غلط شاٹ سلیکشن سے مشکلات ہوئیں، ہدف کا دفاع کریں گے، اظہر محمود
اشاعت کی تاریخ: 15th, October 2025 GMT
پاکستانی ٹیسٹ ٹیم کے کوچ اظہر محمود کا کہنا ہے کہ بیٹرز نے غلط شاٹ سلیکشن سے خود کو مشکل صورتحال میں ڈالا، البتہ ٹیسٹ اب بھی اوپن ہے ، ہدف کا دفاع کرکے کامیابی حاصل کریں گے۔
تفصیلات کے مطابق قذافی اسٹیڈیم میں پریس کانفرنس کے دوران اظہر محمود نے کہا کہ میچ کے دوران ٹیم کی جانب سے دو اچھی شراکتیں دیکھنے کو ملیں تاہم دوسری اننگز میں اچانک وکٹوں کے گرنے سے مشکلات میں اضافہ ہوا۔
ان کا کہنا تھا کہ صرف 17 رنز کے اندر 5 وکٹوں کا نقصان ہوا جس کی بنیادی وجہ شاٹ سلیکشن میں کمزوری تھی، بیٹنگ لائن نے درست فیصلے نہیں کیے۔
ٹیسٹ کوچ اظہر محمود نے بتایا کہ ٹیم مینجمنٹ نے اس پہلو پر تفصیلی بات چیت کی ہے تاکہ آئندہ میچز میں ایسی غلطیوں سے اجتناب کیا جا سکے، اگر ایسی پچز پر کھیلنا ہے تو بیٹرز کو چیلنجز کا سامنا کرنے اور ان پر قابو پانے کی عادت ڈالنا ہوگی۔
کوچ نے کہا کہ ٹیم نے خود کو مشکل صورتحال میں ڈالا مگر کھلاڑیوں میں وہ جذبہ موجود ہے جو اپنے ہدف کا بھرپور دفاع کرنے اور کامیابی حاصل کرنے کے لیے میدان میں آخری دم تک لڑنے پر آمادہ رکھے گا۔
اظہر محمود کا کہنا تھا کہ ان کنڈیشنز میں کامیابی کے لیے بیٹرز کو سیٹ ہونے کے بعد بڑی اننگز کھیلنا ضروری ہے، وقفے وقفے سے وکٹیں گرنے سے ٹیم کا توازن متاثر ہوتا ہے۔
انہوں نے کہا کہ شاہین شاہ آفریدی کو بیٹنگ آرڈر میں اوپر بھیجنے کا مقصد تیزی سے رنز بنانا تھا مگر وکٹوں کے جلد گرنے کے باعث منصوبہ کامیاب نہ ہو سکا۔
کوچ نے کہا کہ ٹیم میں صلاحیت موجود ہے، کھلاڑی غلطیوں سے سیکھ رہے ہیں اور آنے والے میچز میں بہتر کارکردگی دکھائیں گے۔
.ذریعہ: Daily Mumtaz
کلیدی لفظ: نے کہا کہ
پڑھیں:
ٹی20 ٹرائی نیشن سیریز،پاکستان فاتح، سری لنکا کو 6 وکٹوں سے شکست
سری لنکا کا پاکستان کو جیت کیلئے 115رنز کا ہدف پاکستان نے 8 گیندوں پہلے حاصل کرلیا
صاحبزادہ فرحان اور صائم ایوب نے 7اعشاریہ 3اووز میں 46رنز کی شراکت داری قائم کی
