شراب و اسلحہ برآمدگی کیس: علی امین گنڈاپور کے پھر وارنٹ گرفتاری جاری
اشاعت کی تاریخ: 21st, October 2025 GMT
ڈسٹرکٹ اینڈ سیشن کورٹس اسلام آباد نے شراب و اسلحہ برآمدگی کیس میں سابق وزیراعلیٰ علی امین گنڈا پور کے وارنٹ گرفتاری جاری کر دیے۔
سینئر سول جج مبشر حسن چشتی نے کیس کی سماعت کی، سابق وزیراعلیٰ خیبرپختونخوا آج بھی حاضر نہیں ہوئے، عدالت نے علی امین گنڈاپور کو گرفتار کرکے پیش کرنے کا حکم دے دیا۔
عدالت نے علی امین گنڈا پور کی مسلسل غیر حاضری کے باعث وارنٹ گرفتاری جاری کیے ہیں، کیس کی آئندہ سماعت 28 اکتوبر کو ہوگی۔
علی امین گنڈا پور کیخلاف تھانہ بارہ کہو میں مقدمہ درج ہے۔
یاد رہے کہ اسلام آباد کی عدالت جولائی سے اب تک متعدد بار سابق وزیراعلیٰ خیبرپختونخوا علی امین گنڈا پور کے وارنٹ جاری کر چکی ہے، تاہم وہ اب تک عدالت میں پیش نہیں ہوئے۔
جولائی سے ستمبر تک علی امین کی عدم پیشی کی وجہ وزارت اعلیٰ کی مصروفیات بتائی جاتی تھیں، تاہم اب وہ وزارت اعلیٰ سے استععفیٰ دے چکے ہیں، لیکن آج کی سماعت میں بھی عدالت میں پیش نہیں ہوئے۔
10 ستمبر کو بھی عدالت نے ملزم علی امین گنڈاپور کے وارنٹ گرفتاری جاری کیے تھے، عدالت نے علی امین گنڈاپور کو گرفتار کر کے 17 ستمبر کو عدالت میں پیش کرنے کی ہدایت کر دی تھی۔
عدالتی حکم کے بعد علی امین گنڈاپور کے وکیل راجا ظہورالحسن عدالت میں پیش ہوئے اور کہا تھا کہ سر آپ نے میرے وارنٹ گرفتاری جاری کردیے، جج مبشر حسن چشتی نے کہا کہ آپ ملزم پیش کریں میں وارنٹ منسوخ کر دوں گا۔
وکیل راجا ظہورالحسن نے کہا کہ سر اب تو میڈیا پر چل گیا ہے، ملزم کی سبکی تو ہوگئی ہے۔
فاضل جج نے کہا کہ میں میڈیا کو کیا کہہ سکتا ہوں؟ آپ کا کوئی جونیئر بھی آکر تاریخ لے لیتا تو میں کیس رکھ لیتا، عدالت نے علی امین گنڈاپور کے وکیل کی وارنٹ گرفتاری معطل کرنے کی استدعا مسترد کر دی تھی۔
.ذریعہ: Daily Mumtaz
کلیدی لفظ: عدالت نے علی امین گنڈا علی امین گنڈاپور کے وارنٹ گرفتاری جاری علی امین گنڈا پور عدالت میں پیش پور کے
پڑھیں:
’شرابی‘ ریکون دکان میں گھس کر کئی بوتلیں چٹ کرگیا، طویل ہینگ اوور
امریکا کی ریاست ورجینیا میں ایک ریکون شراب کی دکان میں گھس گیا اور بھاری مقدار میں شراب چٹ کرگیا۔
یہ بھی پڑھیں: بھارتی جیلوں میں خطرناک مجرموں کی شراب پارٹیوں نے حکومتی رٹ کا بھرم کھول دیا
شراب کی بوتلوں تک رسائی ملنے کے بعد اس نے خوب توڑ پھوڑ اور ہنگامہ آرائی کی اور کئی بوتلیں چڑھا بھی گیا جس کے بعد اس کو خود کا ہوش نہیں رہا۔
ریکون کی وہ کارگزاری اس وقت سامنے آئی جب دکان کا ملازم دکان میں داخل ہوا اور اس نے ریکون کو ٹوائلٹ کے قریب منہ کے بل بے ہوش پڑا پایا۔
بوتلوں، شیلف اور ڈبوں کی شامتہینور کاؤنٹی اینیمل پروٹیکشن اینڈ شیلٹر کے مطابق ریکون نے بے ہوش ہونے سے پہلے دکان میں جگہ جگہ تباہی مچا دی۔
مزید پڑھیے: اسلام آباد میں شراب فروخت کرنے کی اجازت، مگر کن شرائط پر؟
ریپورٹ کے مطابق جانور نے شراب کی 14 بوتلیں توڑ دیں جن کی مالیت تقریباً 250 ڈالر بتائی گئی جب کہ شیلف بکھر گئے اور کئی ڈبے الٹ پلٹ گئے۔
صفائی کے بعد دکان معمول کے مطابق کھول دی گئی۔
چھت توڑ کر اندر داخل ہواشیلٹر کی افسر سمانتھا مارٹن نے بتایا کہ وہ ریکون کی مداح ہیں اور انہیں یہ واقعہ خاصا مزاحیہ لگا۔
ان کا کہنا تھا کہ وہ چھت کی ٹائل توڑ کر اندر گرا اور پھر پورے زور و شور سے شراب پینی شروع کر دی۔
’ہینگ اوور‘ کے بعد جنگل میں رہائیمحکمے نے واقعے پر ہلکے پھلکے انداز میں تبصرہ کرتے ہوئے کہا کہ ریکون شاید اب بھی ہینگ اوور کا شکار ہو۔
مزید پڑھیں: شمالی یورپ: شراب نوشی میں کمی، وجہ کیا ہے؟
بیان میں مزید کہا گیا کہ ریکون کچھ گھنٹے سویا اور اس کے جسم پر کسی چوٹ کے آثار نہیں ملے۔ وہ صرف ہینگ اوور کا شکار ہوا۔ اس کو بحفاظت جنگل میں چھوڑ دیا گیا۔ واضح رہے کہ ہینگ اوور سے مراد وہ ناگوار حالت ہے جو زیادہ شراب پینے کے بعد اگلے دن سر درد، متلی، کمزوری اور بے چینی کی صورت میں محسوس ہوتی ہے۔
تصاویر وائرل، سوشل میڈیا پر ہنسی کا طوفانحکام نے واقعے کی تصاویر جاری کیں جن میں ریکون کو کوڑے دان اور ٹوائلٹ کے پاس گہری نیند میں دیکھا جا سکتا ہے جبکہ ایک اور تصویر میں دکان کا ایک حصہ ٹوٹی ہوئی بوتلوں سے بھرا ہوا ہے۔
سوشل میڈیا صارفین نے مزاحیہ تبصرےایک صارف نے کہا کہ اسے چھوڑ دیں، کچرا چننے کے ایک تھکا دینے والے دن کے بعد آرام کر رہا ہے۔
کسی نے کہا کہ پہلے لگا یہ خبر جھوٹی ہے مگر تصویر دیکھ کر یقین آگیا۔
یہ بھی پڑھیے: حکومت پنجاب نے صوبے میں شراب کی طلب پوری کرنیکا تقاضا کیوں کیا؟
ایک صارف نے کہا کہ ایسے مزے شاید اسے زندگی میں دوبارہ نہ ملیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ریکون کا کھڑاک شراب کی دکان شرابی ریکون
ای چالان ادا نہ کرنے والوں کی شامت