جامعہ کراچی حادثہ میں جاں بحق طالبہ کی ہمشیرہ کو ملازمت دیدی گئی
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی:۔ جامعہ کراچی میں 11اکتوبر کو پوائنٹس بس حادثے میں جاں بحق ہونے والی شعبہ سماجی بہبود کی طالبہ انیقہ سعید کی ہمشیرہ کو جامعہ کراچی میں گریڈ 16 میں ملازمت دینے کی منظوری دے دی گئی۔ یہ منظوری آج ہفتہ کو جامعہ کراچی کے سنڈیکیٹ اجلاس میں دی گئی۔
اجلاس میں بتایا گیا کہ متوفیہ طالبہ کے والد کو جامعہ کراچی کی جانب سے رقم کی پیش کش کی گئی تھی، تاہم انہوں نے یہ کہتے ہوئے لینے سے انکار کردیا کہ ان کی خواہش ہے کہ اس کے بجائے مستقل آمدنی کے لیے ان کی دوسری بیٹی کو جامعہ میں ملازمت دے دی جائے جس پر یہ معاملہ سنڈیکیٹ میں رکھا گیا اور سنڈیکیٹ نے شعبہ ابلاغِ عامہ جامعہ کراچی سے حال ہی میں فارغ التحصیل ہونے والی ان کی دوسری بیٹی کو شعبہ ابلاغِ عامہ جامعہ کراچی میں گریڈ 16 میں ملازمت دینے کی منظوری دے دی۔
ادھر شعبہ جرمیات کی چیئرپرسن ڈاکٹر نائمہ سعید کی سربراہی میں قائم کمیٹی نے پوائنٹ حادثے کی تحقیقات شروع کر دیں۔ ڈاکٹر نائمہ سعید نے بتایا کہ اس حادثے کی تفصیلی رپورٹ مرتب کی جائے گی جس میں سفارشات سمیت تمام پہلووں کا مکمل احاطہ کیا جائے گا۔
ذریعہ: Jasarat News
کلیدی لفظ: جامعہ کراچی کو جامعہ
پڑھیں:
کم عمر مغوی طالبہ بازیاب‘ اغوا کار گرفتار
data-id="863a0a8" data-element_type="widget" data-widget_type="theme-post-content.default">
251018-02-4
کراچی (اسٹاف رپورٹر)کیماڑی انویسٹی گیشن پولیس نے کارروائی کرتے ہوئے 15 سالہ مغوی طالبہ مریم کو بازیاب کروا لیا جبکہ اغوا کار ملزم ریحان کو گرفتار کرلیا گیا۔ ایس ایس پی کیماڑی انویسٹی گیشن توحید رحمان میمن کے مطابق طالبہ مریم 8 اکتوبر کو لاپتا ہوئی تھی، جس کا مقدمہ تھانہ اتحاد ٹاؤن میں درج کیا گیا تھا۔ پولیس نے جدید ٹیکنالوجی کی مدد سے ملزم کی لوکیشن ٹریس کی اور خفیہ اطلاع پر چھاپہ مار کر مغوی طالبہ کو بحفاظت بازیاب کروا لیا۔ گرفتار ملزم ریحان نے دسویں جماعت کی طالبہ کو شادی کا جھانسہ دے کر اپنے ساتھ لے گیا تھا۔ طالبہ کو طبی معائنے کے بعد والدین کے حوالے کر دیا گیا ہے۔ پولیس نے واقعے کوسنگین نوعیت کا اغوا برائے فریب قرار دیتے ہوئے کہا ہے کہ ایسے عناصر کے خلاف سخت قانونی کارروائی کی جائے گی۔
ڈونلڈ ٹرمپ امن سربراہ اجلاس میں شرکت کے لیے شرم الشیخ پہنچ گئے