1 ماہ قبل اغواء ہوئے اسسٹنٹ کمشنر زیارت بیٹے سمیت قتل
اشاعت کی تاریخ: 21st, September 2025 GMT
زیارت سے 1 ماہ قبل اغواء کے بعد بیٹے سمیت قتل کیے گئے اسسٹنٹ کمشنر محمد افضل—فائل فوٹو
زیارت سے 1 ماہ قبل اغواء کیے گئے اسسٹنٹ کمشنر محمد افضل اور ان کے بیٹے کو قتل کر دیا گیا۔
سرکاری ذرائع کے مطابق اغواء کاروں نے فائرنگ سے قتل کرنے کے بعد ان کی لاشوں کو پہاڑوں میں پھینک دیا، اے سی محمد افضل اور ان کے بیٹے کی لاشیں تحویل میں لی جا رہی ہیں۔
دوسری جانب وزیرِ اعلیٰ بلوچستان سرفراز بگٹی نے زیارت کے اسسٹنٹ کمشنر محمد افضل اور ان کے بیٹے کو شہید کرنے کے واقعے کی مذمت کرتے ہوئے کہا ہے کہ شہید اسسٹنٹ کمشنر نے فرض کی ادائیگی کے دوران اپنی جان کا نذرانہ پیش کیا۔
انہوں نے کہا کہ معصوم لوگوں کے قاتل اور امن کے دشمن اپنے انجام سے ہرگز نہیں بچ سکیں گے، بزدلانہ اور سفاکانہ کارروائی کی جتنی بھی مذمت کی جائے کم ہے، شہید محمد افضل ایک فرض شناس، محنتی اور قابل افسر تھے۔
گورنر جعفر مندوخیل نے بھی اسسٹنٹ کمشنر زیارت اور ان کے بیٹے کی شہادت پر گہرے رنج و دکھ کا اظہار کیا اور کہا کہ اسسٹنٹ کمشنر محمد افضل کی قربانی رائیگاں نہیں جائے گی۔
گورنر بلوچستان نے کہا ہے کہ قانون نافذ کرنے والے ادارے ملوث عناصر کو گرفتار کر کے قانون کے کٹہرے میں لائیں۔
خیال رہے کہ 10 اگست کو ضلع زیارت کے علاقے زیزری سے اسسٹنٹ کمشنر اور ان کے بیٹے کو اغواء کیا گیا تھا۔
.ذریعہ: Jang News
کلیدی لفظ: اسسٹنٹ کمشنر محمد افضل اور ان کے بیٹے
پڑھیں:
یوٹیوبر رجب بٹ کے افیئرز پر والدہ نے خاموشی توڑ دی، بیٹے کے عمل پر اہم بیان دے دیا
معروف یوٹیوبر اور وی لاگر رجب بٹ جو اپنے فیملی ولاگز، متنازع بیانات اور قانونی مقدمات کی وجہ سے شہ سرخیوں میں رہے ہیں، ان پر الزامات لگتے رہے کہ وہ شادی شدہ ہونے کے باوجود ایک تعلق میں رہے جس کا انہوں نے اقرار بھی کیا۔ اس پر انہیں سوشل میڈیا پر خوب تنقید کا نشانہ بنایا جاتا رہا۔
اب اس حوالے سے رجب بٹ کی والدہ کو بیان بھی سامنے آیا ہے جس میں انہوں نے بیٹے کے افیئرز سے متعلق کھل کر بات کی ہے۔ ان کا کہنا تھا کہ میں نے رجب کا وی لاگ بھی دیکھا جس میں اس نے اپنے افیئرز کا اعتراف کیا تھا اس وقت مجھے یہ سن کر بہت برا لگا۔
ان کا مزید کہنا تھا کہ ماضی تو سب کا ہی ہوتا ہے اللہ معاف کر دیتا ہے وہ بہت عظیم ہے جب بندہ دل سے معافی مانگتا ہے تو وہ معاف کر دیتا ہے۔
سوشل میڈیا صارفین نے اس بیان پر مختلف ردعمل کا اظہار کیا۔ کچھ نے کہا کہ رجب بٹ کی والدہ نے ایک روایتی ماں کی طرح بیٹے کی غلطیوں کا دفاع کیا، جبکہ دیگر صارفین نے کہا کہ اگر یہی معاملہ ان کے داماد جواد کے ساتھ پیش آتا تو والدہ کا موقف بالکل مختلف ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رجب بٹ رجب بٹ افیئر رجب بٹ والدہ وائرل ویڈیو
ایف آئی اے کراچی زون کی کارروائی: غیرقانونی کرنسی ایکسچینج میں ملوث ملزم گرفتار