کبریٰ خان نے شادی کی پیشکش ٹھکرادی تھی لیکن میں نے ہار نہیں مانی، گوہر رشید
اشاعت کی تاریخ: 5th, October 2025 GMT
کراچی:
اداکار گوہر رشید نے انکشاف کیا ہے کہ کبریٰ خان نے شادی کیلئے میری پیشکش ٹھکرادی تھی لیکن میں نے ہار نہیں مانی۔
حال ہی میں ایک انٹرویو میں انہوں نے بتایا کہ وہ اور کبریٰ خان ابتدا میں صرف اچھے دوست تھے دونوں کا کوئی رومانوی تعلق نہیں تھا مگر وقت کے ساتھ یہ دوستی محبت میں بدل گئی۔
گوہر رشید کے مطابق وہ ہمیشہ سے مکہ مکرمہ میں نکاح کرنے کی خواہش رکھتے تھے اور اتفاق سے کبریٰ خان بھی یہی چاہتی تھیں، قسمت نے جب دونوں کو ایک کیا تو ان کا نکاح بھی مقدس سرزمین مکہ میں ہی ہوا۔
اداکار نے مسکراتے ہوئے بتایا کہ محبت کی شروعات ان کی طرف سے ہوئی، وہ شروع سے ہی کبریٰ کی طرف مائل تھے مگر دوست ہونے کی وجہ سے کبھی اس زاویے سے نہیں سوچا۔ کبریٰ نے ابتدا میں میری پیشکش قبول نہیں کی مگر میں نے ہار نہیں مانی اور آخرکار کبریٰ خان نے ہاں کہہ دی۔
انہوں نے کہا کہ دوستی پر مبنی شادی ایک بڑی نعمت ہے کیونکہ اس میں اعتماد اور سمجھ بوجھ کا رشتہ پہلے سے قائم ہوتا ہے۔
گوہر رشید نے نوجوانوں کو مشورہ دیا کہ شادی سے پہلے اپنی دنیاوی خواہشات پوری کرلیں کیونکہ شادی ایک روحانی بندھن ہے جس میں ذمہ داری اور قربانی شامل ہے۔
ساتھ ہی انہوں نے کہا کہ بیوی کو تحفے دینا اچھی بات ہے لیکن سب سے بڑا تحفہ اسے تحفظ اور آزادی دینا ہے تاکہ وہ خود کو محفوظ اور بااعتماد محسوس کرے۔
ان کے مطابق کبریٰ خان میری زندگی کی سب سے بڑی نعمت ہیں اور میں اس رشتے کے لیے شکر گزار ہوں۔
TagsShowbiz News Urdu.
ذریعہ: Al Qamar Online
کلیدی لفظ: گوہر رشید
پڑھیں:
یہ کووڈ نہیں، پریشان نہ ہوں بس علامات کا فرق جانیں
اب تو یہ احساس شاید کچھ کم ہوچکا ہے لیکن کچھ عرصہ قبل کووڈ 19 کی عالمی وبا نے بہت سوں پر ایک خوف سا طاری کردیا تھا اور وہ معمولی نزلہ اور کھانسی یا چھینک کی آواز پر متفکر ہوجایا کرتے تھے کہ یہ کہیں کورونا تو نہیں۔
ان دنوں آپ کے آس پاس کوئی نہ کوئی کھانس رہا ہوگا اور جیسے جیسے موسم خزاں قریب آ رہا ہے کھانسی، زکام اور بخار جیسی علامات عام ہو گئی ہیں۔
لیکن سوال یہ ہے کہ یہ صرف عام نزلہ ہے یا کچھ زیادہ سنگین اور خود کو بچانے کے بہترین طریقے کون سے ہیں۔
برطانوی ماہر طب اور بی بی سی کے پروگرام مارننگ لائیو کے میزبان ڈاکٹر آسکر ڈیوک نے اس حوالے سے مفید مشورے دیے ہیں۔
وائرس خزاں میں کیوں پھیلتے ہیں؟ابھی تک یہ بات واضح نہیں ہو سکی کہ سرد موسم کس حد تک ہمارے مدافعتی نظام کو متاثر کرتا ہے لیکن جب دن چھوٹے اور راتیں طویل ہوتی ہیں تو ہم گرم اور بند جگہوں پر وقت گزارنے کو ترجیح دیتے ہیں اور یہی وائرس کے پھیلاؤ کے لیے موزوں ماحول ہوتا ہے۔
