پاکستان ملائیشیا کو 200 ملین ڈالرز کا گوشت برآمد کرے گا، وزیراعظم شہباز شریف کی ملائیشین ہم منصب کے ہمراہ گفتگو
اشاعت کی تاریخ: 6th, October 2025 GMT
وزیراعظم شہباز شریف نے ملائیشین ہم منصب محمد انور ابراہیم کے ہمراہ مشترکہ پریس کانفرنس کرتے ہوئے ملائیشیا کو اپنا دوسرا گھر قرار دے دیا۔
ان کا کہنا تھا کہ ملائیشیا آنا اپنے خاندان سے ملنے جیسا ہے، انور ابراہیم نے اپنے سیاسی کیریئر کے دوران بہترین حکمت عملی کا مظاہرہ کرکے اپنے ملک کو پوری دنیا کی بہترین معیشتوں میں شامل کردیا۔
یہ بھی پڑھیے: وزیراعظم شہباز شریف کا ملائیشیا پہنچنے پُر پرتپاک استقبال، سڑکوں پر سبز ہلالی پرچموں کی بہار
وزیراعظم نے کہا کہ ملیشین رہنماؤں سے دوطرفہ ملاقاتیں ہوئیں جس میں مختلف شعبوں میں تعاون جاری رکھنے پر اتفاق ہوا، پچھلے سال ملائیشیا کے وزیراعظم کا پاکستان کا دورہ دونوں ممالک کے درمیان تعلقات کے لیے یادگار ثابت ہوا، ہم ملیشیا سے بہت کچھ سیکھ سکتے ہیں کیوں کہ ملائیشیا کے ایکسپورٹس اور جی ڈی پی میں اضافہ ہورہا ہے، پاکستان ملائیشیا کے تجربے سے سیکھنے کے لیے آپ کے ساتھ مل کر کام کرنے کا خواہاں ہیں۔
انہوں نے ملائیشیا میں بڑی تعداد میں پاکستانی موجود ہین جو یہاں کی ترقی میں اپنا کردار ادا کررہے ہیں، ملائیشیا کے وزیراعظم نے پاکستان سے 200 ملین ڈالرز گوشت درآمد کرنے کا اعلان کیا ہے، ملائیشیا کے سرمایہ کاروں کو یقین دلاتے ہیں کہ گوشت کی قیمت اور معیار کو برقرار رکھنے کی پوری کوشش کریں گے، مستقبل میں اس میں اضافہ بھی ہوگا۔
یہ بھی پڑھیے: ملائیشیا آمد پر بے حد خوش ہوں، دوطرفہ تعلقات کو مزید تقویت ملے گی، وزیراعظم شہباز شریف
شہباز شریف نے ملائیشیا کے وزیراعظم محمد انور ابراہیم ک کتاب ‘اسکرپٹ’ کی تعریف کرتے ہوئے بتایا کہ اس کتاب کا اردو ترجمہ ہوچکا ہے، انہوں نے اس موقع پر علامہ اقبال کی شاعری بھی پڑھ کر سنائی۔
انہوں نے کہا کہ دونوں ممالک میں نوجوانوں کی بڑی تعداد موجود ہے، انہیں جدید ٹیکنالوجی سے لیس کرنا چاہیے تاکہ وہ ملک کی ترقی میں کردار ادا کرسکیں۔ وزیراعظم نے اپنی گفتگو کے آخر میں ملائیشیا کے مستقبل کے لیے نیک خواہشات کا اظہار کیا اور دوطرفہ تعلقات کو مضبوط کرنے کے عزم کا اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انور ابراہیم برآمدات شہباز شریف ملائیشیا.
ذریعہ
ذریعہ: WE News
کلیدی لفظ: انور ابراہیم برا مدات شہباز شریف ملائیشیا وزیراعظم شہباز شریف انور ابراہیم ملائیشیا کے کے لیے
پڑھیں:
سید عباس عراقچی کا اپنے آذربائیجانی ہم منصب کے نام تہنیتی پیغام
جمہوریہ آذربائیجان کے وزیر خارجہ کے نام اپنے تہنیتی پیغام میں ملکی آزادی کی سالگرہ پر مبارکباد پیش کرتے ہوئے ایرانی وزیر خارجہ کا کہنا تھا کہ دونوں ممالک کے باہمی تعلقات، توسیع و پیشرفت کی راہ پر گامزن ہیں اسلام ٹائمز۔ ایرانی وزیر خارجہ سید عباس عراقچی نے جمہوریہ آذربائیجان کی آزادی کی سالگرہ کے موقع پر اپنے تہنیتی پیغام میں اپنے آذری ہم منصب جیھون بیراموف کو مبارکباد پیش کی ہے۔ ایرانی خبررساں ایجنسی فارس نیوز کے مطابق، اپنے پیغام میں سید عباس عراقچی نے کہا کہ جمہوریہ آذربائیجان کے یوم آزادی کے موقع پر میں آپ کو اور جمہوریہ آذربائیجان کے عوام کو تہہ دل سے مبارکباد پیش کرتا ہوں۔ انہوں نے کہا کہ اسلامی جمہوریہ ایران اور جمہوریہ آذربائیجان، دو ہمسایہ اور مسلم ممالک کے طور پر، اپنی گہری تاریخی، مذہبی اور ثقافتی اقدار کی وجہ سے ہمیشہ باہمی احترام پر مبنی دوستانہ تعلقات کے حامل رہے ہیں۔ ایرانی وزیر خارجہ نے مزید تاکید کی کہ ایران اور آذربائیجان کے باہمی تعلقات؛ دوطرفہ، علاقائی اور بین الاقوامی سطح پر روز بروز مضبوط سے مضبوط تر ہوتے جا رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