ڈھرکی: پسند کی شادی کرنیوالے جوڑے پر حملہ، بیوی قتل ، شوہر زخمی
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
251008-8-8
ڈھرکی(نمائندہ جسارت)ایک سال قبل پسند کی شادی کرنے والے جوڑے پر حملہ، فائرنگ کرکے بیوی اور شوہر کو زخمی کردیا، تاہم بیوی زخموںکی تاب نہ لاتے ہوئے ہلاک ہوگئی جبکہ شوہر زخمی ہوگیا، ادھر بھانجے نے معمولی رنجش پر اپنی خالہ کو فائرنگ کرکے قتل کردیا۔تفصیلات کے مطابق ایک سال قبل پسند کی شادی کرنیوالے جوڑے غلام عباسی مگسی اور اہلیہ (ف) پر جونگ کالونی میں گھر میں گھس کر مسلح افراد نے قاتلانہ حملہ کیا، فائرنگ کے نتیجے میں اہلیہ (ف) موقع پر ہی جاںبحق ہوگئی جبکہ شوہر زخمی ہوگیا، شوہر غلام عباس مگسی کے مطابق ایک سال قبل پسند کی شادی کی تھی جس کی وجہ سے رنجش چل رہی تھی، مقتولہ بیوی کے سابق شوہر نے اپنے ساتھیوں کے ساتھ مل کر قاتلانہ حملہ کیا ، فائرنگ کے نتیجے میں اہلیہ جاںبحق اور میں شدید زخمی ہوگیا ہوں،حملہ کرنے والے ملزمان میں حضور بخش اور اللہ رکھیو شامل ہیں۔دوسری جانب مصطفی آباد کالونی میںنا خلف بھانجے عابد ملک نے اپنی سگی خالہ 65 سالہ شریفاں خاتون کو معمولی رنجش پر فائرنگ کرکے قتل کردیااور فرار ہوگیا۔پولیس نے موقع پر پہنچ کر لاشوںکو اسپتال منتقل کردیا اور ملزمان کی تلاش شروع کردی۔
ذریعہ: Jasarat News
کلیدی لفظ: پسند کی شادی
پڑھیں:
امریکا میں فٹ بال میچ کے بعد فائرنگ سے خاتون اور لڑکا ہلاک، 14 افراد زخمی
امریکا کی ریاست الاباما کے شہر مونٹگمری میں فٹ بال میچ کے بعد فائرنگ سے دو افراد ہلاک اور 14 زخمی ہوگئے۔
پولیس حکام کے مطابق ہلاک افراد میں ایک 43 سالہ خاتون اور ایک 17 سالہ لڑکا شامل ہے۔ زخمیوں میں پانچ افراد کی حالت تشویشناک بتائی گئی ہے۔
پولیس کے مطابق دو یونیورسٹیوں کی فٹبال ٹیموں کے درمیان میچ کے بعد ہونے والا جھگڑا شدید فائرنگ میں تبدیل ہوگیا۔ پولیس کو رات 11 بج کر 30 منٹ پر اس واقعے کی اطلاع ملی تھی، جسے پولیس چیف جیمز گریبوئس نے اجتماعی فائرنگ قرار دیا۔
پولیس کے مطابق فائرنگ کا واقعہ ہفتہ اور اتوار کی درمیانی شب شہر کے نائٹ لائف ڈسٹرکٹ میں پیش آیا تھا۔
پولیس چیف نے مزید بتایا کہ ہجوم میں اچانک ایک شخص کو نشانہ بنایا گیا جس کے بعد متعدد افراد نے اپنے ہتھیار نکال کر فائرنگ شروع کر دی۔
چیف گریبوئس کا کہنا تھا کہ تفتیشی ٹیم شواہد اکٹھے کر رہی ہے اور ممکنہ مشتبہ افراد سے پوچھ گچھ جاری ہے، تاہم اتوار کی صبح تک کسی پر فردِ جرم عائد نہیں کی گئی تھی۔
پولیس واقعے کی مکمل چھان بین کر رہی ہے، اور حکام کا کہنا ہے کہ شہریوں کی سلامتی کو یقینی بنانے کے لیے ہر ممکن اقدام کیا جائے گا۔
عالمی و مقامی گولڈ مارکیٹس میں سونے کی قیمت بلند ترین سطح سے نیچے آگئیں