آئی ایم ایف نے حکومتی کارکردگی کا بھانڈا پھوڑ دیا ہے، صاحبزادہ ابوالخیر زبیر
اشاعت کی تاریخ: 23rd, November 2025 GMT
ملی یکجہتی کونسل کے صدر نے کہا کہ جب تک حکمران طبقہ آئی ایم ایف کے شکنجے سے نکل کر آزاد معاشی پالیسی نہیں اپنائے گا، ملک ترقی نہیں کر سکتا، پاکستان کی معیشت کا حل بیرونی قرضوں پر انحصار نہیں بلکہ اسلامی معاشی اصولوں، خود انحصاری، کرپشن کے خاتمے اور منصفانہ معاشی نظام کے نفاذ میں ہے۔ اسلام ٹائمز۔ جمعیت علما پاکستان (نورانی) و ملی یکجہتی کونسل کے صدر ڈاکٹر صاحبزادہ ابو الخیر محمد زبیر نے کہا ہے کہ آئی ایم ایف نے حکومتی کارکردگی کا بھانڈا پھوڑ دیا ہے، جس سے واضح ہوتا ہے کہ حکومتی معاشی پالیسیاں بری طرح ناکام ہو چکی ہیں، عوام کو معاشی ریلیف دینے کے بجائے قرضوں پر چلنے کی پالیسیوں نے مہنگائی، بے روزگاری اور غربت میں خطرناک حد تک اضافہ کر دیا ہے، ملک کو معاشی تباہی سے نکالنے کا واحد راستہ نظامِ مصطفے ﷺ کے نفاذ اور اسلام کے عادلانہ معاشی نظام کے قیام میں ہے۔ ایک بیان میں صاحبزادہ ابو الخیر محمد زبیر نے کہا ہے کہ آئی ایم ایف نے اپنی رپورٹ میں تسلیم کیا ہے کہ حکومت مطلوبہ اصلاحات کرنے میں ناکام رہی ہے، ٹیکس اہداف پورے نہیں ہوئے، توانائی کے شعبے میں بدانتظامی بڑھ گئی ہے، گردشی قرضہ ریکارڈ سطح پر پہنچ چکا ہے اور روپے کی قدر مسلسل گرتی جا رہی ہے یہ سب شواہد اس بات کا ثبوت ہیں کہ موجودہ معاشی ٹیم ملک کو استحکام دینے میں مکمل طور پر ناکام ہو چکی ہے۔
انہوں نے کہا کہ حکومت نے آئی ایم ایف کے دبا پر ایسے فیصلے کئے جن کا براہِ راست بوجھ عوام پر پڑا ہے، پیٹرول، بجلی اور گیس کی قیمتوں میں بے تحاشا اضافے نے غریب اور متوسط طبقے کی کمر توڑ کر رکھ دی ہے، کاروبار بند ہو رہے ہیں، صنعتیں زوال کا شکار ہیں جبکہ متوسط اور غریب طبقہ شدید معاشی بدحالی سے دوچار ہے، آئی ایم ایف کی پالیسیاں پاکستان کی معاشی خود مختاری کے خلاف ہیں اور ان پر عمل درآمد سے ملکی ادارے، وسائل اور معیشت بیرونی کنٹرول میں چلے جاتے ہیں، جو قومی سلامتی کے لئے بھی خطرناک ہے جبکہ حکمران اپنی عیاشیوں، پروٹو کول اور شاہانہ طرزِ زندگی ترک کرنے کو تیار نہیں۔ انہوں نے کہا کہ آئی ایم ایف کی طرف سے بار بار پاکستان کو معاشی بدانتظامی پر تنبیہ اس بات کا واضح ثبوت ہے کہ ملک موجودہ ناکام پالیسیوں کے ساتھ مزید نہیں چل سکتا، اب بھی وقت ہے کہ حکومت آنکھیں کھولے، اپنی غلطیوں کا اعتراف کرے اور عوام دوست حقیقی معاشی اصلاحات لائے۔
ذریعہ: Islam Times
کلیدی لفظ: آئی ایم ایف نے کہا
پڑھیں:
معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں، وزیراعظم
اسلام آباد:
وزیراعظم شہباز شریف نے کہا ہے کہ معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں۔
ملکی صنعتی ترقی پر قائم نجی شعبے کی کمیٹی کا پہلا جائزہ اجلاس وزیراعظم شہباز شریف کی زیرصدارت ہوا۔ اجلاس میں صنعتی ترقی کے حوالے سے سفارشات پیش کی گئیں، جس پر وزیراعظم نے خیر مقدم کرتے ہوئے کہا کہ ملکی معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں۔
وزیراعظم نے کہا کہ کاروبار میں آسانی اور سرمایہ کاری میں اضافے کے لیے اقدامات حکومت کی اولین ترجیحات ہیں۔ ملکی صنعتی ترقی کے لیے نجی شعبے کی تجاویز کلیدی اہمیت رکھتی ہیں۔ کاروباری حضرات کی جانب سے صنعتی ترقی کے لیے عرق ریزی سے تجاویز تیار کی گئیں، جو لائق تحسین ہیں۔ ان تجاویز کا بغور مشاہدہ کرکے عملدرآمد کا لائحہ عمل تیار کیا جائے گا۔
اجلاس میں اظہار خیال کرتے ہوئے وزیراعظم کا کہنا تھا کہ پاکستانی کاروباری برادری نے مشکل وقت میں حکومتی پالیسیوں کا ساتھ دیا اور ملک کو معاشی بحرانوں سے نکالنے میں معاونت کی۔ اللہ کے فضل و کرم سے ملک کی معاشی سمت بہتر اور ملک ترقی کی جانب گامزن ہے، مگر ملکی ترقی کے لیے ہمیں مزید محنت کرنا ہوگی۔
وزیراعظم کی صدارت میں ہونے والے ملکی صنعتی ترقی پر نجی شعبے کی قائم کردہ کمیٹی کے اجلاس میں وفاقی وزرا احسن اقبال، جام کمال خان، احد خان چیمہ، علی پرویز ملک، وزیرِ اعظم کے مشیر محمد علی، وزیرِ مملکت بلال اظہر کیانی، معاون خصوصی ہارون اختر اور ثاقب شیرازی کی قیادت میں صنعتی ورکنگ گروپ میں شامل صنعتکاروں نے شرکت کی۔
اجلاس کو پاکستان کی صنعتی ترقی اور ملک میں سرمایہ کاری میں اضافے کے لیے پالیسی تجاویز پیش کی گئیں۔ اس موقع پر ملکی صنعت کی مسابقت میں اضافے کے لیے خطے کے ممالک سے موازنہ بھی پیش کیا گیا۔
وزیرِ اعظم نے معیشت کے دیگر شعبوں کے حوالے سے سفارشات کے ساتھ نئی تجاویز کو سراہتے ہوئے انہیں قومی پالیسی فریم ورک میں شامل کرنے کی ہدایت کی۔
Tagsپاکستان
سابق ایم این اے نوابزادہ مظہر علی خان 94 برس کی عمر میں انتقال کر گئے