اسکول اور نرسری ایسی جگہیں ہوتی ہیں جہاں کئی طرح کے وائرس تیزی سے پھیلتے ہیں اور بچے یہ جراثیم گھر بھی لا سکتے ہیں۔
یونیورسٹی میں نئے داخلے لینے والے طلبا بھی ایک دوسرے سے میل جول کے باعث بیماریوں کے پھیلاؤ کا سبب بن سکتے ہیں خصوصاً جب نیند کی کمی اور تقریبات میں شرکت سے مدافعتی نظام مزید کمزور ہو جاتا ہے۔
زکام، فلو یا کووڈ، فرق کیسے کریں؟زکام، فلو اور کووڈ دیکھیے ان میں علامات کس طرح کی ہوتی ہیں۔
زکامزکام کی علامات آہستہ آہستہ ظاہر ہوتی ہیں اور یہ بنیادی طور پر ناک اور گلے کو متاثر کرتا ہے۔
ابتدائی علامت میں کانوں میں دباؤ محسوس ہونا شامل ہے اور کھانسی کے ساتھ بلغم بھی بن سکتا ہے۔
فلوفلو اچانک حملہ کرتا ہے اور یہ مکمل طور پر کمزوری کا احساس بھی پیدا کردیتا ہے۔
بخار، پٹھوں میں درد، تھکاوٹ محسوس ہوتی ہے اور بیڈ ریسٹ ضروری ہو سکتا ہے۔ اس میںکھانسی خشک ہوتی ہے۔
کووڈاس میں فلو جیسی علامات ہوتی ہیں اور ذائقہ یا سونگھنے کی حس کا ختم ہوسکتا ہے جبکہ پیٹ میں خرابی یا دست بھی ہوسکتے ہیں۔
نئے ویریئنٹس (جیسے اسٹریٹس اور نمبس میں چھری جیسا تیز گلا خراب ہونا عام علامت ہے۔
علامات میں کافی حد تک مماثلت ہوتی ہے اس لیے پہچاننا مشکل ہو سکتا ہے لیکن اگر سونگھنے یا چکھنے کی حس چلی جائے یا گلا غیرمعمولی حد تک خراب ہو تو کووڈ کا امکان زیادہ ہوتا ہے۔
اگر علامات برقرار رہیں یا خراب ہوں تو فوراً ڈاکٹر سے رجوع کریں خصوصاً اگر سانس لینے میں دشواری ہو یا 3 ہفتوں بعد بھی طبیعت بہتر نہ ہو۔
صحیح طریقے سے علاج کیسے کریں؟ہمارا جسم وائرس سے خود لڑنے کی صلاحیت رکھتا ہے لیکن کچھ چیزیں مدافعتی نظام کو مدد دے سکتی ہیں۔جیسے کہ پیراسیٹامول/ آئبوپروفین سے بخار اور درد کم کرنے میں مدد ملتی ہے۔
مگر یاد رکھیں کئی نزلہ زکام کی دوائیں پہلے ہی ان اجزا پر مشتمل ہوتی ہیں اس لیے زیادہ مقدار سے بچیں
وٹامن سیعام خیال ہے کہ وٹامن سی زکام سے بچاتا ہے لیکن اس حوالے سے سائنسی ثبوت کمزور ہیں۔ تاہم متوازن غذا کا استعمال بہرحال مفید ثابت ہوتا ہے۔
وٹامن ڈی
سردیوں میں دھوپ کم ملتی ہے اس لیے طبی ماہرین وٹامن ڈی سپلیمنٹ کی سفارش کرتے ہیں۔
ناک کا اسپرےیہ وقتی ریلیف تو دیتا ہے لیکن 4 سے 5 دن سے زیادہ استعمال کرنے سے ری باؤنڈ کنجیشن ہو سکتا ہے۔
چکن سوپچکن سوپ براہ راست وائرس نہیں مارتا مگر گلا گرم کرتا ہے اور سیال کی کمی کو پورا کرتا ہے۔
اگر آپ کو سالانہ فری فلو ویکسین کی پیشکش کی جائے تو ضرور لگوائیں۔
یہ ویکسین پہلے ان افراد کو دی جاتی ہے جو زیادہ خطرے میں ہوتے ہیں۔
اگر آپ کے بچے کی عمر 2 یا 3 سال ہے تو وہ بھی اس کے اہل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فلو کھانسی کووڈ کووڈ اور عام نزلہ کووڈ کا فرق نزلہ ویکسین
محرابپور،صحافی امتیاز میر کے قتل ،کاشف کمبوہ پر جھوٹے مقدمے کیخلاف احتجاج