کراچی کا موسم بدلنے کو تیار، آئندہ دنوں میں پارہ 36 ڈگری تک جانے کی پیشگوئی
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی میں حالیہ دنوں کی خوشگوار اور بارشوں سے لبریز فضا کے بعد اب موسم کا مزاج بدلنے لگا ہے۔
رواں ماہ مون سون کی جھڑیوں نے شہریوں کو راحت بخشی اور گرمی سے نجات دلائی، مگر اب اکتوبر کی آمد سے قبل ہی درجہ حرارت میں اضافے کی پیشگوئی سامنے آئی ہے۔ محکمہ موسمیات نے واضح کیا ہے کہ شہر میں اب دوبارہ گرمی کا زور محسوس کیا جاسکتا ہے۔
محکمہ موسمیات کے مطابق آئندہ تین روز تک کراچی کا موسم گرم اور مرطوب رہنے کا امکان ہے۔ اس دوران درجہ حرارت میں نمایاں اضافہ ہوسکتا ہے، جس سے شہریوں کو شدید حبس اور گرمی کا سامنا کرنا پڑے گا۔ خاص طور پر دوپہر کے اوقات میں درجہ حرارت زیادہ محسوس ہوگا، جب کہ شام کے وقت کچھ بہتری متوقع ہے۔
اتوار اور پیر کے روز درجہ حرارت 36 ڈگری سینٹی گریڈ تک پہنچنے کی پیشگوئی کی گئی ہے۔ تاہم، محکمہ موسمیات نے یہ بھی بتایا کہ شام کے وقت سمندری ہوائیں دوبارہ چلنے کا امکان ہے، جس سے گرمی کی شدت میں کمی واقع ہوگی۔ یہ صورتحال شہریوں کے لیے وقتی سکون کا باعث بن سکتی ہے۔
صرف کراچی ہی نہیں بلکہ سندھ کے دیگر حصوں میں بھی آج موسم گرم اور مرطوب رہنے کا امکان ظاہر کیا گیا ہے۔ صوبے کے بیشتر مقامات پر گرمی کی شدت برقرار رہے گی، جس سے واضح ہے کہ بارشوں کے بعد پیدا ہونے والی ٹھنڈی ہوا کا سلسلہ اب ختم ہوتا جارہا ہے اور اکتوبر کی آمد سے قبل ہی گرمی دوبارہ اپنا رنگ دکھانے کو تیار ہے۔
.ذریعہ: Jasarat News
پڑھیں:
کوہستان میگا کرپشن اسکینڈل: سیاسی شخصیات کی گرفتاری کا بھی امکان
data-id="863a0a8" data-element_type="widget" data-widget_type="theme-post-content.default">
پشاور: نیب خیبرپختونخوا نے اپرکوہستان 40 ارب روپے کے میگا کرپشن اسکینڈل میں کارروائی کرتے ہوئے ملزم مشتاق الرحمان کو اسلام آباد کے علاقے سے حراست میں لیا گیا، ملزم کی گرفتاری کے بعد مزید افراد ریڈار پر آگئے جن میں بعض سیاسی شخصیات بھی شامل ہیں اور ان کی گرفتاری کا امکان ظاہر کیا جارہا ہے۔
ذرائع کا کہنا ہے کہ اس نئی گرفتاری کے ساتھ اس مقدمے میں گرفتار ملزمان کی کل تعداد 33 تک پہنچ گئی ہے جن میں بیشتر ملزمان اس وقت جیل میں پڑے ہیں۔
نیب نے اسلام آباد سے قیمتی گاڑیاں بھی قبضے میں کرلی ہیں جو اس سے قبل احتساب عدالت کے حکم پر منجمد کی گئی تھیں۔اس اسکینڈل میں کئی سرکاری افسران، ٹھیکہ داروں وغیرہ کو گرفتار کیا جاچکا ہے اور اربوں کی ریکوری بھی ہوچکی ہے۔
واضح رہے کہ کوہستان میگا کرپشن کیس صوبے کی تاریخ کا سب سے بڑا مالیاتی اسکینڈلز ہے جس میں اربوں روپے کے فنڈز جعلی منصوبوں اور اختیارات کے ناجائز استعمال کے ذریعے ہڑپ کیے گئے۔
پاکستانی نژاد نیما شیخ کا اعزاز، اسکالر شپ حاصل کرنے والی اسکاٹ لینڈ کی پہلی کرکٹر بن گئیں