ہوشیار، دھواں چھوڑتی گاڑیاں کیخلاف گھیرا مزید تنگ،سخت کارروائی کا فیصلہ
اشاعت کی تاریخ: 8th, October 2025 GMT
سٹی42: لاہور سمیت پنجاب بھر میں ماحولیاتی آلودگی کا باعث بننے والی دھواں چھوڑتی گاڑیوں کے خلاف کریک ڈاؤن میں تیزی آ گئی ہے۔ وزیر ٹرانسپورٹ بلال اکبر خان نے متعلقہ اداروں کو سخت ہدایات جاری کرتے ہوئے واضح کیا ہے کہ آلودگی پھیلانے والے عناصر کے خلاف کوئی نرمی نہیں برتی جائے گی۔
گزشتہ دو روز میں متعدد گاڑیاں بند کی گئیں، پانچ نئے مقدمات درج ہوئے اور ڈرائیورز کو گرفتار کیا گیا۔ ٹریفک قوانین کی خلاف ورزی پر لاکھوں روپے کے جرمانے بھی عائد کیے گئے ہیں۔
کاشتکاروں سے گندم خریدنے کیلئے حکومت پنجاب اور پرائیویٹ سیکٹر میں معاہدہ
شہریوں سے اپیل کی گئی ہے کہ وہ ایسی گاڑیوں کی نشاندہی کریں جو دھواں چھوڑ رہی ہوں۔ وزیر ٹرانسپورٹ نے خبردار کیا ہے کہ بغیر فٹنس سرٹیفکیٹ کے گاڑی چلانے والوں کے خلاف سخت کارروائی ہوگی۔
بلال اکبر خان نے کہا ہے کہ بار بار وارننگز اور اپیلوں کے باوجود بعض ڈرائیورز لاپرواہی کا مظاہرہ کر رہے ہیں، ان کے خلاف بلا تفریق کریک ڈاؤن جاری رہے گا۔ حکام کے مطابق سموگ سیزن کے پیش نظر کارروائیاں مزید سخت کی جائیں گی تاکہ شہریوں کو بہتر اور صاف ماحول میسر آ سکے۔
پاکستان کا سرکاری قرضہ 765 ارب روپے کم ہوگیا
.ذریعہ: City 42
پڑھیں:
عوام ہو جائیں ہوشیار، دودھ کی قیمت 300 روپے لیٹر تک جانے کا امکان
data-id="863a0a8" data-element_type="widget" data-widget_type="theme-post-content.default">
کراچی کے شہریوں کے لیے مہنگائی کا ایک اور جھٹکا تیار ہے کیونکہ دودھ 300 روپے فی لیٹر ہونے کا خدشہ ظاہر کیا جا رہا ہے۔
کمشنر ہاؤس کراچی میں دودھ کی قیمتوں پر ہونے والا اجلاس بے نتیجہ ختم ہوگیا، جس کے بعد ڈیری فارمرز نے 11 اکتوبر سے قیمت بڑھانے کی دھمکی دے دی ہے۔ ڈیری فارمرز ایسوسی ایشن کا کہنا ہے کہ حالیہ سیلاب سے ڈیری سیکٹر کو شدید نقصان پہنچا ہے، پیداواری لاگت میں 30 فیصد اضافہ ہوا ہے اور وہ روزانہ 3 ارب روپے کے نقصان کا سامنا کر رہے ہیں۔
فارمرز نے مطالبہ کیا ہے کہ حکومت فوری طور پر نئی قیمتوں کا نوٹیفکیشن جاری کرے، بصورتِ دیگر وہ وزیراعلیٰ ہاؤس کے باہر احتجاج کریں گے اور دودھ کی قیمت 220 روپے سے بڑھا کر 300 روپے فی لیٹر کر دیں گے۔ اس ممکنہ اضافے سے شہری شدید پریشان ہیں جن کا کہنا ہے کہ اگر دودھ 300 روپے لیٹر ہوگیا تو عام آدمی کے لیے بچوں کو دودھ پلانا بھی مشکل ہو جائے گا۔
مریم نواز نے پیپلز پارٹی کا معافی مانگنے کا مطالبہ مسترد کردیا