سلطان آف جوہر ہاکی کپ: آسٹریلیا نے بھارت کو شکست دے کر ٹائٹل اپنے نام کرلیا
اشاعت کی تاریخ: 18th, October 2025 GMT
آسٹریلیا نے بھارت کو 1-2 سے شکست دے کر 10ویں سلطان آف جوہر انٹرنیشنل ہاکی ٹورنامنٹ کا ٹائٹل اپنے نام کرلیا۔
یہ تیسری مرتبہ ہے کہ آسٹریلوی ٹیم نے یہ اعزاز جیتا۔ ٹورنامنٹ میں دفاعی چیمپیئن برطانیہ نے پاکستان کو 2-3 سے ہرا کر تیسری پوزیشن حاصل کی، جب کہ پانچویں پوزیشن کے میچ میں میزبان ملائیشیا نے نیوزی لینڈ کو 3-5 سے مات دی۔ پاکستان کے سفیان خان 9 گول کے ساتھ ٹورنامنٹ کے ٹاپ اسکورر قرار پائے۔
یہ بھی پڑھیں: سلطان آف جوہر ہاکی کپ: پاکستان اور بھارت کے درمیان میچ 3-3 گول سے برابر
ملائیشیا کے شہر جوہر بارو کے تمان دیا ہاکی اسٹیڈیم میں منعقدہ 6 ٹیموں پر مشتمل ایونٹ کے فائنل میں آسٹریلیا اور بھارت کے درمیان دلچسپ مقابلہ ہوا۔
کھیل کے 13ویں منٹ میں آسٹریلیا کے گروبیلار این نے پہلا گول داغ کر اپنی ٹیم کو برتری دلائی، تاہم بھارت کے ایکا انمول نے 17ویں منٹ میں گول کرکے مقابلہ برابر کردیا۔
دونوں ٹیموں کے درمیان میچ کے اختتامی لمحات تک سخت مقابلہ جاری رہا، مگر 59ویں منٹ میں گروبیلار این نے ایک اور شاندار گول کرتے ہوئے آسٹریلیا کو 1-2 کی فیصلہ کن برتری دلا دی، جو آخر تک برقرار رہی۔
تیسرے نمبر کے میچ میں برطانیہ نے پاکستان کو 2-3 سے شکست دی۔ قومی کھلاڑی سفیان خان 9 گول کے ساتھ ایونٹ کے بہترین اسکورر قرار پائے، جبکہ کپتان حنان شاہد 5 گول کے ساتھ دوسرے نمبر پر رہے۔
یہ بھی پڑھیں: پاکستان جونیئر ہاکی ٹیم کا آسٹریلیا کے خلاف شاندار کم بیک، میچ 3-3 سے برابر
پاکستان نے اپنے ابتدائی میچ میں میزبان ملائیشیا کو 2-7 سے شکست دی تھی۔ دوسرے میچ میں برطانیہ کے ہاتھوں 6-1 سے ناکامی کے بعد روایتی حریف بھارت سے 3-3 سے میچ برابر رہا۔ نیوزی لینڈ سے 3-2 سے ہارنے کے بعد پاکستان کا آخری میچ آسٹریلیا سے 3-3 سے برابر ختم ہوا۔
یاد رہے کہ برطانیہ اب تک 4 اور بھارت 3 مرتبہ اس ایونٹ کا فاتح رہ چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا فاتح بھارت کو شکست پاکستان سلطان آف جوہر ہاکی کپ وی نیوز.
ذریعہ
ذریعہ: WE News
کلیدی لفظ: ا سٹریلیا فاتح بھارت کو شکست پاکستان سلطان ا ف جوہر ہاکی کپ وی نیوز میچ میں
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار