کیرون پولارڈ کی طوفانی بیٹنگ، 8 گیندوں پر 7 چھکے
اشاعت کی تاریخ: 2nd, September 2025 GMT
سینٹ کٹس(سپورٹس ڈیسک) کیریبیئن پریمیئر لیگ (سی پی ایل) 2025 میں سابق ویسٹ انڈین کپتان کیئرون پولارڈ نے ایک اور دھماکا خیز اننگز کھیل کر شائقین کو جھومنے پر مجبور کر دیا۔
ٹرینیباگو نائٹ رائیڈرز (ٹی کے آر) کی نمائندگی کرتے ہوئے پولارڈ نے صرف 29 گیندوں پر 65 رنز جڑ دیے، ان کی اننگز میں 2 چوکے اور 8 بلند و بالا چھکے شامل تھے۔ خاص بات یہ رہی کہ انہوں نے صرف 8 گیندوں پر 7 چھکے لگا کر بولرز کو بے بس کر دیا۔
38 سالہ پولارڈ نے نیویان بڈائسی اور وقار سلام خیل کو خاص طور پر نشانہ بنایا اور دونوں کے اوورز میں یکے بعد دیگرے چھکے لگا کر میچ کا نقشہ بدل دیا۔ ان کی نیکولس پورن کے ساتھ 90 رنز کی شراکت داری نے ٹرینیباگو کو جیت کی راہ پر ڈال دیا۔
پولارڈ نے صرف 21 گیندوں پر اپنی نصف سنچری مکمل کی۔ وہ حال ہی میں کرس گیل کے بعد 14 ہزار ٹی ٹوئنٹی رنز مکمل کرنے والے دنیا کے دوسرے بیٹر بنے ہیں۔ چھکوں کے اعتبار سے بھی وہ 950 چھکوں کے ساتھ گیل (1056) کے بعد دوسرے نمبر پر موجود ہیں۔
میچ میں ان کی دھواں دھار اننگز کی بدولت شاہ رخ خان کی ملکیت میں شامل ٹرینیباگو نائٹ رائیڈرز نے سینٹ کٹس اینڈ نیویس پیٹریاٹس کو 12 رنز سے شکست دی۔ پیٹریاٹس 180 رنز کے ہدف کے تعاقب میں مقررہ اوورز میں 167 رنز تک محدود رہے۔ ان کی جانب سے آندرے فلیچر نے 54 گیندوں پر 67 رنز کی مزاحمتی اننگز کھیلی، تاہم وہ ٹیم کو کامیابی نہ دلا سکے۔
پولارڈ کو شاندار بیٹنگ پر میچ کا بہترین کھلاڑی قرار دیا گیا۔
Post Views: 4.ذریعہ: Daily Mumtaz
کلیدی لفظ: پولارڈ نے گیندوں پر
پڑھیں:
پاکستان بمقابلہ جنوبی افریقہ: بابر اعظم نے ویرات کوہلی کا کونسا ریکارڈ توڑ ڈالا؟
قومی ٹیم کے سابق کپتان بابر اعظم نے جنوبی افریقہ کے خلاف تیسرے اور آخری ٹی20 میچ میں بھارتی اسٹار ویرات کوہلی کا ریکارڈ توڑ دیا۔
قذافی اسٹیڈیم لاہور میں کھیلے گئے میچ میں بابر اعظم نے 47 گیندوں پر 68 رنز کی شاندار اننگز کھیلی، جس میں 9 چوکے شامل تھے۔ اس اننگز کے ساتھ ہی بابر اعظم نے ٹی20 انٹرنیشنل کرکٹ میں 40 نصف سنچریاں مکمل کر کے کوہلی کا 39 ففٹی پلس اسکورز کا ریکارڈ پیچھے چھوڑ دیا۔
یہ بھی پڑھیے: تیسرا ٹی 20 : پاکستان نے جنوبی افریقہ کو شکست دے کر سیریز اپنے نام کرلی
اس فہرست میں بھارت کے روہت شرما 37 نصف سنچریوں کے ساتھ تیسرے نمبر پر ہیں، جبکہ پاکستان کے وکٹ کیپر بیٹر محمد رضوان 31 ففٹی پلس اننگز کے ساتھ چوتھے نمبر پر موجود ہیں۔
ٹی20 انٹرنیشنل میں سب سے زیادہ ففٹی پلس اننگز:
بابر اعظم (پاکستان) – 40 ویرات کوہلی (بھارت) – 39 روہت شرما (بھارت) – 37 محمد رضوان (پاکستان) – 31 ڈیوڈ وارنر (آسٹریلیا) – 29 جوز بٹلر (انگلینڈ) – 29میچ میں پاکستان نے جنوبی افریقہ کا 140 رنز کا ہدف 6 وکٹوں سے اور 6 گیندیں باقی رہتے ہوئے حاصل کر لیا۔
ابتدائی نقصان کے بعد، جب صائم ایوب بغیر کوئی رن بنائے آؤٹ ہوئے، بابر اعظم اور صاحبزادہ فرحان نے 36 رنز کی شراکت قائم کر کے ٹیم کو سنبھالا۔ فرحان نے 18 گیندوں پر 19 رنز بنائے۔
یہ بھی پڑھیے: ٹی20 میں سب سے زیادہ رنز بنانے کا اعزاز، بابر اعظم نے روہت شرما کا ریکارڈ توڑ دیا
اس کے بعد بابر اعظم نے کپتان سلمان علی آغا کے ساتھ 76 رنز کی شاندار پارٹنرشپ قائم کی۔ بابر نے 68 رنز کے ساتھ اننگز کے سب سے نمایاں بلے باز رہے جبکہ آغا سلمان نے 26 گیندوں پر 33 رنز اسکور کیے۔
آخر میں فہیم اشرف اور عثمان خان نے ذمہ دارانہ بیٹنگ کرتے ہوئے ٹیم کو کامیابی دلائی۔
اس سے قبل جنوبی افریقہ نے ٹاس ہار کر پہلے بیٹنگ کی اور پاکستانی بولرز نے شاندار کارکردگی دکھاتے ہوئے مہمان ٹیم کو 20 اوورز میں 139 رنز پر محدود کر دیا۔ شاہین شاہ آفریدی اور سلمان مرزا نے شاندار بولنگ کا مظاہرہ کرتے ہوئے پاکستان کو میچ میں برتری دلائی۔
دونوں ٹیمیں اب فیصل آباد میں 4 سے 8 نومبر تک 3 میچوں پر مشتمل ون ڈے سیریز کھیلیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم کرکٹ ویرات کوہلی
صیہونی فوج نے جنین میں تین فلسطینیوں کو شہید کر دیا