‘ کمپنیاں امریکی ورکرز کو ملازمت دیں،’ صدر ٹرمپ کا 300 جنوبی کوریائی ملازمین کی گرفتاری کے بعد انتباہ
اشاعت کی تاریخ: 8th, September 2025 GMT
امریکی ریاست جارجیا میں زیرِ تعمیر ہنڈائی-ایل جی بیٹری پلانٹ پر امریکی حکام کے چھاپے میں قریباً 300 مبینہ غیر قانونی جنوبی کوریائی کارکنوں کی گرفتاری کے بعد صدر ٹرمپ نے کمپنیوں کو مقامی ورکرز رکھنے کا کہا ہے۔
یہ کارروائی جارجیا میں زیرِ تعمیر ہنڈائی-ایل جی بیٹری پلانٹ میں کی گئی جسے صدر ڈونلڈ ٹرمپ کی ملک گیر انسدادِ تارکین وطن مہم کے تحت اب تک کی سب سے بڑی آپریشن قرار دی جا رہی ہے۔
صدر ٹرمپ نے سوشل میڈیا پر پیغام میں غیر ملکی کمپنیوں کو خبردار کیا کہ وہ امریکی قوانین کی پابندی کریں۔ ان کا کہنا تھا کہ آپ کی سرمایہ کاری خوش آئند ہے لیکن ہم چاہتے ہیں کہ آپ امریکی ورکرز کو ملازمت اور تربیت دیں۔
یہ بھی پڑھیے: امریکا میں جنوبی کوریا کے 300 ورکرز کی گرفتاری، دونوں ملکوں کے درمیان تناؤ میں اضافہ
صدر ٹرمپ نے کہا کہ حکام نے درست قدم اٹھایا کیونکہ وہ یہاں غیر قانونی طور پر موجود تھے۔ تاہم ہمیں ایسا نظام بھی وضع کرنا ہوگا جس کے ذریعے ہم اضافی ہنر مند لائیں تاکہ ہمارے مقامی کارکن تربیت حاصل کر سکیں۔
چھاپے کی فوٹیج میں گرفتار کارکنوں کو ہتھکڑیوں اور پاؤں میں بیڑیاں ڈال کر بسوں میں منتقل کرتے ہوئے دیکھا جاسکتا ہے۔
دوسری جانب سیول حکومت نے اتوار کو اعلان کیا کہ گرفتار کوریائی ورکرز کی رہائی اور وطن واپسی کے لیے مذاکرات مکمل ہو گئے ہیں۔ ایل جی انرجی سولیوشن کے ایک اعلیٰ عہدیدار کم کی سو نے کہا کہ ہمارا فوری ہدف اپنے ملازمین اور شراکت دار کمپنیوں کے ورکرز کی جلد رہائی اور واپسی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا جنوبی کوریا ڈونلڈ ٹرمپ ملازمت.ذریعہ: WE News
کلیدی لفظ: امریکا جنوبی کوریا ڈونلڈ ٹرمپ ملازمت
پڑھیں:
امریکا کا بڑا اقدام: ایران کے خلاف نئی پابندیاں عائد
واشنگٹن: امریکا نے ایران سے متعلق نئی پابندیوں کا اعلان کر دیا ہے۔
امریکی محکمہ خزانہ کی پریس ریلیز کے مطابق ایران سے جڑے کئی افراد اور کمپنیوں کو بلیک لسٹ کیا گیا ہے۔ ان میں وہ ادارے اور عناصر بھی شامل ہیں جو ایرانی فوج کو مالی معاونت فراہم کرتے ہیں، جبکہ ہانگ کانگ اور متحدہ عرب امارات میں سرگرم کچھ شخصیات بھی اس فہرست میں شامل ہیں۔
بیان میں کہا گیا کہ ان افراد اور کمپنیوں نے ایرانی تیل کی فروخت سے حاصل ہونے والی تقریباً 10 کروڑ ڈالر مالیت کی کرپٹو کرنسی منتقل کرنے میں کردار ادا کیا، جو ایران کی حکومت اور فوج کے لیے استعمال ہوئی۔
امریکی حکام کے مطابق اب ان افراد اور کمپنیوں کے ساتھ کوئی امریکی شہری یا کمپنی تجارتی تعلق قائم نہیں کر سکے گی۔
کرینہ کپور کے دلچسپ جواب پر مداحوں میں چہ میگوئیاں