پاکستان کے معدنی وسائل میں امریکی دلچسپی، اعلیٰ سطح وفد کا اہم دورہ
اشاعت کی تاریخ: 8th, September 2025 GMT
سونا، تانبہ، چاندی اور دیگر قیمتی معدنی ذخائر کی تلاش اور نکاسی کے حوالے سے امریکا کی معروف کان کنی کمپنیوں پر مشتمل ایک اعلیٰ سطح وفد نے 7 سے 9 ستمبر تک پاکستان کا دورہ کیا۔ اس دورے کا مقصد ملک میں کان کنی کے شعبے میں سرمایہ کاری کے امکانات کا جائزہ لینا اور انفرااسٹرکچر کی ترقی میں تعاون کے مواقع تلاش کرنا تھا۔
امریکی وفد میں معدنیات اور کان کنی کے شعبے میں شہرت یافتہ کمپنیاں یونائیٹڈ اسٹیٹس، اسٹریٹجک میٹلز اور موٹہ اینگل شامل تھیں۔ وفد نے وزیراعظم پاکستان، چیف آف آرمی اسٹاف، وزیر پٹرولیم اور وفاقی وزیر تجارت سے الگ الگ ملاقاتیں کیں اور انہیں پاکستان میں موجود وسیع معدنی وسائل—خصوصاً سونا، تانبہ اور نایاب زمینی عناصر (Rare Earth Elements) سے متعلق بریفنگ دی۔
یہ دورہ امریکی سفارت خانے کے تعاون سے ممکن ہوا، جس سے دونوں ممالک کے درمیان معاشی اور سرمایہ کاری کے شعبوں میں بڑھتے ہوئے تعلقات کی عکاسی ہوتی ہے۔
کان کنی میں تعاون اور مستقبل کی راہیں
امریکی کمپنیوں نے پاکستان میں معدنیات کی ویلیو ایڈیشن، مقامی سطح پر پروسیسنگ کی صلاحیت بڑھانے، اور بنیادی ڈھانچے کی ترقی میں سرمایہ کاری کے لیے گہری دلچسپی ظاہر کی۔ خاص طور پر کان کنی کے ساتھ منسلک لاجسٹکس اور دیگر سپورٹنگ سسٹمز پر بھی زور دیا گیا۔
اس دوران دونوں حکومتوں کے درمیان دو اہم مفاہمتی یادداشتوں (MoUs) پر بھی دستخط ہوئے، جن کا تعلق نایاب زمینی عناصر اور لاجسٹک خدمات کی ترقی سے تھا۔
پاکستان کی عالمی سرمایہ کاروں کو دعوت
یہ دورہ نہ صرف پاکستان کی معدنی دولت کو عالمی سطح پر روشناس کرانے کا ایک بڑا موقع ثابت ہوا، بلکہ یہ اس بات کی بھی علامت ہے کہ پاکستان اب عالمی سرمایہ کاروں کے لیے کان کنی اور قدرتی وسائل کے شعبے میں ایک پرکشش منزل بنتا جا رہا ہے۔
ذریعہ
ذریعہ: Daily Mumtaz
کلیدی لفظ: کان کنی
پڑھیں:
عالمی منڈی میں خام تیل کی قیمتیں بے قابو، فی بیرل 100 ڈالر سے متجاوز
تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔ اسلام ٹائمز۔ ایران پر امریکی جارحیت کے بعد عالمی توانائی منڈی میں خام تیل کی قیمتوں میں نمایاں اضافہ ریکارڈ کیا گیا، جبکہ برطانوی خام تیل 100 ڈالر فی بیرل کی سطح عبور کر گیا۔ تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔
دوسری جانب متحدہ عرب امارات کا مربن خام تیل 108 ڈالر فی بیرل میں فروخت ہونے لگا ہے، جو عالمی منڈی میں توانائی کی بڑھتی ہوئی بے یقینی کی عکاسی کرتا ہے۔ادھر قدرتی گیس کی قیمت بھی بڑھ کر 2.95 ڈالر فی ایم ایم بی ٹی یو (MMBtu) ہو گئی ہے، جس سے عالمی توانائی مارکیٹ میں کشیدگی کے اثرات مزید نمایاں ہو رہے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار