اب آنسو بہائے بغیر پیاز کاٹیں: سائنسدانوں نے مسئلے کا دلچسپ حل نکال دیا
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
پیاز کا دنیا کی سب سے عام مگر ضروری سبزیوں میں شمار ہوتا ہے، جس کے بغیر تقریباً ہر کھانا ادھورا لگتا ہے۔
صدیوں سے انسان اس کا استعمال کر رہا ہے، اور یہاں تک کہا جاتا ہے کہ قدیم مصر میں پیاز کو تقدس کی علامت سمجھ کر اس کی عبادت بھی کی جاتی تھی، مگر جتنی لذیذ یہ سبزی کھانے میں لگتی ہے، اسے کاٹنا اتنا ہی تکلیف دہ تجربہ ہوتا ہے ، کیوں کہ پیاز کاٹتے ہی آنکھوں سے بے اختیار آنسو بہنے لگتے ہیں اور کچن میں موجود دیگر لوگ بھی اس اذیت سے محفوظ نہیں رہتے۔
امریکا کی کارنیل یونیورسٹی کے سائنسدانوں نے اس عام مگر پریشان کن مسئلے کا عملی اور دلچسپ حل ڈھونڈ نکالا ہے۔ تازہ تحقیق کے مطابق اگر پیاز کو کاٹنے سے پہلے اس پر ہلکی سی تیل کی تہ لگا لی جائے یا تیز دھار چھری سے آہستگی کے ساتھ کاٹا جائے، تو آنکھوں میں جلن اور آنسو بہنے سے بچا جا سکتا ہے۔
اس کی وجہ یہ ہے کہ پیاز کی تہوں میں موجود خلیات کو جب چھری دباتی ہے تو ان سے سلفر والے کیمیکلز کی ننھی بوندیں فضا میں نکلتی ہیں، جو آنکھوں تک پہنچ کر جلن پیدا کرتی ہیں۔
تحقیق میں پہلی بار یہ واضح کیا گیا ہے کہ جب چھری پیاز کو چیرتی ہے تو اس کے خلیات دباؤ کی وجہ سے 11 سے 89 میل فی گھنٹہ کی رفتار سے مائع بوندیں خارج کرتے ہیں۔ اگر چھری کند ہو اور پیاز کو تیزی سے کاٹا جائے تو یہ بوندیں زیادہ مقدار میں نکلتی ہیں، جس سے آنکھوں میں زیادہ جلن پیدا ہوتی ہے۔
محققین نے تیز رفتار کیمروں اور کمپیوٹر ماڈلز کی مدد سے یہ پورا عمل تفصیل سے سمجھا اور بتایا کہ اگر چھری کی دھار تیز ہو اور پیاز کو نرمی سے کاٹا جائے تو اشک آور مرکبات کی مقدار کم رہتی ہے، جس سے آنکھوں میں پانی نہیں آتا۔
یہ تحقیق سائنسی جریدے پروسیڈنگز آف دی نیشنل اکیڈمیز آف سائنس میں شائع ہوئی ہے، جو گھریلو خواتین اور شیف حضرات کے لیے ایک دلچسپ اور کارآمد خبر ہے کیوں کہ کیونکہ اب شاید پہلی بار پیاز کاٹنے کا عمل بغیر آنسوؤں کے ممکن ہو گیا ہے۔
.ذریعہ: Jasarat News
پڑھیں:
انہدامی کارروائی منتخب حکومت کو ذلیل کرنے کی سازش ہے، عمر عبداللہ
وزیراعلٰی نے یہ بھی الزام عائد کیا کہ انہدامی کارروائی مخصوص نوعیت کی لگ رہی ہے اور ایک خاص برادری (مسلمانوں) کو نشانہ بنائے جانے کی طرف عندیہ دیا۔ اسلام ٹائمز۔ جموں و کشمیر کے وزیراعلٰی عمر عبداللہ نے مختلف علاقوں میں جاری انہدامی کارروائیوں پر راج بھون کو کڑی تنقید کا نشانہ بناتے ہوئے الزام عائد کیا کہ راج بھون کے ماتحت افسران جان بوجھ کر منتخب حکومت کی منظوری کے بغیر ہی کارروائیاں انجام دے رہے ہیں۔ عمر عبداللہ انہدامی کارروائی کو منتخب حکومت کو بدنام اور ذلیل کرنے کی سازش قرار دیا۔ سرینگر میں میڈیا نمائندوں کے ساتھ سے بات کرتے ہوئے عمر عبداللہ نے کہا کہ فیلڈ اسٹاف، ریونیو حکام کو عوامی حکومت کو اعتماد میں لئے بغیر ہی انہدامی کارروائیوں کے لئے استعمال کیا جا رہا ہے۔ انہوں نے کہا کہ وزراء کی منظوری کے بغیر بلڈوزر استعمال کئے جا رہے ہیں، جو ان کے مطابق حکومت کو بدنام کرنے کی ایک سازش ہے۔ عمر عبداللہ نے کہا کہ یہ افسران ہماری مرضی کے بغیر فیصلے سنا کر کارروائیاں انجام دے رہے ہیں۔ ریونیو اور فیلڈ اسٹاف کو منتخب حکومت کے تحت کام کرنا چاہیئے، لیکن بلڈوزر ہماری مشاورت کے بغیر استعمال کئے جا رہے ہیں، اس میں کوئی شک نہیں کہ یہ ہماری حکومت کو بدنام کرنے کی کوشش ہے۔
عمر عبداللہ نے یہ بھی الزام عائد کیا کہ انہدامی کارروائی مخصوص نوعیت کی لگ رہی ہے اور ایک خاص برادری (مسلمانوں) کو نشانہ بنائے جانے کی طرف عندیہ دیا۔ انہوں نے کہا کہ کیا جموں میں صرف ایک ہی جگہ پر غیر قانونی تعمیرات تھیں، صرف ایک شخص کو ہی کیوں نشانہ بنایا گیا، کیا اس کی وجہ مذہب تھا، اس طرح کی کارروائی ناانصافی پر مبنی ہے اور سنجیدہ سوالات کو جنم دیتی ہے۔ عمر عبداللہ کا اشارہ گزشتہ کل جموں میں ایک آئن لائن پورٹل سے وابستہ صحافی کا رہائشی مکان گرائے جانے کی طرف تھا۔ ارفاز نامی ایک صحافی کے مطابق ان کا مکان جمعرات کی صبح منہدم کیا گیا اور کارروائی سے قبل نہ انہیں پیشگی اطلاع دی گئی اور نہ ہی انہیں گھریلو سامان باہر نکالنے کا موقع دیا گیا۔ اس انہدامی کارروائی کی سیاسی و سماجی حلقوں نے مذمت کرتے ہوئے اس کارروائی میں ملوث سے متعلق اپنا پلو جھاڑا۔
ضمنی الیکشن ریفرنڈم، عوام نفرت و انتشار کی سیاست سے تھک چکے: احسن اقبال