’ہم بھی فیشن کریں گے‘، ادیداس نے پالتو جانوروں کی سن لی، ماڈرن کلیکشن متعارف
اشاعت کی تاریخ: 6th, October 2025 GMT
دنیا کے معروف اسپورٹس و فیشن برانڈ ادیداس نے چین میں پالتو جانوروں کے لیے اپنی موسم سرما کی کلیکشن متعارف کرا دی جس کا مقصد پالتو جانوروں کو نہ صرف آرام دہ لباس فراہم کرنا ہے بلکہ انہیں فیشن کی دنیا میں ایک نئی پہچان بھی دینا ہے۔
یہ بھی پڑھیں: نیویارک میں کتوں کا فیشن شو، نامور شخصیات کی شرکت، مقصد کیا تھا؟
غیر ملکی میڈیا کے مطابق یکم اکتوبر کو لانچ ہونے والی ’ادیداس اوریجنلز پیٹ کلیکشن‘ فی الحال چین کے 3 بڑے شہروں بیجنگ، شنگھائی اور چنگدو میں منتخب اسٹورز اور آن لائن پلیٹ فارمز پر دستیاب ہے۔
اس کلیکشن میں 4 دلکش رنگوں (سیاہ، نیلا، سبز اور گلابی) میں جدید اور آرام دہ لباس شامل ہیں جن میں واٹر ریپیلنٹ ونڈ بریکرز، پیڈڈ ویسٹس، ٹریک سوٹس اور اعلیٰ معیار کے کاؤ ہائیڈ کالرز رکھے گئے ہیں۔
مزید پڑھیے: دنیائے فیشن کا اہم باب بند: جورجیو آرمانی نہیں رہے
ادیداس کی اس نئی کلیکشن میں سائزنگ کا دائرہ بھی وسیع کیا گیا ہے جو اب XS سے لے کر 2XL تک کے سائز میں دستیاب ہے تاکہ مختلف جسمانی ساخت رکھنے والے پالتو جانور بھی اپنی ’پرفیکٹ فِٹ‘ تلاش کر سکیں۔
یہ نئی کلیکشن نہ صرف انداز و فیشن کو مدِنظر رکھتی ہے بلکہ اس میں عملیت اور آرام دہ تجربے کو بھی یقینی بنایا گیا ہے۔ مثلاً، ونڈ بریکر بارش سے محفوظ رکھنے والا ہے جبکہ ویسٹس سرد موسم میں گرمائش فراہم کرتی ہیں۔ یہ سب کچھ ادیداس کی مشہور ’تھری اسٹرائپس‘ اور ٹریفائل لوگو کے ساتھ ہے۔
ادیداس کا پالتو جانوروں کے لیے پہلا کلیکشن مئی 2025 میں صرف چین کے لیے لانچ کیا گیا تھا جسے صارفین کی جانب سے بے حد سراہا گیا۔
اس کامیابی کو مدنظر رکھتے ہوئے کمپنی نے اب سردیوں کے لیے نیا سلسلہ متعارف کرایا ہے جو ’پیٹ پیرنٹ ویئر‘ کے رجحان کو مزید فروغ دے رہا ہے یعنی پالتو جانور اور ان کے مالک ایک جیسے فیشن میں نظر آ سکیں۔
مزید پڑھیں: نیویارک کا میٹ گالا آنجہانی فیشن ڈیزائنر کارل لیگر فیلڈ کے نام
اس کلیکشن میں پالتو جانوروں کے لیے بیگ پیک بھی شامل ہے جس میں وینٹیلیشن سسٹم اور ایک شفاف ٹریفائل ونڈو موجود ہے۔ یہ خصوصاً ان افراد کے لیے جو اپنے جانوروں کو ہمراہ لے کر سفر کرنا چاہتے ہیں۔
ادیداس کی یہ مکمل پالتو کلیکشن فی الحال صرف چین میں دستیاب ہے اور کمپنی کی جانب سے اسے عالمی سطح پر متعارف کرانے کے بارے میں تاحال کوئی اعلان نہیں کیا گیا۔
تاہم اس کی بڑھتی ہوئی مقبولیت کو دیکھتے ہوئے امکان ہے کہ مستقبل میں دیگر مارکیٹوں میں بھی اس کا دائرہ وسیع کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ادیداس پالتو جانور اور فیشن پالتو جانوروں کے لیے ادیداس کلیکشن.ذریعہ: WE News
کلیدی لفظ: پالتو جانور اور فیشن
پڑھیں:
پاکستان جلد پہلی قومی ویمن انٹرپرینیورشپ پالیسی متعارف کرائے گا، ہارون اختر خان
