راولپنڈی میں گزشتہ 24 گھنٹوں کے دوران 34 ڈینگی کے نئے مریض رپورٹ
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی میں میں ڈینگی وائرس کے مریضوں کی تعداد میں ہر گزرتے دن کے ساتھ اضافہ ہوتا جارہا ہے، شہر بھر میں گزشتہ 24 گھنٹوں کے دوران 30 مریضوں میں ڈینگی کی تصدیق ہوئی ہے۔
ترجمان محکمہ صحت راولپنڈی کا کہنا ہے کہ شہر بھر میں گزشتہ 24 گھنٹوں کے دوران مزید 30 مریضوں میں ڈینگی کی تصدیق ہوئی ہے، جس کے بعد اسپتالوں میں زیرِ علاج مریضوں کی مجموعی تعداد 75 تک جا پہنچی ہے، یوں شہر بھر میں رواں سال کے دوران ڈینگی وائرس سے متاثرہ افراد کی مجموعی تعداد 865 تک پہنچ گئی ہے۔
محکمہ صحت کے مطابق ڈینگی کے پھیلاؤ پر قابو پانے کے لیے محکمہ صحت کی 1,361 ٹیمیں شہر کے مختلف علاقوں میں سرویلنس اور لاروا کی تلفی کی کارروائیوں میں مصروف ہیں۔
اعداد و شمار کے مطابق اب تک 55 لاکھ 90 ہزار 264 گھروں کی چیکنگ کی جا چکی ہے، جن میں سے ایک لاکھ 75 ہزار 412 گھروں میں ڈینگی لاروا کی موجودگی کی نشاندہی ہوئی۔ اسی طرح 15 لاکھ 30 ہزار 631 عوامی مقامات کی جانچ کے دوران 23 ہزار 536 مقامات پر لاروا برآمد کیا گیا۔
محکمہ صحت نے ڈینگی ایس او پیز کی خلاف ورزی پر 4 ہزار 450 مقدمات درج کیے ہیں، جبکہ مسلسل غفلت برتنے پر 1 ہزار 850 مقامات کو سیل کر دیا گیا ہے۔ علاوہ ازیں، مختلف خلاف ورزیوں پر ایک کروڑ 87 لاکھ روپے سے زائد جرمانے عائد کیے گئے ہیں۔
محکمہ صحت کے ترجمان نے شہریوں سے اپیل کی ہے کہ وہ ڈینگی سے بچاؤ کے لیے احتیاطی تدابیر پر عمل کریں، گھروں اور اردگرد کے علاقوں میں صفائی کا خاص خیال رکھیں اور پانی کے ذخائر کو ڈھانپ کر رکھیں۔ ترجمان کے مطابق شہر میں انسدادِ ڈینگی اسپرے مہم بھی مسلسل جاری ہے۔
ذریعہ: Jasarat News
پڑھیں:
خیبرپختونخوا میں ڈینگی سے متاثرہ نئے 77 کیسز رپورٹ
کے پی میں گزشتہ چوبیس گھنٹوں میں 32 نئے مریضوں کو اسپتالوں میں داخل کرادیا گیا ہے۔
محکمہ صحت کے مطابق اسپتالوں میں داخل مریضوں کی تعداد 98 ہوگئی ہے۔ سب سے زیادہ 21 مریض ڈی ایچ کیو اسپتال چارسدہ اور ایم ایم سی مردان میں داخل ہوئے۔ پشاور کے تین بڑے اسپتالوں ایچ ایم سی میں 11، ایل آر ایچ میں 7 اور کے ٹی ایچ میں 5 مریض داخل ہیں۔
ڈی ایچ کیو ہری پور میں 17، ڈی ایچ کیو باجوڑ میں 6، اے ٹی ایچ میں 3، باچا خان میڈیکل کمپلیکس صوابی میں 5 اور 2 مریض مفتی محمود میموریل اسپتال ڈی آئی خان میں داخل ہیں۔
کے پی میں ڈینگی کے ایکٹو کیسز کی تعداد 276 ہے۔ اب تک سب زیادہ رسک ضلع چارسدہ ہے جہاں صرف ستمبر میں 256 رپورٹ ہوئے ہیں۔
اب تک صوبے میں 2880 کیسز میں ڈینگی کی تصدیق ہوئی ہے تاہم صوبے میں تاحال ڈینگی سے کوئی موت واقع نہیں ہوئی ہے۔
جماعت اسلامی کے رہنمائوں کا رئیس علی محمد نظامانی کی وفات پر اظہار تعزیت