غزہ امن اجلاس میں اردوان اور اطالوی وزیراعظم میلونی کے درمیان دلچسپ مکالمہ وائرل
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
شرم الشیخ :مصر کے شہر شرم الشیخ میں منعقد ہونے والے غزہ امن اجلاس کے دوران ترکی کے صدر رجب طیب اردوان اور اطالوی وزیراعظم جارجیا میلونی کے درمیان ہونے والی دلچسپ گفتگو کی ویڈیو سوشل میڈیا پر تیزی سے وائرل ہوگئی ہے، ویڈیو میں اردوان مزاحیہ انداز میں میلونی کو سگریٹ نوشی چھوڑنے کا مشورہ دیتے نظر آتے ہیں، جس پر اطالوی وزیراعظم بھی مسکراتے ہوئے برجستہ جواب دیتی ہیں۔
سوشل میڈیا پر وائرل ویڈیو میں مصافحے کے دوران ترک صدر نے اطالوی وزیراعظم سے کہا کہ آپ اچھی لگ رہی ہیں لیکن اگر آپ سگریٹ نوشی چھوڑ دیں تو کسی کو بھی قتل کرسکتی ہیں، لہٰذا مجھے آپ کو سگریٹ نوشی چھوڑنے پر مجبور کرنا پڑے گا، اس پر جارجیا میلونی نے مسکراتے ہوئے جواب دیا کہ میں جانتی ہوں لیکن میں کسی کو بھی قتل کرنا نہیں چاہتی۔
دلچسپ بات یہ ہے کہ یہ مکالمہ فرانسیسی صدر ایمانوئل میکرون کی موجودگی میں ہوا جو گفتگو کے دوران مسکراتے رہے، ویڈیو میں دیکھا جا سکتا ہے کہ میلونی کے جانے کے بعد میکرون نے اردوان سے مسکراتے ہوئے کہا کہ یہ ناممکن ہے۔
واضح رہے کہ جارجیا میلونی نے چند ماہ قبل ایک انٹرویو میں انکشاف کیا تھا کہ وہ 13 سال بعد دوبارہ سگریٹ نوشی شروع کر چکی ہیں، انہوں نے مذاقاً کہا تھا کہ سگریٹ نوشی نے انہیں کئی عالمی رہنماؤں، بشمول تیونس کے صدر قیس سعید سے قریب لانے میں مدد دی۔
یہ ویڈیو اب دنیا بھر کے سوشل میڈیا پلیٹ فارمز پر موضوعِ بحث بن گئی ہے، صارفین اردوان اور میلونی کے درمیان ہونے والے اس دوستانہ اور مزاحیہ مکالمے پر دلچسپ تبصرے کر رہے ہیں جبکہ کئی افراد نے اردوان کے اس منفرد اندازِ گفتگو کودل جیت لینے والا لمحہ قرار دیا ہے۔
ذریعہ: Jasarat News
کلیدی لفظ: اطالوی وزیراعظم سگریٹ نوشی میلونی کے
پڑھیں:
طلاق مبارک ہو، بھارتی شخص کا دودھ سے غسل اور کیک کاٹ کر جشن، ویڈیو وائرل
بھارت میں ایک شخص کی جانب سے طلاق کے بعد جشن منانے کی ویڈیو سوشل میڈیا پر وائرل ہو گئی ہے، جس نے عوامی توجہ حاصل کر لی ہے۔ ویڈیو میں دیکھا جا سکتا ہے کہ متعلقہ شخص اپنی والدہ کے ہمراہ دودھ کا غسل لیتا ہے اور بعد ازاں روایتی لباس میں ’ہیپی ڈائیورسڈ‘ (Happy Divorced) والا کیک کاٹ کر اپنی نئی زندگی کا آغاز کرتا ہے۔
یہ بھی پڑھیں: شخصی آزادی یا شادی کے تقدس کی توہین؟، طلاق کا جشن منانے والی خاتون کی ویڈیو وائرل
ویڈیو انسٹاگرام پر پوسٹ کی گئی ہے، جس میں مذکورہ شخص نے کیپشن میں لکھا ہے کہ براہِ کرم خوش رہیں، اپنی ذات کا جشن منائیں، اور افسردہ نہ ہوں۔
صارف نے مزید دعویٰ کیا ہے کہ انہوں نے اپنی سابقہ شریک حیات کو 120 گرام سونا اور 18 لاکھ روپے نقد دیے ہیں۔ انہوں نے کیپشن میں لکھا کہ 120 گرام سونا اور 18 لاکھ کیش دیا ہے، نہیں لیا۔ میں سنگل ہوں، خوش ہوں، آزاد ہوں، میری زندگی، میرے اصول، سنگل اور خوش۔
View this post on Instagram
A post shared by Biradar DK (@iamdkbiradar)
انہوں نے مزید دعویٰ کیا کہ انہوں نے اپنی سابقہ شریک حیات کو 120 گرام سونا اور 18 لاکھ روپے نقد دیے ہیں، اور اس وقت وہ ’سنگل، خوش اور آزاد‘ ہیں۔ انہوں نے اپنی پوسٹ میں لکھا کہ ’میری زندگی، میرے اصول، سنگل اور خوش‘۔
یہ ویڈیو سوشل میڈیا پر دلچسپی کا باعث بنی اور صارفین اس پر مختلف تبصرے کرتے نظر آئے۔ ایک صارف نے کہا کہ پلیز دوبارہ شادی نہ کرنا، تمہاری ماں ہی کافی ہے تمہاری دیکھ بھال کے لیے، انجوائے کرو۔
یہ بھی پڑھیں: بھارت میں بیوی سے چھٹکارا پانے پر شوہر کا انوکھا ’جشن آزادی‘
ایک اور سوشل میڈیا صارف کا کہنا تھا کہ میں تمہارے لیے خوش ہوں کیونکہ تم نے اپنی زندگی کے لیے اسٹینڈ لیا۔ کچھ لوگ تو صرف سماج کے لیے شادی میں رہتے ہیں اور باہر ناجائز تعلقات رکھتے ہیں۔ جبکہ کئی صارفین کا کہنا تھا کہ نئی زندگی کی مبارکباد، اسے بہتر بنائیں اور اپنی شرائط پر زندگی گزاریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا طلاق طلاق کا جشن
کراچی میں شہری کے گھر سے کروڑوں روپے کی ویڈ برآمد