حکومت جلد نیشنل ویمن انٹرپرینیورشپ پالیسی متعارف کرا رہی ہے، جو پہلی مرتبہ خواتین انٹرپرینیورز کے لیے ایک جامع قومی پالیسی ہوگی۔
یہ بات وزیر اعظم کے معاون خصوصی برائے سرمایہ کاری ہارون اختر خان نے فیڈریشن آف پاکستان چیمبر آف کامرس اینڈ انڈسٹری میں میڈیا سے گفتگو کرتے ہوئے کہی۔
یہ بھی پڑھیں: حکومت کا 200 ملین ڈالر مالیت کی گوشت برآمدات کے ہدف کے لیے جامع پالیسی تیار کرنے کا فیصلہ
ان کے مطابق وزیراعظم شہباز شریف کی قیادت میں خواتین کو معاشی ترقی کا محور قرار دیا گیا ہے اور آنے والے دنوں میں نظام ایسے بدلے جائیں گے کہ خواتین کو صرف جگہ بنانے کی ضرورت نہیں پڑے گی بلکہ انہیں حقیقی قیادت کے مواقع میسر آئیں گے۔
“As the world marks Women Entrepreneurship Day 2025, I reaffirm our government’s commitment to empowering women through digital and financial literacy, better access to finance, technology and modern skills in line with the vision of Prime Minister Shehbaz Sharif.” pic.twitter.com/bd0tsPPMM9
— Small and Medium Enterprises Development Authority (@SmedaOfficial) November 19, 2025
انہوں نے کہا کہ پاکستانی خواتین نے مواقع کے انتظار کے بجائے خود مواقع تخلیق کیے اور اپنی جدت، ہمت اور مسلسل محنت سے معیشت کا رخ بدلنے میں اہم کردار ادا کیا ہے۔
وومن انٹرپرینیورشپ ڈے کے موقع پر خطاب کرتے ہوئے ہارون اختر خان نے کہا کہ پاکستانی خواتین نے مشکلات کو رکاوٹ نہیں بلکہ محرک بنایا اور آج وہ صرف معیشت کا حصہ نہیں بلکہ اسے آگے بڑھانے والی سب سے مضبوط قوت کے طور پر سامنے آئی ہیں۔
مزید پڑھیں: پاکستان کی نئی صنعتی پالیسی حتمی مراحل میں ہے، ہارون اختر خان
انہوں نے کہا کہ آج کی خاتون مدد نہیں بلکہ منصفانہ موقع مانگ رہی ہے، اور حکومت کا فرض ہے کہ وہ یہ مواقع فراہم کرے۔
ہارون اختر خان نے کہا کہ گھروں سے عالمی مارکیٹ تک پاکستانی خواتین بطور بزنس لیڈر ابھر رہی ہیں، اور اب وقت آگیا ہے کہ انہیں سہولت سے آگے بڑھ کر قیادت کا کردار دیا جائے۔
مزید پڑھیں: پاکستان اسٹیل ملز کی بحالی کے لیے پاکستان اور روس کے درمیان پروٹوکول پر دستخط
انہوں نے مزید کہا کہ اگر پاکستان کو عالمی سطح پر مقابلہ کرنا ہے تو خواتین کی معاشی قیادت ناگزیر ہے، کیونکہ قومی ترقی تبھی ممکن ہے جب خواتین برابر اور بااختیار انداز میں آگے بڑھیں۔
انہوں نے امید ظاہر کی کہ پاکستان جلد وہ ملک بنے گا جہاں ہر خاتون اپنے کاروباری آئیڈیاز کو حقیقت میں بدلنے کا موقع حاصل کر سکے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرپرینیورشپ بزنس لیڈر پالیس چیمبر آف کامرس اینڈ انڈسٹری خواتین سرمایہ کاری فیڈریشن آف پاکستان ہارون اختر خان
فضائی آلودگی میں آنکھوں پر اثرات کیوں بڑھ جاتے ہیں؟ جلن، خارش اور سرخی کی اصل وجہ کیا ہے؟