کراچی: ناگن چورنگی کے قریب 2 افراد کے قتل کا مقدمہ درج
اشاعت کی تاریخ: 21st, October 2025 GMT
کراچی کے علاقے ناگن چورنگی کے قریب گزشتہ روز 2 افراد کے قتل کا مقدمہ مقتول کے بھائی کی مدعیت میں درج کر لیا گیا۔
مقدمے میں کہا گیا ہے کہ موٹرسائیکل سوار 2 نامعلوم ملزمان نے دکان پر فائرنگ کی جس سے شاہ احمد اور دکان کا ملازم جاں بحق ہو گئے۔
مقدمے کے متن کے مطابق ملزمان فائرنگ کے بعد فرار ہوگئے تھے۔
واضح رہے کہ گزشتہ روز کراچی کے علاقے ناگن چورنگی کے قریب نامعلوم افراد کی فائرنگ سے 2 افراد جاں بحق ہو گئے تھے۔
فائرنگ کے واقعے کے بعد کی سی سی ٹی فوٹیج سامنے آئی تھی جس میں دو موٹر سائیکل سوار افراد کو وہاں سے جاتے ہوئے دیکھا گیا تھا۔
.ذریعہ: Jang News
پڑھیں:
کوہاٹ: لاچی بازار میں دو گروپوں میں فائرنگ، 4 افراد جاں بحق
کوہاٹ(ویب ڈیسک) کوہاٹ کی تحصیل لاچی بازار میں دو مخالف گروپوں کے درمیان فائرنگ کے نتیجے میں 4 افراد جاں بحق جبکہ 2 شدید زخمی ہوگئے۔
فائرنگ کے فوراً بعد ریسکیو ٹیموں نے موقع پر پہنچ کر زخمیوں اور لاشوں کے ڈی اے ہسپتال کوہاٹ منتقل کردیا۔
ریسکیو حکام کے مطابق جاں بحق ہونے والوں میں حسن، ظاہر، غفور اور مامور شامل ہیں جبکہ زخمیوں کی حالت تشویشناک بتائی جارہی ہے۔
پولیس کے مطابق واقعہ بظاہر ذاتی دشمنی کا نتیجہ ہے، علاقے میں کشیدگی کے باعث بھاری نفری تعینات کردی گئی ہے جبکہ فائرنگ میں ملوث افراد کی گرفتاری کیلئے سرچ آپریشن جاری ہے۔
کوئٹہ: سریاب میں ریلوے ٹریک دھماکے سے اڑ گیا، ٹرینوں کی آمدورفت معطل