چائے والے ارشد خان کا شناختی کارڈ بحال، عدالت نے شہری حقوق کا تحفظ کر دیا
اشاعت کی تاریخ: 20th, October 2025 GMT
لاہور ہائیکورٹ راولپنڈی بینچ نے معروف ’’چائے والا‘‘ ارشد خان کا شناختی کارڈ بحال کرنے کا حکم جاری کر دیا، جس پر نادرا نے فوری عمل کرتے ہوئے ان کا شناختی کارڈ دوبارہ فعال کر دیا۔
ارشد خان کے وکیل عمر اعجاز گیلانی نے بتایا کہ نادرا ویری فکیشن بورڈ نے بھی ارشد خان اور ان کے خاندان کو پاکستانی شہری تسلیم کر لیا ہے۔
عدالت نے اپنے فیصلے میں واضح کیا کہ کسی بھی شہری کا شناختی کارڈ یا پاسپورٹ بغیر قانونی جواز کے بلاک کرنا آئینی حقوق کی سنگین خلاف ورزی ہے۔ عدالت نے کیس کو درخواست گزار کی استدعا پر نمٹاتے ہوئے نادرا کے اقدام کو غیرقانونی قرار دیا۔
یاد رہے کہ نادرا نے کچھ عرصہ قبل ارشد خان کا شناختی کارڈ اور پاسپورٹ بلاک کر دیا تھا، جس کے خلاف ارشد خان نے عدالت سے رجوع کیا تھا۔
ذریعہ: Daily Mumtaz
کلیدی لفظ: کا شناختی کارڈ کر دیا
پڑھیں:
فلسطینیوں کی جرمن عدالت سے اسرائیل کو ہتھیاروں کی فراہمی روکنے کی اپیل
data-id="863a0a8" data-element_type="widget" data-widget_type="theme-post-content.default">
برلن: پانچ فلسطینی شہریوں نے جرمنی کی وفاقی آئینی عدالت میں اسرائیل کو ہتھیاروں کی برآمدات کے خلاف باضابطہ درخواست دائر کر دی ہے، جس میں مؤقف اپنایا گیا ہے کہ برلن حکومت کے اس اقدام سے بین الاقوامی قوانین اور بنیادی انسانی حقوق کی خلاف ورزی ہو رہی ہے۔
عالمی میڈیا رپورٹس کےمطابق یورپی سینٹر برائے آئینی و انسانی حقوق (ECCHR) نے کہا کہ یہ مقدمہ غزہ سے تعلق رکھنے والے پانچ فلسطینیوں نے دائر کیا ہے، جنہیں فلسطینی اور جرمن انسانی حقوق کی تنظیموں کی حمایت حاصل ہے۔
انہوں نے مزید کہاکہ جب تک جرمن حکومت اسرائیل کو ایسے ہتھیار فراہم کرتی رہے گی جو غزہ میں استعمال ہوسکتے ہیں، وہ اپنے آئینی اور بین الاقوامی فرائض کی خلاف ورزی کر رہی ہے۔
ECCHR کے ماہرین نے زور دیا کہ جرمن حکومت کو اپنی ذمہ داری نبھانی چاہیے ، جب تک منظم انسانی حقوق کی خلاف ورزیوں کا خطرہ موجود ہے، اسرائیل کو ہتھیاروں کی فراہمی روکی جائے۔
درخواست گزاروں نے اپنے بنیادی حقِ زندگی اور جسمانی تحفظ کا حوالہ دیتے ہوئے مؤقف اپنایا ہے کہ ہتھیاروں کی برآمد ان حقوق کی خلاف ورزی ہے۔
واضح رہےکہ گزشتہ اگست میں جرمنی کے چانسلر فریڈرک مرز کی اتحادی حکومت نے اعلان کیا تھا کہ وہ غزہ میں استعمال ہونے والے نئے ہتھیاروں کی منظوری عارضی طور پر روک رہی ہے ، حکومت نے اُن لائسنسوں کو منسوخ نہیں کیا جو پہلے ہی جاری ہو چکے ہیں۔
ECCHR کے مطابق اقوام متحدہ اور دیگر بین الاقوامی اداروں کی جانب سے ممکنہ جنگی جرائم اور نسل کشی کے خطرات کی وارننگ کے باوجود ان ہتھیاروں کی ترسیل جاری ہے۔
ادارے کے سیکریٹری جنرل وولف گانگ کالیک نے کہا کہ اگرچہ اسرائیل اور حماس کے درمیان 10 اکتوبر کو جنگ بندی نے وقتی طور پر جنگی کارروائیوں کو روکا ہے لیکن اسرائیلی افواج اب بھی غزہ کے مختلف حصوں میں حملے جاری رکھے ہوئے ہیں۔
ان کا کہنا تھا کہ امریکی صدر ڈونلڈ ٹرمپ کے معاہدے نے اگرچہ غزہ پر اسرائیلی جارحیت کو عارضی طور پر روکا ہے مگر اسرائیل نے نہ اپنے حالیہ جرائم کا ازالہ کیا ہے اور نہ ہی انسانی حقوق کی پاسداری کی کوئی ضمانت دی ہے، ایسی صورتحال میں بین الاقوامی قوانین کے تحت جرمنی کو اسرائیل کو اسلحہ کی فراہمی بند کر دینی چاہیے۔
خیال رہےکہ حماس کی جانب سے تو جنگ بندی کی مکمل پاسداری کی جارہی ہے لیکن اسرائیل نے اپنی دوغلی پالیسی اپناتے ہوئے 22 سال سے قید فلسطین کے معروف سیاسی رہنما مروان البرغوثی کو رہا کرنے سے انکاری ظاہر کی ہے اور اسرائیل کے متعدد وزیر اپنی انتہا پسندانہ سوچ کے سبب صبح و شام فلسطینی عوام کو دھمکیاں دے رہے ہیں جبکہ امریکی صدر ڈونلڈ ٹرمپ بھی جارحانہ انداز اپناتے ہوئے مسلسل دھمکیاں دے رہے ہیں۔
آئی ایم ایف اور پاکستان کے درمیان سٹاف لیول معاہدہ طے پاگیا