دکاندار صفاء کوئٹہ کے نام پر ایک روپیہ نہ دیں، تاجر برادری
اشاعت کی تاریخ: 20th, October 2025 GMT
اپنے بیان میں انجمن تاجران بلوچستان کے رہنماؤں نے کہا کہ صفاء کوئٹہ کے نام نہاد پرائیویٹ ملازمین کو خبردار کرتے ہیں کہ اگر انہوں نے کسی بھی دکاندار سے کوئی بدتمیزی کی یا زبردستی پیسے لینے کی کوشش کی، تو وہ اپنے نفع و نقصان کا خود ذمہ دار ہونگے۔ اسلام ٹائمز۔ انجمن تاجران بلوچستان رجسٹرڈ کے صدر رحیم آغا، جنرل سیکرٹری ولی افغان ترین اور دیگر عہدیداروں نے کوئٹہ کے دکانداروں کو سختی سے تاکید کرتے ہوئے کہا ہے کہ وہ صفاء کوئٹہ کے نام پر ایک روپیہ نہ دیں۔ اس سلسلے میں کسی حکومتی ادارے نے انجمن تاجران بلوچستان رجسٹرڈ سے نہ تو کوئی رابطہ کیا ہے، نہ ہی مشورہ ہوا ہے۔ دوسری طرف کوئٹہ شہر میں ہزاروں دکانیں اور مارکیٹیں ہیں۔ ان سب سے پانچ سو روپے سے لیکر دو ہزار روپے زبردستی لینا، جو کروڑوں روپے بنتے ہیں، کس کے جیبوں میں جاتے ہیں اور ایک عام بندہ کو پانچ پولیس اہلکار کس قانون کے تحت دیئے گئے ہیں، جو پیسے نہ دینے کی صورت میں تاجروں دھمکیاں دیتے ہیں اور دکانیں سیل کرنے کی بھڑکیں مارتے ہیں۔
انہوں نے کہا کہ ہم وزیراعلیٰ بلوچستان، کور کمانڈر بلوچستان اور چیف سیکرٹری بلوچستان سے مطالبہ کرتے ہیں کہ وہ فوری طور پر اس لوٹ مار کا نوٹس لیں۔ بصورت دیگر انجمن تاجران بلوچستان رجسٹرڈ کوئٹہ میں سخت احتجاج کی کال دینے پر مجبور ہوگی، جس کی تمام تر ذمہ داری صوبائی حکومت پر عائد ہوگی۔ انہوں نے کہا کہ ہم صفاء کوئٹہ کے نام نہاد پرائیویٹ ملازمین کو خبردار کرتے ہیں کہ اگر انہوں نے کسی بھی دکاندار سے کوئی بدتمیزی کی یا زبردستی پیسے لینے کی کوشش کی، تو وہ اپنے نفع و نقصان کا خود ذمہ دار ہوں گے۔ انہوں نے کہا کہ ہم کسی قیمت پر کوئٹہ کے تاجروں کو سرعام اور منظم طریقے سے لوٹنے کی اجازت نہیں دے سکتے۔
ذریعہ
ذریعہ: Islam Times
کلیدی لفظ: انجمن تاجران بلوچستان نے کہا کہ انہوں نے
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