پنجاب میں فصل کی باقیات نہ جلانے کی مہم ، ہزاروں ایکڑ اراضی پر جدید مشینوں سے کٹائی مکمل
اشاعت کی تاریخ: 19th, October 2025 GMT
پنجاب میں فصل کی باقیات نہ جلانے کی مہم کامیابی سے جاری ہے، جہاں بیلرز اور کبوٹا مشینوں کے ذریعے ہزاروں ایکڑ رقبے پر فصل کی باقیات کو چارے کی گانٹھوں کی شکل میں جمع کر لیا گیا ہے۔
یہ بھی پڑھیں:اسموگ کا عالمی منظرنامہ اور پاکستان کی صورتحال
محکمہ زراعت کے مطابق رواں سال پنجاب میں مجموعی طور پر 64 لاکھ 46 ہزار ایکڑ رقبے پر بوائی ہوئی، جن میں سے اب تک 18 لاکھ 69 ہزار 340 ایکڑ رقبے سے فصل کاٹی جا چکی ہے، جو کل کاشت شدہ اراضی کا 29 فیصد بنتا ہے۔
وزیراعلیٰ پنجاب مریم نواز شریف کی ہدایت پر صوبے میں پہلی بار فصل کی باقیات کو جلانے کے بجائے جدید مشینری سے چارے کی شکل میں جمع کرنے کی مہم شروع کی گئی۔ اس مقصد کے لیے صوبے بھر میں 91 بیلر اور 814 کبوٹا مشینیں استعمال کی جا رہی ہیں۔
یہ بھی پڑھیں:پنجاب: اسموگ کے خاتمے کے لیے سول ڈیفنس رضاکاروں کی بڑی تعداد میں رجسٹریشن
اعداد و شمار کے مطابق بیلر مشینوں سے اب تک 32 ہزار 794 ایکڑ رقبے سے فصل کی باقیات جمع کی جا چکی ہیں، جبکہ کبوٹا مشینوں کے ذریعے 3 لاکھ 19 ہزار 700 ایکڑ اراضی پر کام مکمل ہوا ہے۔
حکومت پنجاب کی جانب سے مشینری کی فراہمی اور آگاہی مہم کے ذریعے کسانوں کی مدد کی جا رہی ہے تاکہ فصل کی باقیات کو جلانے کے عمل کی حوصلہ شکنی کی جا سکے۔
محکمہ زراعت کے مطابق پرالی اور فصل کی باقیات جلانے سے فضائی آلودگی اور سموگ میں اضافہ ہوتا ہے، جس سے انسانی صحت متاثر ہوتی ہے۔ حکومت کا عزم ہے کہ جدید ٹیکنالوجی کے ذریعے ماحولیاتی تحفظ کو یقینی بنایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیلر پنجاب سموگ فصلوں کی باقیات کبوٹا مشین.
ذریعہ
ذریعہ: WE News
کلیدی لفظ: بیلر سموگ فصلوں کی باقیات کبوٹا مشین فصل کی باقیات ایکڑ رقبے کے ذریعے
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
پاکستان نے ورلڈ کپ 2028 کیلیے براہ راست کوالیفائی کر لیا