ٹی ٹوئنٹی ٹرائی سیریز کے فائنل میں پاکستان نے سری لنکا کو 6وکٹوں سے ہراکر سیریز اپنے نام کرلی۔ راولپنڈی اسٹیڈیم میں کھیلے گئے فائنل میں سری لنکا نے پاکستان کو جیت کیلئے 115رنز کا ہدف دیا، جو پاکستان نے 8 گیندوں پہلے حاصل کرلیا۔ہدف کے تعاقب میں گرین شرٹس کا آغاز پراعتماد رہا اور صاحبزادہ فرحان اور صائم ایوٹ نے 7 اعشاریہ 3 اووز میں 46 رنز کی شراکت داری قائم کی۔اس موقع پر صاحبزادہ فرحان 23 رنز بناکر صائم ایوب کا ساتھ چھوڑ گئے ، ان کی اننگز میں ایک چھکا اور 2 چوکے شامل تھے ۔انہیں ایشا ملنگا نے آؤ ٹ کیا۔اگلے آؤٹ ہونے والے بیٹر صائم ایوب تھے ،انہوں 6 چوکوں کی مدد سے 36رنز بنائے ، وہ ہسارانگا کی گیند پر ایل بی ڈبلیو ہوئے ۔ کپتان سلمان آغا لمبی اننگز نہ کھیل سکے اور 14گیندوں پر اتنے ہی رنز بناکر پویلین لوٹ گئے ۔ ان کی وکٹ رتنائیکے کے حصے میں آئی۔ فخر زمان صرف 3 رنز بناسکے ، انہیں بھی رتنائیکے نے پولین واپس بھیجا۔اس سے قبل پاکستان نے سری لنکا کے خلاف ٹاس جیت کر فیلڈنگ کا فیصلہ کیا۔ پہلے بیٹنگ کرتے ہوئے 84 رنز پر سری لنکا کی صرف ایک وکٹ گری تھی، لیکن اسکور میں صرف 30 رنز کے اضافے پر اس کے 9 کھلاڑیوں نے پویلین کی راہ لی۔کامل مشرا 59 رنز کے ساتھ سری لنکا کے سب سے نمایاں بیٹر رہے ، ان کی اننگز میں 4 چھکے اور 2 چوکے شامل تھے ۔شاہین آفریدی اور محمد نواز نے تین، تین وکٹیں حاصل کیں، جبکہ ابرار احمد نے دو کھلاڑیوں کو آؤٹ کیا، سلمان مرزا اور صائم ایوب کے حصے میں ایک، ایک وکٹ آئی۔فائنل کیلئے پاکستانی ٹیم میں ایک تبدیلی کی گئی ہے ، فاسٹ بولر شاہین آفریدی پلیئنگ الیون میں واپس ہوئی ہے جبکہ وسیم جونیئر کو ڈراپ کردیا گیا۔سری لنکن ٹیم میں کوئی تبدیلی نہیں کی گئی، وہی ٹیم برقرار رکھی گئی ہے جس نے آخری میچ میں پاکستان کیخلاف کامیابی حاصل کی تھی۔ٹاس کے موقع پر پاکستان کرکٹ ٹیم کے کپتان سلمان علی آغا نے کہا کہ پچ عام پنڈی وکٹ جیسی نہیں، مگر پھر بھی 160 سے 170 رنز کا ٹوٹل قابلِ دفاع ہوگا۔ ان کے مطابق ٹیم کو صرف معیاری کرکٹ کھیلنے کی ضرورت ہے ۔ سری لنکن کپتان داسن شاناکا نے کہا کہ سرد موسم کوئی مسئلہ نہیں اور ٹیم ایسے حالات کی عادی ہے ۔ انہوں نے کہا کہ اگر بیٹنگ میں 160 سے زائد اسکور مل جائے تو وہ اسے بونس سمجھیں گے ، سری لنکا نے اپنی ٹیم میں کوئی تبدیلی نہیں کی۔
سری لنکا نے پہلے زمبابوے اور آخری میچ میں پاکستان کو شکست دیکر فائنل میں جگہ بنائی۔ گذشتہ روز کپتان سلمان علی آغا اور سری لنکن کپتان داسن شناکا نے مقامی ہوٹل میں ٹرافی کے ہمراہ تصاویر بنوائیں۔
کینیڈا میں اسکول کی طالبات کو ہراساں کرنے والا بھارتی شہری ملک بدر