قوم استقبال کے لیے بے قرار ہے؛ سابق سینیٹر مشتاق احمد ملک کب واپس آئیں گے؟
اشاعت کی تاریخ: 8th, October 2025 GMT
اسرائیلی قید سے رہائی پانے والے سابق سینیٹر اور جماعت اسلامی کے رہنما مشتاق احمد خان کی وطن واپسی سے متعلق تفصیلات سامنے آ گئی ہیں۔
وزیر خارجہ و نائب وزیر اعظم اسحاق ڈار نے بتایا کہ دفترِ خارجہ نے مشتاق احمد خان کی 9 اکتوبر کو پاکستان واپسی کے انتظامات مکمل کر لیے ہیں۔
میڈیا سے گفتگو میں اسحاق ڈار نے کہا کہ ملائیشیا سے اسلام آباد روانگی کے بعد اردن کے دارالحکومت عمان میں پاکستان کے سفیر کے ذریعے مشتاق احمد خان سے فون پر بات ہوئی۔ ان کے مطابق مشتاق احمد خیریت سے ہیں اور ان کے حوصلے بلند ہیں۔
اسحاق ڈار نے صمود فلوٹیلا میں حصہ لینے پر سینیٹر مشتاق کی جرات اور ثابت قدمی کو سراہا اور کہا کہ غزہ کے مظلوم عوام کے لیے امداد پہنچانے کی ان کی کاوشیں قابل تحسین ہیں۔
انہوں نے مزید بتایا کہ سینیٹر مشتاق نے دفترِ خارجہ اور عمان میں پاکستانی سفارتخانے کی معاونت پر شکریہ ادا کیا۔
واضح رہے کہ مشتاق احمد خان گلوبل صمود فلوٹیلا کا حصہ تھے جو غزہ کے محصور فلسطینیوں کی مدد کے لیے اسپین سے روانہ ہوا تھا، تاہم اسرائیلی بحریہ نے کارکنوں کو ہدف تک پہنچنے سے قبل ہی گرفتار کر لیا تھا۔
اپنے آفیشل فیس بک پیغام میں مشتاق احمد خان نے بتایا کہ وہ اپنے 150 ساتھیوں کے ہمراہ اردن پہنچ چکے ہیں اور اسرائیل کی بدنامِ زمانہ نیگیو جیل میں پانچ روز قید رہنے کے بعد انہیں رہائی مل گئی ہے۔
.
ذریعہ
ذریعہ: Al Qamar Online
کلیدی لفظ: مشتاق احمد خان
پڑھیں:
پیٹرولیم مصنوعات کی قیمتوں کاروزانہ تعین ; سینٹ میں توجہ دلاؤ نوٹس جمع
سٹی 42: سینیٹر کامران مرتضیٰ نے پیٹرولیم مصنوعات کی قیمتوں کے روزانہ تعین کے مجوزہ فیصلے پر سینیٹ میں توجہ دلاؤ نوٹس جمع کرا دیا۔
توجہ دلاؤ نوٹس میں وفاقی حکومت کے پندرہ روزہ نظام کے بجائے روزانہ قیمتوں کے تعین کے مجوزہ فیصلے پر وضاحت طلب کی گئی۔سینیٹر کامران مرتضیٰ نے روزانہ قیمتوں کے تعین کے ممکنہ مہنگائی پر اثرات پر تشویش کا اظہار کیا۔
نوٹس متن کے مطابق مجوزہ نظام سے ٹرانسپورٹ اخراجات اور اشیائے ضروریہ کی قیمتوں میں اضافے کا خدشہ ہے،توجہ دلاؤ نوٹس میں کاروباری سرگرمیوں اور عوامی زندگی کے اخراجات پر ممکنہ اثرات سے متعلق سوالات اٹھائے گئے۔سینیٹر کامران مرتضیٰ نے حکومت سے مجوزہ پالیسی کی وجوہات اور نفاذ کے طریقہ کار کی تفصیلات طلب کر لیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
نوٹس میں صارفین کو قیمتوں کے غیر معمولی اتار چڑھاؤ سے تحفظ دینے کے لیے مجوزہ اقدامات سے بھی آگاہ کرنے کا مطالبہ کیا گیا۔سینیٹر کامران مرتضیٰ نے حکومت سے عوام کو ممکنہ منفی اثرات سے بچانے کے لیے حفاظتی اقدامات کی تفصیلات سینیٹ میں پیش کرنے کا مطالبہ کیا.
ٹی20 ورلڈ کپ 2026: پاکستان نے سپر 8 کے لیے جگہ پکی کر لی