سپارکو کا 2028ء تک چاند پر پاکستانی روبوٹ ’روور‘بھیجنے کا اعلان
اشاعت کی تاریخ: 20th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان کے قومی خلائی ادارے سپارکو (SUPARCO) نے اعلان کیا ہے کہ وہ چاند پر ایک روبوٹ روور بھیجنے کے مشن پر عملی طور پر کام شروع کر چکا ہے، جس کے 2028 سے قبل مکمل ہونے کی امید ظاہر کی گئی ہے۔
اس منصوبے سے پاکستان کا نام ان ممالک کی فہرست میں شامل ہو جائے گا جو چاند کی سطح پر اپنا مشن اتارنے میں کامیاب رہے ہیں۔
نجی ٹی وی کی رپورٹ کے مطابق سپارکو کے جنرل مینجر ڈاکٹر عدنان اسلم نے تصدیق کی کہ پاکستان نہ صرف چاند پر روبوٹ بھیجنے کی تیاری کر رہا ہے بلکہ مستقبل میں پاکستانی خلا باز کو چاند پر اتارنے کے مشن پر بھی کام جاری ہے، تاہم اس حوالے سے تفصیلات فی الحال ظاہر نہیں کی گئیں۔
یہ پہلا موقع نہیں کہ سپارکو نے خلائی تحقیق میں بڑا اعلان کیا ہو۔ اس سے قبل فروری 2025 میں ادارے نے اعلان کیا تھا کہ پاکستان کا پہلا چاند کے لیے روور چین کے تعاون سے چینگ ای 8 مشن کے ساتھ بھیجا جائے گا۔ اس مشن کے تحت پاکستان کا 35 کلوگرام وزنی روور چاند کے جنوبی قطب پر اترے گا جہاں وہ سطحی تجزیات اور سائنسی تجربات انجام دے گا۔
چینی مشن کو Wenchang اسپیس سینٹر سے روانہ کیا جائے گا اور اگر سب کچھ منصوبے کے مطابق ہوا تو پاکستان چاند پر مشن بھیجنے والا دنیا کا چھٹا ملک بن جائے گا۔ سپارکو نے اس مشن کے لیے ملک بھر میں روور کے نام کے انتخاب کا مقابلہ بھی منعقد کرنے کا اعلان کیا ہے، تاکہ عوامی دلچسپی کو بڑھایا جا سکے۔
یہ مشن پاکستان کی قومی خلائی پالیسی اور وژن 2047 کا اہم سنگِ میل قرار دیا جا رہا ہے۔ سپارکو کے ترجمان کے مطابق چاند مشن کے ساتھ ساتھ پاکستان نے حال ہی میں ہائپر اسپیکٹرل سیٹلائٹ (HS-1) کو بھی چین کے تعاون سے خلا میں بھیجا، جو ماحولیاتی تبدیلی، قدرتی آفات کی پیش گوئی اور شہری منصوبہ بندی میں انقلاب لانے کی صلاحیت رکھتا ہے۔
ترجمان کے مطابق یہ سیٹلائٹ سیلاب، لینڈ سلائیڈز اور زرعی نگرانی جیسے اہم شعبوں میں مدد فراہم کرے گا۔ اس سے قبل پاکستان اپنے دو سیٹلائٹس EO-1 اور KS-1 کامیابی سے خلا میں بھیج چکا ہے، جو اب بھی فعال ہیں۔
پاکستان کا چاند مشن نہ صرف ملکی خلائی تحقیق کے ایک نئے دور کا آغاز ہے بلکہ یہ قوم کے لیے سائنس و ٹیکنالوجی میں خود انحصاری کی سمت ایک مضبوط قدم بھی ہے، جو مستقبل میں نوجوان نسل کو خلا کے میدان میں آگے بڑھنے کی نئی امید فراہم کرے گا۔
.ذریعہ: Jasarat News
کلیدی لفظ: پاکستان کا اعلان کیا کے مطابق چاند پر جائے گا مشن کے
پڑھیں:
دیوالی پر سندھ بھر کی عدالتوں میں تعطیل کا اعلان
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) سندھ ہائی کورٹ نے دیوالی کے موقع پر صوبے بھر میں ہندو کمیونٹی سے تعلق رکھنے والے تمام سرکاری ملازمین کے لیے تعطیل کا اعلان کردیا۔ عدالت کی جانب سے جاری نوٹیفکیشن کے مطابق 20 اور 21 اکتوبر کو صوبے بھر کی تمام عدالتوں میں ہندو ملازمین کو چھٹی دی جائے گی۔ رجسٹرار سندھ ہائی کورٹ کے نوٹیفکیشن میں کہا گیا ہے کہ دیوالی کے تہوار کے موقع پر سندھ ہائی کورٹ کے زیر انتظام تمام بینچز، ضلعی عدالتیں، وفاقی و صوبائی ٹریبونلز اور خصوصی عدالتوں پر یہ تعطیل لاگو ہوگی۔ نوٹیفکیشن کے مطابق دیوالی کی تعطیل صرف ان ملازمین کے لیے ہوگی جو ہندو مذہب سے تعلق رکھتے ہیں جبکہ دیگر عدالتی عملہ معمول کے مطابق اپنے فرائض انجام دے گا۔
پاکستان اور افغانستان کے درمیان فٹبال میچ 1-1 سے برابر