پاک امریکہ انسداد دہشت گردی ڈائیلاگ کا مشترکہ اعلامیہ جاری
اشاعت کی تاریخ: 12th, August 2025 GMT
سٹی 42 : ترجمان دفتر خارجہ کی جانب سے پاک امریکہ انسداد دہشت گردی ڈائیلاگ کا مشترکہ اعلامیہ جاری کردیا گیا ۔
ترجمان دفتر خارجہ کے مطابق پاکستان اور امریکہ کے درمیان انسداد دہشت گردی کے حوالے سے بات چیت کا دور اسلام آباد میں ہوا, پاکستان اور امریکہ نے دہشت گردی کی ہر شکل اور قسم کا مقابلہ کرنے کا بھرپور عزم کیا۔ پاک امریکہ انسداد دہشت گردی ڈائیلاگ کی صدارت سپیشل سیکرٹری برائے یو این نبیل منیر اور امریکی قائم مقام کوارڈینیٹر برائے انسداد دہشت گردی گریگری ڈی لوگرفو نے کی۔ پاکستان اور امریکہ دہشت گردی سے لاحق خطرات سے نمٹنے کے لیے موثر طریقے اپنانے کی ضرورت پر زور دیا گیا۔
زرعی یونیورسٹی فیصل آباد میں ڈین تعیناتی کی درخواست پر فیصلہ محفوظ
ترجمان دفتر خارجہ کا کہناہے کہ پاکستان اور امریکہ نے بی ایل اے، آئی ایس آئی ایس خراسان اور ٹی ٹی پی پاکستان جیسی تنظیموں سے نمٹنے کی اہمیت کو اجاگر کیا۔ امریکہ نے پاکستان کی جانب سے عالمی امن و سلامتی کو لاحق خطرات سے نمٹنے میں کامیابیوں کو سراہا, امریکہ کی جانب سے پاکستان میں دہشت گردی کے واقعات میں شہریوں اور قانون نافذ کرنے والے اداروں سے وابستہ اہلکاروں کے جانی نقصان پر بھی اظہار افسوس کیا گیا۔اس کے علاوہ امریکہ نے جعفر ایکسپریس اور خضدار میں سکول بس پر ظالمانہ حملے پر بھی اظہار افسوس کیا۔
راولپنڈی میں ڈینگی کی شدت میں اضافہ۔ 58 نئے کیسز کی تصدیق
ترجمان شفقت علی خان نے بتایا کہ پاکستان اور امریکہ نے سیکیورٹی چیلنجز سے نمٹنے کے لیے موثر ادارہ جاتی فریم ورک کی تشکیل اور صلاحیتوں میں اضافے پر اتفاق کیا، ساتھ ہی دہشت گردوں کی جانب سے جدید ٹیکنالوجی کے استعمال سے نمٹنے کے لیے بھی موثر طریقہ کار اپنانے پر اتفاق کیا گیا ۔ اس کے علاوہ پاکستان اور امریکہ نے اقوام متحدہ سمیت کثیر ملکی فورمز پر انسداد دہشت گردی کے لیے تعاون پر اتفاق کیا، ساتھ ہی پاکستان اور امریکہ نے انسداد دہشت گردی اور امن کے فروغ کے لیے موثر اور مربوط روابط برقرار رکھنے کا اعادہ کیا گیا۔
رونالڈو نے 8 سال تک ڈیٹنگ کے بعد جورجینا سے منگنی کر لی
.
ذریعہ
ذریعہ: City 42
پڑھیں:
کوہاٹ ٹول پلازہ کے قریب دہشت گردوں کا کسٹمز حکام پر حملہ، 2 اہلکار شہید، ایک زخمی
کوہاٹ ٹول پلازہ کے قریب دہشت گردوں نے کسٹمز انفورسمنٹ اسکواڈ پر حملہ کر دیا، جس کے نتیجے میں سپاہی جاوید احمد اور اے ایس آئی ساجد الاسلام جامِ شہادت نوش کر گئے، جبکہ پاکستان کسٹمز کا ایک سپاہی زخمی ہوا، جسے علاج کے لیے اسپتال منتقل کر دیا گیا ہے۔ پاکستان کسٹمز کے مطابق قانون نافذ کرنے والے اداروں کی کارروائیاں جاری ہیں۔
پاکستان کسٹمز کے مطابق دہشت گرد حملے کے بعد سرکاری انفورسمنٹ گاڑی کو آگ لگا دی گئی، جبکہ ملزمان کی تلاش کے لیے سرچ آپریشن شروع کر دیا گیا ہے۔
پاکستان کسٹمز نے شہید سپاہی جاوید احمد اور شہید اے ایس آئی ساجد الاسلام کی عظیم قربانی کو خراجِ عقیدت پیش کرتے ہوئے کہا کہ شہداء نے اسمگلنگ کے خلاف جنگ اور وطن کی معاشی سرحدوں کے تحفظ میں اپنی جانوں کا نذرانہ پیش کیا۔
پاکستان کسٹمز نے شہداء کے اہلِ خانہ سے دلی تعزیت، زخمی اہلکار کی جلد صحت یابی کے لیے دعا اور اسمگلنگ، دہشت گردی و جرائم کے خلاف کارروائیاں مزید مؤثر بنانے کے عزم کا اعادہ کرتے ہوئے کہا کہ ہمارے شہداء کی لازوال قربانیاں قوم کا سرمایہ ہیں، ان کا خون ہرگز رائیگاں نہیں جائے گا، جبکہ پاکستان کسٹمز ملک کی معاشی سرحدوں کے تحفظ اور اسمگلنگ کے مکمل خاتمے کے لیے پرعزم ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع