چیئرمین سی ڈی اے محمد علی رندھاوا کی زیر صدارت اجلاس، کیپیٹل ہسپتال کو اسٹیٹ لائف انشورنس کے پینل میں شامل کرنے کا فیصلہ
اشاعت کی تاریخ: 10th, September 2025 GMT
چیئرمین سی ڈی اے محمد علی رندھاوا کی زیر صدارت اجلاس، کیپیٹل ہسپتال کو اسٹیٹ لائف انشورنس کے پینل میں شامل کرنے کا فیصلہ WhatsAppFacebookTwitter 0 10 September, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی زیر صدارت بدھ کے روز سی ڈی اے ہیڈکوارٹرز میں ایک اہم اجلاس منعقد ہوا۔ اجلاس میں سی ڈی اے بورڈ کے ممبر ایڈمن و اسٹیٹ طلعت محمود، ممبر فنانس طاہر نعیم، ممبر پلاننگ اینڈ ڈیزائن ڈاکٹر خالد حفیظ، ممبر انوائرمنٹ اسفندیار بلوچ سمیت اسٹیٹ لائف انشورنس کے عہدیداران اور سی ڈی اے کے دیگر افسران نے شرکت کی۔ اجلاس میں سی ڈی اے ملازمین اور انکے اہل خانہ کو بہترین طبی سہولیات فراہم کرنے کیلئے سی ڈی اے ہسپتال کے ساتھ ساتھ میڈیکل انشورنس کور دینے کے حوالے سے تفصیلی بریفننگ دی گئی۔
اجلاس کو بریفننگ دیتے ہوئے بتایا گیا کہ سی ڈی اے ملازمین کیلئے اسلام آباد کے بہترین ہسپتالوں میں بطور پینل بہترین علاج و معالجہ کی سہولیات میسر ہونگی۔ اسی طرح سی ڈی اے ملازمین کو سی ڈی اے ہسپتال کے ساتھ ساتھ پرائیویٹ ہسپتالوں میں ایمرجنسی، او پی ڈی، دوائیوں اور لیب ٹیسٹ کی سہولیات کے حوالے سے بہترین کوریج فراہم کی جائے گی۔اجلاس کو بتایا گیا کہ مہلک بیماریوں کی صورت میں ہیلتھ انشورنس کوریج میں مزید اضافہ کیا جائے گا اور سی ڈی اے ملازمین کے ساتھ انکے مکمل خاندان کے افراد کو بھی تمام طبی سہولیات فراہم کی جائیں گی۔ اجلاس میں فیصلہ کیا گیا کہ کیپیٹل ہسپتال کو اسٹیٹ لائف انشورنس کے پینل میں بھی شامل کیا جائے گا جسمیں باقی اداروں کے ملازمین بھی مستفید ہوسکیں گے۔چیئرمین سی ڈی اے نے ہدایت کی کہ کیپیٹل ہسپتال کی ایمپینلمنٹ سے حاصل ہونے والی آمدنی کو ہسپتال کی بہتری اور طبی سہولیات کی فراہمی پر خرچ کیا جائے۔
انہوں نے ہدایت کی کہ گریڈ 1 تا 21 تک کے تمام ملازمین و افسران کو علاج و معالجے کے حوالے سے یکساں کور و سہولیات فراہم کی جائیں۔ اجلاس میں چیئرمین سی ڈی اے کی ہدایت پر سی ڈی اے ملازمین کی ہسپتالوں میں او پی ڈی کی حد میں اضافے کا فیصلہ کیا گیا۔ چیئرمین سی ڈی اے نے ٹیلی میڈیسین و ویڈیو کنسلٹیشن سروس بھی متعارف کرانے کی ہدایت کی۔ اسی طرح مستقبل میں ٹیلی میڈیسن کو بنیادی صحت مراکز (بی ایچ یوز)میں بھی متعارف کرانے ہدایت کی گئی۔ انہوں نے کہا کہ ٹیلی میڈیسن کنسلٹیشن کے ذریعے دور دراز علاقوں میں مریضوں کو فوری اور معیاری طبی مشاورت فراہم کی جاسکے گی۔ چیئرمین سی ڈی اے محمد علی رندھاوا نے ہدایت کی کہ میڈیکل ہیلتھ انشورنس کے تحت اسلام آباد کے بہترین ہسپتالوں سے مزید رعایتیں حاصل کی جائیں۔ انہوں نے مزید کہا کہ ان تمام اقدامات سے سی ڈی اے ملازمین کو زیادہ سے زیادہ معیاری طبی سہولیات مفت میسر آسکیں گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرقومی بیانیے کی تشکیل کیلئے قومی پیغام امن کمیٹی قائم، نوٹیفکیشن جاری قومی بیانیے کی تشکیل کیلئے قومی پیغام امن کمیٹی قائم، نوٹیفکیشن جاری سینیٹر عرفان صدیقی کے نام پر اراکین قومی اسمبلی کو مالی فراڈ کا نشانہ بنائے جانے کا انکشاف برطانیہ میں ڈیفنس اینڈ سیکیورٹی ایکوپمنٹ انٹرنیشنل ایکسپو 2025 میں شرکت کرنیوالے سعودی پویلین کا باضابطہ افتتاح وفاقی کابینہ کا اجلاس، سیلابی صورتحال کے پیش نظر کلائمیٹ ایمرجنسی اور زرعی ایمرجنسی کے نفاذ کی اصولی منظوری ملک کیخلاف پروپیگنڈا کرنے والے فتنے کا مکمل خاتمہ کرنا ہمارا اولین فرض ہے، وزیراعظم پرتشدد مظاہرے، نیپال میں فوج نے مختلف علاقوں میں پوزیشن سنبھال لیCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: اسٹیٹ لائف انشورنس کے محمد علی رندھاوا چیئرمین سی ڈی اے کیپیٹل ہسپتال
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
پاکستان نے ورلڈ کپ 2028 کیلیے براہ راست کوالیفائی کر لیا