موڈیز نے پاکستان کی مقامی و غیر ملکی کریڈٹ ریٹنگ بہتر کردی
اشاعت کی تاریخ: 13th, August 2025 GMT
اسلام آباد:
کریڈٹ ریٹنگ کے عالمی ادارے موڈیز نے پاکستان کی مقامی و غیر ملکی کریڈٹ ریٹنگ سی ڈبل اے ٹو سے بڑھا کر سی ڈبل اے ون کردی.
ایکسپریس نیوز کے مطابق پاکستان کی معیشت پر بین الاقوامی اعتماد میں اضافہ ہوا ہے، موڈیز نے پاکستان کی آؤٹ لک کو "مستحکم" قرار دے دیا۔
موڈیز کے مطابق ریٹنگ اپ گریڈ کرنے کا سہرا بہتر زرمبادلہ ذخائر اور مالی نظم و ضبط کو جاتا ہے، آئی ایم ایف پروگرام کے تحت اصلاحات میں پیشرفت پر عالمی اداروں کی مثبت رائے سامنے آئی ہے، ریونیو بیس میں اضافے اور اصلاحاتی ایجنڈے نے پاکستان پر عالمی اعتماد میں اضافہ کیا۔
واضح رہے کہ کریڈٹ ریٹنگ کے دیگر عالمی اداروں فِچ، ایس اینڈ پی کے بعد اب موڈیز نے بھی پاکستان کی کریڈٹ ریٹنگ میں اضافہ کیا ہے جو کہ ملک معیشت میں بہتری کا اعتراف ہے۔
وزیراعظم محمد شہباز شریف نے پاکستان کی کریڈٹ درجہ بندی میں بہتری پر اظہار اطمینان کیا ہے اور معاشی ٹیم کی پذیرائی کی ہے۔
بین الاقوامی ادارے موڈیز کی جانب سے پاکستان کی کریڈٹ ریٹنگ کا Caa2 سے بہتر ہو کر Caa1 پر آنا انتہائی خوش آئند ہے، حکومتی ٹیم اس ریٹنگ کو مزید بہتر کرنے کے لیے کوشاں ہے، کریڈٹ ریٹنگ کا بہتر ہونا معاشی پالیسیوں کی درست سمت ہونے کا مظہر ہے۔
.ذریعہ: Express News
کلیدی لفظ: کی کریڈٹ ریٹنگ نے پاکستان کی موڈیز نے
پڑھیں:
سوئی گیس کی قیمتوں میں ہو شربا اضافہ، ایم کیو ایم پاکستان کا سخت ردعمل
ترجمان نے بتایا کہ اس سلسلے میں 11 نومبر بروز منگل اوگرا اور سوئی گیس کے اعلی حکام کے سامنے عوامی سماعت میں کراچی کے عوام کا مقدمہ بھرپور طریقے سے پیش کیا جائے گا، جہاں ایم کیو ایم کے وکیل طارق منصور ایڈوکیٹ شہر کے 31 لاکھ سے زائد گیس صارفین کے حق میں دلائل دیں گے۔ اسلام ٹائمز۔ متحدہ قومی موومنٹ پاکستان کے ترجمان نے بہادرآباد مرکز سے جاری اپنے بیان میں کہا ہے کہ کراچی سمیت سندھ بھر میں گھریلو اور کمرشل صارفین کے لیے سوئی گیس کی قیمتوں میں مجوزہ اضافہ ناقابلِ قبول اور عوام پر شدید معاشی بوجھ ہے۔ مالی سال 2025-2026ء کے لیے گیس نرخوں میں 1962.65 روپے فی MMBTU اضافہ موجودہ مہنگائی اور بے روزگاری کی صورتحال میں شہری طبقات کی مشکلات میں مزید اضافہ کرے گا۔ ترجمان کے مطابق سوئی سدرن گیس کمپنی کی جانب سے اوگرا کو تجویز دی گئی ہے کہ گھریلو صارفین سے گزشتہ سالوں کے خسارے کی رقم 34,249 ملین روپے کی صورت میں وصول کی جائے، جس کے نتیجے میں کراچی کے صارفین پر 57.87 فیصد اضافی بوجھ پڑنے کا خدشہ ہے۔ ان کا کہنا تھا کہ SSGC اور OGRA کی جانب سے لائن لاسز (UFG) اور انتظامی ناکامیوں کا ملبہ کراچی کے شہریوں پر ڈالنا کسی صورت قبول نہیں۔
ایم کیو ایم پاکستان نے واضح کیا کہ گیس نرخوں میں یہ اضافہ شہری علاقوں کے ساتھ مسلسل وسائل کی غیر منصفانہ تقسیم کی پالیسی کا تسلسل ہے۔ متحدہ نے مطالبہ کیا کہ وفاقی حکومت نہ صرف اس مجوزہ اضافہ کو فوری واپس لے بلکہ توانائی کے شعبے میں شفافیت، احتساب اور درست مالی نظم کو یقینی بنائے۔ ترجمان نے بتایا کہ اس سلسلے میں 11 نومبر بروز منگل اوگرا اور سوئی گیس کے اعلی حکام کے سامنے عوامی سماعت میں کراچی کے عوام کا مقدمہ بھرپور طریقے سے پیش کیا جائے گا، جہاں ایم کیو ایم کے وکیل طارق منصور ایڈوکیٹ شہر کے 31 لاکھ سے زائد گیس صارفین کے حق میں دلائل دیں گے۔ ایم کیو ایم پاکستان نے کہا کہ وہ کراچی کے شہریوں کے جائز گیس کوٹے اور شرحِ قیمت میں شفاف اور منصفانہ نظام کے لیے ہر فورم پر آواز اٹھاتی رہے گی اور عوامی حقوق کے تحفظ کے لیے جدوجہد جاری رہے گی۔
شمالی وزیرستان: شادی کی تقریب میں شرکت کےلیے جانے والی گاڑی کو حادثہ، 14 افراد زخمی