عرس داتا گنج بخش کا افتتاح: حکومت مدت پوری کریگی، افواہوں پر توجہ نہ دیں، اسحاق ڈار
اشاعت کی تاریخ: 14th, August 2025 GMT
لاہور (خصوصی نامہ نگار) حضرت علی ہجویری داتا گنج بخشؒ کے 982 ویں سالانہ عرس مبارک کا آغاز ہوگیا ہے۔ عرس مبارک کا آج دوسرا دن ہے۔ گذشتہ روز ڈپٹی وزیر اعظم اسلامی جمہوریہ پاکستان سینیٹر محمد اسحاق ڈار نے وفاقی وزیر مواصلات عبد العلیم خان، صوبائی وزیر ہائوسنگ بلال یٰسین، سیکرٹری اوقاف ڈاکٹر طاہر رضا بخاری، ایم پی اے میاں مرغوب احمد، ایس ایم بی آر نبیل جاوید، سیکرٹری ایکسائز مسعود مختار اور ڈائریکٹر جنرل مذہبی امور خالد محمود سندھو کے ہمراہ رسمِ چادر پوشی سے عرس کی تقریبات کا آغاز کیا۔ انہوں نے روایتی سبیل دودھ کا بھی افتتاح کیا۔ افتتاحی تقریب میں ڈائریکٹر ایڈمنسٹریشن اوقاف محمد شاکر، ڈائریکٹر پراجیکٹس اوقاف رفیق نور وٹو، ڈپٹی ڈائریکٹرز اوقاف آصف اعجاز، حافظ محمد یوسف، چوہدری طاہر احمد، ایاز حبیب، عظیم حیات، ایڈمنسٹریٹر اوقاف داتا دربار شیخ جمیل احمد، پی ایس او ٹو سیکرٹری اوقاف زاہد اقبال، منیجر ان اوقاف داتا دربار شیخ محمد جمیل، طاہر مقصود، محمد ناصر اور امور مذہبیہ کمیٹی کے ممبران سمیت ملک بھر کے معروف قرا، نعت خواں حضرات نے شرکت کی سعادت حاصل کی۔ خطیب داتا دربا ر مفتی محمد رمضان سیالوی نے پاکستان کی سلامتی، استحکام، ترقی و خوشحالی، قومی یکجہتی، ملک وقوم کی فلاح کیلئے دعائے خیر کی۔ ڈپٹی وزیر اعظم اسحاق ڈار نے سبیل دودھ کا افتتاح کیا۔ انہوں نے حضرت داتا گنج بخشؒ کی معرکۃ الٓاراء تصنیف ’’کشف المحجوب‘‘کے لوگو، ڈاکٹر طاہر رضا بخاری کی تصنیف ’’معارفِ تصوف‘‘، ڈاکٹر ظفر اقبال نوری کی تصنیف ’’تسہیلِ کشف المحجوب‘‘ اور خطیب داتا دربار مفتی محمد رمضان کی تصنیف ’’معارف شاہ ہجویر‘‘کی رونمائی بھی کی۔ علاوہ ازیں عرس کی افتتاحی تقریب کے بعد میڈیا سے گفتگو میں نائب وزیراعظم محمد اسحاق ڈار نے کہا ہے کہ ہم پانی کے ایک قطرے کی کمی افورڈ نہیں کر سکتے۔ حکومت اپنی مدت پوری کرے گی۔ افواہوں پر یقین نہ کریں۔ ہم نے ہر جگہ واضح کر دیا ہے اگر ہمارا پانی روکا گیا تو اس کو جنگ تصور کریں گے۔ انڈیا خود انٹرنیشنل فورم پر گیا تھا جس کا فیصلہ آیا ہے۔ انٹرنیشنل قوانین کے تحت دونوں فریقوں کی مرضی سے کوئی معاہدہ ختم ہو سکتا۔ جب کوئی انسان اپنے ملک اور اداروں کے خلاف ہتھیار اٹھا لے وہ بغاوت ہوتی ہے جس میں پھر کوئی بندہ کچھ نہیں کر سکتا۔ نہ اس حکومت نے یہ مقدمات بنائے تھے نہ سہولت کاری کی تھی۔ عدالتی فیصلوں کا احترام کرنا پڑے گا۔ وزیراعظم شہباز شریف کی ٹیم معاشی اور سفارتی محاذ پر کامیابیاں حاصل کر رہی ہے۔ ڈس انفارمیشن سے پرہیز کرنا چاہیے۔ جب تک کوئی چیز ثابت نہ ہو آگے نہیں پھیلانا چاہیے۔ سیاسی استحکام کے لیے کوشش کر رہے ہیں۔ میاں محمد نواز شریف، آصف زرداری، شہباز شریف اور مریم نواز اور دیگر کی جانب سے دل کی گہرائیوں سے 982 ویں عرس کی مبارکباد پیش کرتا ہوں۔ جشن آزادی اور عرس مبارک ساتھ ساتھ آئے ہیں۔ جشن آزادی بھی بہت بہت مبارک ہو۔ پاکستان کی ترقی کیلئے خصوصی دعائیں کریں۔ پاکستانی عوام کی ترقی و خوشحالی کیلئے دعائیں کریں۔ اللہ کے فضل و کرم سے پاکستان کو بے شمار کامیابیاں حاصل ہوئی ہیں جن میں اصل کامیابی معرکہ حق ہے۔ پاکستان کو بے پناہ عزت ملی ہے۔ ہمسایہ ملک جانے اور اس کے کام جانیں۔ ہم نے اپنا کام جاری رکھنا ہے۔ معاشی ترقی کی طرف شہباز شریف کی بھر پور توجہ ہے۔ میں نے، وزیر اعظم اور فیلڈ مارشل نے کئی دورے اکٹھے کئے ہیں۔ ہم ساتھ مل کر کام کر رہے ہیں۔ فیلڈ مارشل خصوصی دورے پر گئے تھے۔ جب تک تمام ادارے اور سیاسی جماعتیں ملکر کام نہیں کریں گے تو ملک آگے نہیں جائے گا۔ علاوہ ازیں صوبائی وزیر اوقاف ومذہبی امور چوہدری شافع حسین نے داتا دربار پر حاضری دی۔ صوبائی وزیر نے دربار پر چادر چڑھائی اور فاتحہ خوانی کی۔ اس موقع پر ملک کی ترقی و خوشحالی اور امن و سلامتی کیلئے خصوصی دعا کی گئی۔ سہولیات اور لنگر کا معیار چیک کیا۔ سیکرٹری اوقاف ڈاکٹر طاہر رضا بخاری، ڈی جی مذہبی امور، ایڈمنسٹریٹر داتا دربار اور دیگر بھی اس موقع پر موجود تھے۔ صوبائی وزیر اوقاف ومذہبی امور چوہدری شافع حسین نے کہاکہ حضرت داتا گنج بخش رحمۃ اللہ علیہ نے خطے میں اسلامی تعلیمات کے فروغ میں اہم کردار ادا کیا۔ ان کے آستانہ پر دنیا بھر سے عقیدت مند حاضری کی سعادت حاصل کرتے ہیں۔
.
ذریعہ
ذریعہ: Nawaiwaqt
کلیدی لفظ: داتا گنج بخش داتا دربار اسحاق ڈار
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا