ٹرمپ کو سنبھالنا صرف پاکستانی وزیراعظم شہباز شریف کو آتا ہے، برطانوی اخبار
اشاعت کی تاریخ: 15th, October 2025 GMT
دی گارڈین نے اپنی رپورٹ میں لکھا کہ شہباز شریف نے صدر ٹرمپ کی بہت زیادہ تعریف کی، ایک موقعے پر ٹرمپ نے اسٹیج کی جانب واپس آنا چاہا تو شہباز شریف نے انہیں روک دیا اور اپنی تقریر کا سلسلہ جاری رکھا۔ اسلام ٹائمز۔ برطانوی اخبار دی گارڈین نے کہا ہے کہ امریکی صدر ڈونلڈ ٹرمپ کو سنبھالنا صرف پاکستانی وزیراعظم شہباز شریف کو آتا ہے۔ اخبار نے لکھا کہ شرم الشیخ میں ٹرمپ نے کئی عالمی رہنماؤں کو زچ کیا، اطالوی وزیراعظم کے حسن کی تعریف کی، برطانوی وزیراعظم کو اشارہ دیا کہ جیسے وہ انہیں گفتگو کے لیے بلا رہے ہیں، مگر پھر خود مائیک سنبھال کر انہیں شرمندہ کر دیا۔ اخبار نے لکھا کہ واحد رہنماء جنہیں معلوم تھا کہ صدر ٹرمپ کو کیسے سنبھالنا ہے، وہ پاکستان کے وزیراعظم شہباز شریف تھے۔ دی گارڈین نے اپنی رپورٹ میں لکھا کہ شہباز شریف نے صدر ٹرمپ کی بہت زیادہ تعریف کی، ایک موقعے پر ٹرمپ نے اسٹیج کی جانب واپس آنا چاہا تو شہباز شریف نے انہیں روک دیا اور اپنی تقریر کا سلسلہ جاری رکھا۔ گارڈین کے مطابق ٹرمپ اس تقریب میں 2 گھنٹے سے زیادہ تاخیر سے پہنچے، پہلے انہوں نے متحدہ عرب امارات کے نائب صدر شیخ منصور بن زائد سے ملاقات پر ان کی جانب اشارہ کرتے ہوئے کہا کہ ان کے پاس بہت سا کیش ہے۔
پھر اطالوی وزیراعظم جورجیا میلونی کے حسن کی تعریف کی، ہنگری کے صدر وکٹر اور بان کے بارے میں کہا کہ انہیں بہت سے لوگ پسند نہیں کرتے، مگر میں انہیں پسند کرتا ہوں اور اہمیت بھی صرف میری ہی ہے۔ برطانوی وزیراعظم اسٹارمر کے بارے میں کہا کہ وہ کہاں ہیں، ہمیشہ کی طرح میرے پیچھے کھڑے ہیں۔ اسٹارمر سمجھے کہ انہیں بولنے کی دعوت دی جا رہی ہے، مگر ٹرمپ نے ایک بار پھر مائیک پر گفتگو شروع کی تو اسٹارمر کو شرمندہ سا ہو کر واپس اپنی جگہ پر جانا پڑا۔ کینیڈا کے وزیراعظم کو شکایت تھی کہ ٹرمپ نے انہیں وزیراعظم کے بجائے صدر کیوں کہا، ٹرمپ نے ان سے کہا کہ شکر کرو میں نے تمہیں کینیڈا کا گورنر نہیں کہا۔ گارڈین کے مطابق واحد رہنماء جو ٹرمپ کو سنبھالنے میں کامیاب رہے، وہ پاکستانی وزیراعظم شہباز شریف تھے۔
ذریعہ: Islam Times
کلیدی لفظ: وزیراعظم شہباز شریف شہباز شریف نے تعریف کی لکھا کہ کہا کہ
پڑھیں:
شہباز شریف کا عمران خان پر 10 ارب روپے ہرجانے کا کیس، اسپیکر پنجاب اسمبلی گواہ بن گئے
شہباز شریف کا عمران خان پر ہتک عزت کے 10 ارب روپے کے کیس میں اسپیکر پنجاب اسمبلی ملک محمد احمد خان نے بطور گواہ اپنا بیان عدالت میں ریکارڈ کروایا۔
مزید پڑھیں: عمران خان کے خلاف ہرجانے کا کیس: وزیراعظم شہباز شریف جرح کے لیے طلب
ملک احمد خان نے کہا کہ عمران خان نے شہباز شریف پر جھوٹے رشوت کے الزامات عائد کیے، جو اپریل 2017 میں مختلف ٹی وی پروگرامز پر نشر ہوئے۔ انہوں نے شہباز شریف کی عوامی خدمات کو سراہا اور کہا کہ عمران خان کے الزامات پروپیگنڈا ہیں۔
بانی پی ٹی آئی کے وکیل نے ملک احمد خان کے بیان پر جرح کی، جس میں پاناما کیس اور متعلقہ حقائق پر سوالات کیے گئے۔ ملک احمد خان نے کہا کہ پاناما پیپرز کا کیس بیرون ملک سرمایہ کاری سے متعلق تھا اور بعض تفصیلات ان کے علم میں نہیں۔
مزید پڑھیں: عمران خان نے عبدالقادر پٹیل کے خلاف 10 ارب روپے ہرجانے کا دعویٰ کر دیا
عدالت نے آئندہ سماعت پر شہباز شریف کے مزید گواہوں کو طلب کر لیا اور کیس 13 دسمبر تک ملتوی کر دیا۔
سماعت کے بعد میڈیا سے گفتگو میں ملک احمد خان نے کہا کہ یہ کیس 7 سال سے جاری ہے اور پارلیمنٹ کو آئین لکھنے کا اختیار ہے، جسے سپریم کورٹ نہیں روک سکتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پنجاب اسمبلی شہباز شریف عمران خان پر ہتک عزت کے 10 ارب روپے ملک احمد خان
وزیرِ اعظم شہباز شریف سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کی الوداعی ملاقات