گورنر خیبرپختونخوا آج نو منتخب وزیراعلیٰ سہیل آفریدی سے حلف لیں گے
اشاعت کی تاریخ: 15th, October 2025 GMT
خیبرپختونخوا میں جاری سیاسی ہلچل کے بعد آج اہم پیشرفت متوقع ہے، جب گورنر فیصل کریم کنڈی نو منتخب وزیراعلیٰ سہیل آفریدی سے حلف لیں گے۔
حلف برداری کی تقریب آج شام 4 بجے گورنر ہاؤس پشاور میں منعقد ہوگی، اور اس کے تمام انتظامات مکمل کر لیے گئے ہیں۔
گورنر ہاؤس کی جانب سے وزیراعلیٰ ہاؤس کو تقریب کے وقت اور مقام سے باضابطہ طور پر آگاہ کر دیا گیا ہے۔
مزید پڑھیں: سہیل آفریدی خیبرپختونخوا کے نئے وزیراعلیٰ منتخب، سوشل میڈیا پر جتنے منہ اتنی باتیں
گورنر فیصل کریم کنڈی گزشتہ شب کراچی سے پشاور پہنچے، جہاں وہ پیپلز پارٹی چیئرمین بلاول بھٹو زرداری کے ساتھ ملاقات میں موجود تھے۔ بلاول بھٹو نے گورنر کو پشاور ہائیکورٹ کے فیصلے پر فوری عمل درآمد کی ہدایت دی تھی۔
پشاور ہائیکورٹ نے اپنے فیصلے میں واضح ہدایت دی تھی کہ نئے وزیراعلیٰ سے آج شام 4 بجے تک حلف لیا جائے، بصورت دیگر صوبائی اسمبلی کے اسپیکر کو یہ اختیار حاصل ہوگا کہ وہ خود حلف برداری کرائیں۔
گزشتہ روز اسپیکر خیبرپختونخوا اسمبلی نے گورنر کو باضابطہ مراسلہ ارسال کیا تھا، جس میں عدالتی حکم پر فوری عمل د رآمد پر زور دیتے ہوئے خبردار کیا گیا تھا کہ تاخیر کی صورت میں وہ اپنے آئینی اختیار کے تحت حلف لیں گے۔
مزید پڑھیں: ’دہشتگرد تنظیموں سے تعلقات‘، سہیل آفریدی کی بطور وزیراعلیٰ نامزدگی پر ہنگامہ
واضح رہے کہ گزشتہ سوموار کو صوبائی اسمبلی میں سہیل آفریدی کے وزیراعلیٰ منتخب ہونے کے بعد اپوزیشن جماعتوں نے عدالت سے رجوع کیا تھا۔ اپوزیشن کا مؤقف تھا کہ چونکہ سابق وزیراعلیٰ علی امین گنڈاپور کا استعفا باضابطہ طور پر منظور نہیں ہوا، اس لیے نیا انتخاب آئینی طور پر متنازع ہے۔
ادھر پاکستان تحریک انصاف نے مؤقف اختیار کیا تھا کہ علی امین گنڈاپور اسمبلی فلور پر استعفا دے چکے ہیں، لہٰذا کوئی قانونی ابہام نہیں۔
سیاسی مبصرین کا کہنا ہے کہ پشاور ہائیکورٹ کے فیصلے نے صوبے میں پیدا ہونے والا آئینی بحران ختم کر دیا ہے اور صوبائی حکومت کے استحکام کی راہ ہموار کر دی ہے۔
مزید پڑھیں: سہیل آفریدی خیبرپختونخوا کے نئے وزیراعلیٰ منتخب، اب کوئی ملٹری آپریشن نہیں کر پائےگا، ایوان میں پہلا خطاب
حلف برداری کے بعد سہیل آفریدی جلد اپنی کابینہ کی تشکیل کا عمل شروع کریں گے۔ ان کے قریبی حلقوں کا کہنا ہے کہ وہ اپنی حکومت میں شفافیت، اچھی حکمرانی اور عوامی خدمت کے ایجنڈے کو ترجیح دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
SOHAIL AFRIDI حلف برداری سہیل آفریدی گورنر خیبرپختونخوا.
ذریعہ
ذریعہ: WE News
کلیدی لفظ: حلف برداری سہیل ا فریدی گورنر خیبرپختونخوا سہیل آفریدی حلف برداری
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی