صوبے میں پہلی بار پولیس نے دہشتگردوں کا ڈرون گرایا، اینٹی ڈرون ٹیکنالوجی سے بنوں میں دو ڈرون گرائے گئے۔
انہوں نے کہا کہ باجوڑ آپریشن سے جنوبی اضلاع میں سیکیورٹی صورتحال بہتر ہوگی، ملاکنڈ میں دہشت گردوں کی تشکیل آئی تھی اور پولیس آپریشن سے دہشت گرد بھاگ گئے۔
آئی جی کے پی نے کہا کہ خیبر پختونخوا میں کسی جگہ موٹروے اور ہائی ویز پر دہشت گرد ناکہ موجود نہیں، ڈی آئی خان سے کوئٹہ سفر کیا جا سکتا ہے کیونکہ سیکیورٹی حالات پہلے سے کافی بہتر ہیں۔
.ذریعہ: Express News
کلیدی لفظ: نے کہا کہ
پڑھیں:
آئین بناتے ہی اس کے بگاڑ کی کوششیں شروع ہو گئی تھیں: جسٹس(ر) شاہد جمیل
جسٹس (ر) شاہد جمیل—فائل فوٹوجسٹس (ر) شاہد جمیل نے کہا ہے کہ اپوزیشن اتحاد کی تحریک کا مقصد آئین کی بالادستی ہے۔
اسلام آباد میں اپوزیشن اتحاد کی پریس کانفرنس میں محمود خا ن اچکزئی، مصطفیٰ نواز کھوکھر اور علامہ راجہ ناصر عباس موجود تھے۔
اس موقع پر جسٹس (ر) شاہد جمیل نے کہا کہ بے شمار ممالک میں جمہوریت نہیں پھر بھی قانون کی حکمرانی ہوتی ہے، قوم کے نوجوانوں کو مخاطب کر کے آئین کی حقیقی روح کا بتانا چاہتے ہیں۔
اپوزیشن اتحاد تحریکِ تحفظِ آئینِ پاکستان کے سربراہ محمود خان اچکزئی نے وزیرِ اعظم شہباز شریف کی حکومت کو پُرامن احتجاج سے گھر بھیجنے کا اعلان کر دیا۔
انہوں نے کہا کہ یہ تحریک آئین کی سر بلندی کے لیے کام کر رہی ہے، اپوزیشن اتحاد کی تحریک کا مقصد آئین کی بالادستی ہے، ہمارا متفقہ آئین قرارداد مقاصد کے تحت بنا اور اس پر عمل ہونا چاہیے۔
جسٹس (ر) شاہد جمیل نے یہ بھی کہا کہ آئین بناتے ہی اس کے بگاڑ کے لیے کوششیں شروع ہو گئی تھیں، آئین میں اہم نکتہ عدلیہ کی آزادی ہے جسے ہر ڈکٹیٹر نے پامال کیا۔
مصطفیٰ نواز کھوکھر نے کہا کہ جسٹس ریٹائرڈ شاہد جمیل کا بطور جج ہائی کورٹ استعفیٰ حیران کن تھا، انہوں نے استعفے میں جو لکھا وہ اہم تھا۔
انہوں نے مزید کہا کہ ہم نے جسٹس ریٹائرڈ کا استعفیٰ دیکھا ہے جس میں علامہ اقبال کی شاعری تھی، انہوں نے عدلیہ سے اپنی جان چھڑائی۔
مصطفیٰ نواز کھوکھر نے یہ بھی کہا کہ جسٹس (ر) شاہد جمیل آج اپوزیشن اتحاد تحریکِ تحفظِ آئینِ پاکستان کو جوائن کر رہے ہیں۔
علامہ راجہ ناصر عباس نے کہا کہ 26 ویں آئینی ترمیم نے عدلیہ کو مکمل تباہ کر دیا ہے۔
شام میں امریکی فوج کی نقل و حرکت میں غیرمعمولی اضافہ