’باپ بننا چاہتا ہوں اور بنوں گا بھی‘، سلمان خان نے خواہش کا اظہار کر دیا
اشاعت کی تاریخ: 25th, September 2025 GMT
بالی ووڈ کے معروف اداکار سلمان خان کی شادی طویل عرصے سے مداحوں اور میڈیا کی دلچسپی کا مرکز بنی ہوئی ہے، تاہم اداکار نے حالیہ انٹرویو میں شادی کے بجائے والد بننے کی خواہش کا اظہار کر کے سب کو حیران کر دیا ہے۔
سلمان خان اور عامر خان نے حال ہی میں کاجول اور ٹوئنکل کھنہ کے او ٹی ٹی پلیٹ فارم پرائم ویڈیو کے شو ’ٹو مچ‘ میں شرکت کی جس میں دونوں نے اپنی دوستی اور نجی زندگی کے حوالے سے بھی گفتگو کی۔
یہ بھی پڑھیں: ’شادی کے کارڈ چھپ چکے تھے‘، سلمان خان کیساتھ تعلق پر سنگیتا بجلانی نے خاموشی توڑ دی
عامر خان نے انکشاف کیا کہ ان کی دوستی اس وقت شروع ہوئی جب سلمان پہلی بار ان کے گھر کھانے پر آئے۔ عامر نے بتایا کہ ’جب میں اپنی پہلی بیوی رینا سے طلاق کے عمل سے گزر رہا تھا، تو سلمان پہلی بار میرے گھر آئے۔ اسی دن سے ہماری دوستی گہری ہوتی گئی۔ اس سے پہلے میں سمجھتا تھا کہ سلمان وقت کے پابند نہیں ہیں، خاص طور پر فلم ’انداز اپنا اپنا‘ کی شوٹنگ کے دوران، جس کی وجہ سے کچھ مسائل بھی ہوئے‘۔ عامر نے یہ بھی تسلیم کیا کہ وہ شروع میں سلمان کے بارے میں منفی رائے رکھتے تھے اور ان کے بارے میں بہت سخت تھے۔
شو کے دوران سلمان نے اپنی ذاتی زندگی پر بھی کھل کر بات کی۔ انہوں نے کہا، ’جب پارٹنرز ایک دوسرے سے حد سے زیادہ توقعات رکھتے ہیں تو اختلافات پیدا ہونے لگتے ہیں۔ دونوں کو کہیں نہ کہیں مسائل کا سامنا ہونے لگتا ہے۔ میرا ماننا ہے کہ پارٹنرز کو زندگی میں ایک ساتھ آگے بڑھنا چاہیے اور ایک دوسرے کا ساتھ دینا چاہیے‘۔
یہ بھی پڑھیں: اپنی شادی پر سلمان خان سے یہ توقع نہ تھی، اداکارہ بھاگیاشری کا انکشاف
جب عامر نے سلمان خان سے ان کے رشتوں کے بارے میں پوچھا تو سلمان نے جواب دیا، ’اگر رشتہ نہیں چل سکا، تو نہیں چل سکا۔ اگر کسی کو اس کا ذمہ دار ٹھہرایا جا سکتا ہے، تو وہ میں خود ہوں‘۔
شادی اور بچوں کے حوالے سے بات کرتے ہوئے سلمان خان نے کہا کہ وہ باپ بننے کی خواہش رکھتے ہیں۔ انہوں نے کہا کہ میں شادی نہ بھی کروں لیکن اب میں باپ بننا چاہتا ہوں، اور بہت جلد بنوں گا۔
یاد رہے کہ سلمان خان کی شادی کے حوالے سے کئی برسوں سے قیاس آرائیاں جاری ہیں، تاہم اداکار ہمیشہ اس سوال پر خاموشی اختیار کرتے آئے ہیں۔ اس حالیہ بیان نے ایک بار پھر ان کی نجی زندگی کو خبروں کی زینت بنا دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ ٹوئنکل کھنہ سلمان خان سلمان خان شادی عامر خان عامر خان شادی کاجول.
ذریعہ
ذریعہ: WE News
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار