نیپال میں 19 مظاہرین کی ہلاکت کے بعد سوشل میڈیا پابندی ختم
اشاعت کی تاریخ: 9th, September 2025 GMT
نیپال میں حکومت نے ملک گیر احتجاجی مظاہروں کے دوران 19 افراد کی ہلاکت کے بعد فیس بک سمیت تمام سوشل میڈیا پلیٹ فارمز پر عائد پابندی ختم کرنے کا اعلان کر دیا۔
غیر ملکی خبر رساں اداروں کے مطابق گزشتہ ہفتے نیپالی حکومت نے سوشل میڈیا پلیٹ فارمز پر عارضی طور پر پابندی اس بنیاد پر لگائی تھی کہ یہ پلیٹ فارمز جعلی اکاؤنٹس، جھوٹی خبروں، نفرت انگیزی اور فراڈ پھیلانے کے لیے استعمال کیے جا رہے تھے۔ حکومت کے اس فیصلے کے خلاف ہزاروں نوجوان کٹھمنڈو میں پارلیمنٹ کی عمارت کے باہر جمع ہوگئے اور شدید احتجاج کیا۔
رپورٹس کے مطابق مظاہرین میں سے کچھ نے رکاوٹیں توڑ کر پارلیمنٹ کے احاطے میں داخل ہونے کی کوشش کی، جس پر پولیس نے ہجوم کو منتشر کرنے کے لیے واٹر کینن، لاٹھی چارج اور ربڑ کی گولیوں کا سہارا لیا۔ اس کارروائی کے نتیجے میں 19 مظاہرین جان سے ہاتھ دھو بیٹھے جبکہ 100 سے زائد زخمی ہوگئے۔
مظاہرین کی بڑی تعداد میں ہلاکتوں اور زخمیوں کے باعث حکومت نے پیر کی رات ایک ہنگامی اجلاس طلب کیا۔ اجلاس کے بعد فیصلہ کیا گیا کہ ملک میں سوشل میڈیا پر عائد پابندی فی الفور ہٹا لی جائے۔
وزیراعظم نیپال نے اس واقعے پر افسوس کا اظہار کرتے ہوئے جاں بحق افراد کے لواحقین کے لیے مالی امداد اور زخمیوں کے مفت علاج کا اعلان کیا۔
.ذریعہ: Al Qamar Online
کلیدی لفظ: سوشل میڈیا
پڑھیں:
اے آئی مواد سوشل میڈیا کا نیا دور ثابت ہوگا، مارک زکربرگ کا بیان
data-id="863a0a8" data-element_type="widget" data-widget_type="theme-post-content.default">
سوشل میڈیا پلیٹ فارمز پر آرٹیفیشل انٹیلی جنس (اے آئی) سے تیار کردہ ویڈیوز اور تصاویر تیزی سے مقبول ہو رہی ہیں، تاہم اب میٹا کی جانب سے اعلان کیا گیا ہے کہ بہت جلد فیس بک اور انسٹاگرام پر اے آئی مواد کی بھرمار نظر آئے گی۔
کمپنی کے چیف ایگزیکٹو مارک زکربرگ نے تیسری سہ ماہی کی مالیاتی رپورٹ کے موقع پر کہا کہ میٹا اپنے ریکومینڈیشن سسٹم میں مزید اے آئی پر مبنی مواد شامل کرنے جا رہا ہے، جس کے بعد صارفین کے فیڈ پر ایسی پوسٹس کی تعداد میں نمایاں اضافہ ہوگا۔
مارک زکربرگ کے مطابق سوشل میڈیا اب تیسرے عہد میں داخل ہو رہا ہے۔ پہلے دور میں صارفین اپنے دوستوں اور اہل خانہ کے مواد سے جڑے رہتے تھے، دوسرے مرحلے میں کریئیٹرز کا مواد غالب آیا، اور اب تیسرا دور اے آئی کے زیرِ اثر ہوگا۔ انہوں نے کہا کہ ایسے ریکومینڈیشن سسٹمز کی اہمیت بڑھتی جا رہی ہے جو اے آئی سے تیار کردہ مواد کو بہتر طور پر سمجھتے ہیں اور صارفین کے لیے موزوں بناتے ہیں۔ ان کا کہنا تھا کہ میٹا وائبز جیسے فیچرز نے اے آئی کو نئی طرز کا مواد تخلیق کرنے کا موقع دیا ہے اور اس فیچر پر صارفین کی دلچسپی میں مسلسل اضافہ ہو رہا ہے۔
مارک زکربرگ نے یہ بھی بتایا کہ کمپنی کے نئے اے آئی ماڈلز کی تیاری کے بعد مزید اقسام کے مواد کو تخلیق کرنا ممکن ہو جائے گا۔ دوسری جانب میٹا کی چیف فنانشل آفیسر سوزن لی نے انکشاف کیا کہ صارفین اب تک میٹا وائبز کے ذریعے 20 ارب سے زائد تصاویر تیار کر چکے ہیں، جو اس ٹیکنالوجی کی تیزی سے بڑھتی مقبولیت کا ثبوت ہے۔
میٹا کی جانب سے حالیہ مہینوں میں متعدد اے آئی فیچرز بھی متعارف کرائے گئے ہیں، جن میں انسٹاگرام اسٹوریز کے لیے ٹیکسٹ پرومپٹس کے ذریعے تصاویر اور ویڈیوز کی ایڈیٹنگ، جبکہ واٹس ایپ، میسنجر اور انسٹاگرام میں اے آئی چیٹس شامل ہیں۔ تجزیہ کاروں کے مطابق یہ نیا رجحان سوشل میڈیا کے استعمال کے انداز کو بنیادی طور پر بدل دے گا اور تخلیقی دنیا میں ایک نیا انقلاب برپا کرے گا۔
معاشی طور پر کمزور طبقات کو ریلیف فراہم کرنا ہماری اولین ترجیحات میں شامل ہے، بلال اظہر کیانی