ایشیا کپ پر دلجیت کا اعتراض؛ عدنان سمیع بھی بول اٹھے
اشاعت کی تاریخ: 27th, September 2025 GMT
ایشیا کپ کے انعقاد اور پاک بھارت میچ پر دلجیت دوسانجھ کے کمنٹس کے بعد گلوکار عدنان سمیع بھی اس معاملے پر بول اٹھے۔
عدنان سمیع نے حالیہ انٹرویو میں کہا ہے کہ فنکار سیاست یا سیاسی نظریات کا پابند نہیں ہوتا، وہ ہمیشہ اپنے ملک کا ہوتا ہے اور اس کا فن سرحدوں کو عبور کرجاتا ہے۔
میڈیا رپورٹس کے مطابق 2016 میں بھارتی شہریت حاصل کرنے والے عدنان سمیع کا کہنا تھا کہ ملک بھی ایک گھر کی طرح ہے، مگر سیاست اور قومیت کو گڈمڈ نہیں کرنا چاہیے۔ ان کے مطابق فنکار کو کسی مخصوص نظریے یا ایجنڈے کے ساتھ باندھنا درست نہیں، کیونکہ فن خود اپنی شناخت رکھتا ہے اور اسے زبردستی محدود نہیں کیا جاسکتا۔
یہ خبر بھی پڑھیے: دلجیت دوسانجھ کا ایشیا کپ کے حوالے سے بھارتی حکومت کے دوغلے پن پر گہرا طنز
انہوں نے یہ بات دلجیت دوسانجھ کی فلم سردار جی 3 پر ردعمل کے تناظر میں کہی۔ واضح رہے کہ پہلگام واقعے کے بعد بھارت میں پاکستانی ڈراموں اور فلموں پر پابندی عائد کر دی گئی تھی، جس کے باعث یہ فلم بھارت کے بجائے دیگر ممالک میں ریلیز کی گئی۔
دلجیت دوسانجھ نے اس حوالے سے کہا تھا کہ فلم کی شوٹنگ پہلگام واقعے سے پہلے مکمل ہوچکی تھی اور دھمکیوں کے باوجود انہوں نے اسے بیرون ملک ریلیز کرنے کا فیصلہ کیا۔ ان کا کہنا تھا کہ پاکستان اور بھارت کے حالیہ میچز کے بعد وہ بہت کچھ کہنا چاہتے تھے، لیکن منفی جذبات کو ہوا نہ دینے کے لیے خاموشی اختیار کی۔
.ذریعہ: Express News
کلیدی لفظ: دلجیت دوسانجھ
پڑھیں:
6-0 کے اشارے پر بھارتی بورڈ کو کیا اعتراض ہے؟ حارث رؤف کا سماعت کے دوران آئی سی سی سے سوال
پاکستانی فاسٹ بولر حارث رؤف اور اوپنر صاحبزادہ فرحان ایشیا کپ 2025 کے سپر4 مرحلے میں بھارت کے خلاف میچ کے دوران کیے گئے اشاروں کے معاملے پر آئی سی سی میچ ریفری رچی رچرڈسن کے سامنے پیش ہوئے۔ بھارتی کرکٹ بورڈ (بی سی سی آئی) نے دونوں کھلاڑیوں کے خلاف باضابطہ شکایت درج کرائی تھی۔
سماعت کے دوران حارث رؤف سے باؤنڈری لائن پر کیے گئے 6 انگلیوں کے اشارے پر سوال کیا گیا۔ حارث نے اس الزام کو چیلنج کرتے ہوئے براہِ راست کہا کہ بتائیں 0-6 کے اشارے پر بھارتی بورڈ کو کیا اعتراض ہے؟ آپ لوگ سمجھتے ہیں اس کا مطلب کیا ہے؟ ان کا مؤقف تھا کہ ان کے خلاف لگائے گئے دعوؤں کے کوئی شواہد نہیں۔
مزید پڑھیں: آئندہ سیاسی گفتگو نہ کریں، آئی سی سی نے بھارتی کپتان سوریا کمار یادو کو خبردار کردیا
ادھر صاحبزادہ فرحان نے اپنی نصف سینچری کی خوشی میں مشین گن کی طرز پر بیٹ گھمانے کے اشارے پر وضاحت دیتے ہوئے کہا کہ اس کا کوئی سیاسی پہلو نہیں تھا۔ ان کے مطابق، یہ جشن پشتون ثقافت اور روایات کا حصہ ہے۔
میچ ریفری رچی رچرڈسن نے حارث کے سوال پر کوئی تبصرہ نہیں کیا۔ تنازع اس وقت شروع ہوا جب بی سی سی آئی نے آئی سی سی کو ای میل کے ذریعے شکایت درج کرائی اور دونوں پاکستانی کھلاڑیوں کے اشاروں کو اشتعال انگیز قرار دیا۔
یاد رہے کہ 21 ستمبر کو کھیلے گئے اس میچ میں کھلاڑیوں کے درمیان تلخ جملوں اور گرماگرمی کے مناظر بھی دیکھنے کو ملے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ایشیا کپ 2025 بی سی سی آئی پاک بھارت مقابلہ حارث رؤف سپر4 صاحبزادہ فرحان
ملک سے غربت کا خاتمہ بھی کر کے دکھائیں گے،شہباز شریف