خیبرپختونخوا؛ اے این پی نے ہارس ٹریڈنگ سے حکومتی تبدیلی کی مخالفت کردی
اشاعت کی تاریخ: 10th, October 2025 GMT
پشاور:
عوامی نیشنل پارٹی (اے این پی) نے خیبر پختونخوا میں ہارس ٹریڈنگ کی بنیاد پر حکومتی تبدیلی کی مخالفت کر دی۔
اے این پی کے صدر ایمل ولی خان نے کہا کہ ہارس ٹریڈنگ کی بنیاد پر کسی حکومت کو سپورٹ کریں گے نہ ہی ایسی حکومت کا حصہ بنیں گے۔
انہوں نے کہا کہ استعفے کے بعد علی امین گنڈاپور کے لیے میری ہمدردی بڑھ گئی ہے، سیکیورٹی مسئلہ پیش آیا تو وہ میرے ساتھ ڈٹ کر کھڑا ہوا۔
خیبرپختونخوا کے وزیراعلیٰ علی امین گنڈاپور کے استعفے کے بعد پیدا ہونے والی صورت حال پر انہوں نے کہا کہ سوال یہ ہے کہ انہیں ہٹانے کی وجہ کیا ہے، کیا علی امین ڈیلیور نہیں کر پائے یا وہ کرپٹ تھے۔
ایمل ولی خان نے کہا کہ علی امین گنڈاپور کو گھر بھیج رہے ہیں لیکن یہ وضاحت قوم کے سامنے آنی چاہیے۔
خیال رہے کہ علی امین گنڈاپور نے پاکستان تحریک انصاف (پی ٹی آئی) کے بانی عمران خان کی ہدایت پر وزارت اعلیٰ سے استعفے دے دیا ہے۔
چیئرمین پی ٹی آئی بیرسٹر علی گوہر نے اڈیالہ جیل میں عمران خان سے ملاقات کے بعد میڈیا سے گفتگو میں بتایا کہ بانی پی ٹی آئی عمران خان کو علی امین گنڈا پور سے صوبے میں امن امان اور دہشت گردی کے معاملات پر تحفظات تھے۔
Tagsپاکستان.
ذریعہ: Al Qamar Online
کلیدی لفظ: پاکستان علی امین گنڈاپور نے کہا کہ
پڑھیں:
آئی ایم ایف نے حکومتی کارکردگی کا بھانڈا پھوڑ دیا ہے، صاحبزادہ ابوالخیر زبیر
ملی یکجہتی کونسل کے صدر نے کہا کہ جب تک حکمران طبقہ آئی ایم ایف کے شکنجے سے نکل کر آزاد معاشی پالیسی نہیں اپنائے گا، ملک ترقی نہیں کر سکتا، پاکستان کی معیشت کا حل بیرونی قرضوں پر انحصار نہیں بلکہ اسلامی معاشی اصولوں، خود انحصاری، کرپشن کے خاتمے اور منصفانہ معاشی نظام کے نفاذ میں ہے۔ اسلام ٹائمز۔ جمعیت علما پاکستان (نورانی) و ملی یکجہتی کونسل کے صدر ڈاکٹر صاحبزادہ ابو الخیر محمد زبیر نے کہا ہے کہ آئی ایم ایف نے حکومتی کارکردگی کا بھانڈا پھوڑ دیا ہے، جس سے واضح ہوتا ہے کہ حکومتی معاشی پالیسیاں بری طرح ناکام ہو چکی ہیں، عوام کو معاشی ریلیف دینے کے بجائے قرضوں پر چلنے کی پالیسیوں نے مہنگائی، بے روزگاری اور غربت میں خطرناک حد تک اضافہ کر دیا ہے، ملک کو معاشی تباہی سے نکالنے کا واحد راستہ نظامِ مصطفے ﷺ کے نفاذ اور اسلام کے عادلانہ معاشی نظام کے قیام میں ہے۔ ایک بیان میں صاحبزادہ ابو الخیر محمد زبیر نے کہا ہے کہ آئی ایم ایف نے اپنی رپورٹ میں تسلیم کیا ہے کہ حکومت مطلوبہ اصلاحات کرنے میں ناکام رہی ہے، ٹیکس اہداف پورے نہیں ہوئے، توانائی کے شعبے میں بدانتظامی بڑھ گئی ہے، گردشی قرضہ ریکارڈ سطح پر پہنچ چکا ہے اور روپے کی قدر مسلسل گرتی جا رہی ہے یہ سب شواہد اس بات کا ثبوت ہیں کہ موجودہ معاشی ٹیم ملک کو استحکام دینے میں مکمل طور پر ناکام ہو چکی ہے۔
انہوں نے کہا کہ حکومت نے آئی ایم ایف کے دبا پر ایسے فیصلے کئے جن کا براہِ راست بوجھ عوام پر پڑا ہے، پیٹرول، بجلی اور گیس کی قیمتوں میں بے تحاشا اضافے نے غریب اور متوسط طبقے کی کمر توڑ کر رکھ دی ہے، کاروبار بند ہو رہے ہیں، صنعتیں زوال کا شکار ہیں جبکہ متوسط اور غریب طبقہ شدید معاشی بدحالی سے دوچار ہے، آئی ایم ایف کی پالیسیاں پاکستان کی معاشی خود مختاری کے خلاف ہیں اور ان پر عمل درآمد سے ملکی ادارے، وسائل اور معیشت بیرونی کنٹرول میں چلے جاتے ہیں، جو قومی سلامتی کے لئے بھی خطرناک ہے جبکہ حکمران اپنی عیاشیوں، پروٹو کول اور شاہانہ طرزِ زندگی ترک کرنے کو تیار نہیں۔ انہوں نے کہا کہ آئی ایم ایف کی طرف سے بار بار پاکستان کو معاشی بدانتظامی پر تنبیہ اس بات کا واضح ثبوت ہے کہ ملک موجودہ ناکام پالیسیوں کے ساتھ مزید نہیں چل سکتا، اب بھی وقت ہے کہ حکومت آنکھیں کھولے، اپنی غلطیوں کا اعتراف کرے اور عوام دوست حقیقی معاشی اصلاحات لائے۔
ابوظہبی میں کرکٹ کا میدان سج گیا، کل سے ٹی 10 لیگ کا شاندار آغاز