19 ماہ بعد کنگ چارلس سے ملاقات میں کیا باتیں ہوئیں؟ پرنس ہیری نے تفصیل بتادی
اشاعت کی تاریخ: 11th, September 2025 GMT
برطانوی شاہی خاندان میں تعلقات کی کشیدگی کے بعد ایک اہم پیشرفت سامنے آئی ہے۔ شہزادہ ہیری اور کنگ چارلس تقریباً ڈیڑھ سال بعد آمنے سامنے ملے ہیں۔
یہ ملاقات 10 ستمبر کو لندن کے کلیئرنس ہاؤس میں نجی چائے پر ہوئی۔
یہ بھی پڑھیں:شاہ چارلس کی بہو میگھن مارکل نے اپنے سرکاری نام کا انکشاف کر دیا
مقامی میڈیا رپورٹس کے مطابق شہزادہ ہیری شام 5 بجے کے بعد کار کے ذریعے کلیئرنس ہاؤس پہنچے اور تقریباً 55 منٹ تک اندر موجود رہے۔
ملاقات کی تصدیق بکھنگھم پیلس نے کی تاہم اس کی تفصیلات بتانے سے گریز کیا گیا۔
ہیری کے ترجمان نے بھی صرف یہی کہا کہ ملاقات خوشگوار ماحول میں ہوئی اور اس بارے میں مزید کوئی تبصرہ نہیں کیا جائے گا۔
طویل خاموشی کے بعد پہلی ملاقاتیہ ملاقات اس لحاظ سے اہم ہے کہ فروری 2024 میں کنگ چارلس نے کینسر کے علاج کا اعلان کیا تھا جس کے بعد سے وہ اور ہیری آمنے سامنے نہیں آئے تھے۔
مبصرین کے مطابق، ہیری کے یادداشتوں پر مبنی کتاب اسپئیر اور متعدد انٹرویوز نے شاہی خاندان کے ساتھ ان کے تعلقات کو مزید مشکل بنا دیا تھا۔
اطلاعات کے مطابق طویل عرصے تک کنگ چارلس ہیری کی کالز کا جواب نہیں دے رہے تھے۔
شہزادہ ہیری کا دورہ برطانیہہیری اس وقت برطانیہ میں چند دن گزار رہے ہیں۔ وہ 8 ستمبر کو اپنی دادی ملکہ الزبتھ دوم کی برسی پر خراجِ عقیدت پیش کرنے کے بعد فلاحی سرگرمیوں میں شریک ہوئے، جن میں ویل چائلڈ ایوارڈز اور ناٹنگھم میں نوجوانوں کے ایک منصوبے کی تقریب شامل ہیں۔
اگرچہ کنگ چارلس سے ملاقات تعلقات کی بحالی کی جانب ایک مثبت قدم تصور کی جا رہی ہے، لیکن شہزادہ ہیری اور ان کے بھائی شہزادہ ولیم کے درمیان بدستور شدید کشیدگی موجود ہے۔
رپورٹس کے مطابق دونوں حالیہ دنوں میں لندن میں ایک دوسرے کے قریب موجود تھے مگر ملاقات نہ ہو سکی۔ شاہی مبصرین کے خیال میں یہ خلیج جلد پاٹنا مشکل دکھائی دیتا ہے۔
ماہرین کی رائےمورخین کا کہنا ہے کہ باپ اور بیٹے کے درمیان یہ ملاقات مصالحت کی طرف ایک اہم قدم ہے، لیکن اصل امتحان شاہی خاندان کے اندر وسیع تر تعلقات کی بحالی ہے۔
برطانوی شاہی امور کے ماہر رابرٹ لیسی کے مطابق ولیم اور ہیری کا اختلاف گہرا اور طویل المدتی ہے، اس میں بڑی تبدیلی فی الحال ممکن نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانوی شاہی خاندان بکھنگھم پیلس پرنس ہیری کلیئرنس ہاؤس کنگ چارلس ولیم اور ہیری.
ذریعہ
ذریعہ: WE News
کلیدی لفظ: برطانوی شاہی خاندان پرنس ہیری کلیئرنس ہاؤس کنگ چارلس ولیم اور ہیری شاہی خاندان شہزادہ ہیری کنگ چارلس کے مطابق اور ہیری کے بعد
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی