لاہور: پتنگ کی ڈور سے نوجوان جاں بحق، وزیراعلیٰ مریم نواز کا ذمہ داروں کے خلاف کارروائی کا حکم
اشاعت کی تاریخ: 22nd, October 2025 GMT
لاہور کے علاقے مزنگ میں ڈور پھرنے سے موٹر سائیکل سوار نوجوان جاں بحق ہو گیا۔
21 سالہ نعمان اپنے دوست کے ساتھ موٹر سائیکل پر جا رہا تھا کہ اچانک قاتل ڈور اس کے گلے میں پھر گئی جس سے وہ شدید زخمی ہو گیا۔ نوجوان کو فوری طور پر اسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گیا۔
یہ بھی پڑھیے: اسلام آباد پولیس کی پتنگ سازوں، ڈسٹری بیوٹرز اور فروخت کرنے والوں کے خلاف بڑی کارروائی
وزیراعلیٰ پنجاب مریم نواز شریف نے واقعے پر گہرے دکھ اور افسوس کا اظہار کرتے ہوئے نعمان کے سوگوار خاندان سے تعزیت کی ہے۔ وزیراعلیٰ نے سی سی پی او لاہور سے واقعے کی رپورٹ طلب کر لی ہے اور پولیس کو ذمہ داران کے خلاف فوری کارروائی کا حکم دیا ہے۔
واضح رہے کہ ہر سال پتنگ پنجاب سمیت ملک بھر میں پتنگ کی ڈور موٹرسائیکل سواروں کے گلے پر پھرنے سے کئی افراد جاں بحق جبکہ متعدد زخمی ہوتے ہیں، قانون نافذ کرنے والے ادارے آئے روز کارروائیاں کر رہے ہیں، لیکن شہر کے مختلف علاقوں میں خفیہ طور پر پتنگ بازی اور ڈور فروشی کا سلسلہ بدستور جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پتنگ بازی مریم نواز.ذریعہ: WE News
کلیدی لفظ: پتنگ بازی مریم نواز
پڑھیں:
مریم نواز کا وزیراعلیٰ خیبر پختونخوا کو انتباہ: جیل کے باہر بیٹھنے کے بجائے عوامی خدمت پر توجہ دیں
وزیراعلیٰ پنجاب مریم نوازشریف نے کہا ہے کہ وزیراعلیٰ خیبر پختونخوا اڈیالہ جیل کے باہر وقت ضائع کرنے کے بجائے عوام کی خدمت پر توجہ دیں، کیونکہ عوام نے انہیں عوامی فلاح کے لیے منتخب کیا ہے، جیل کے باہر بیٹھنے کے لیے نہیں۔
گوجرانوالہ میں ماس ٹرانزٹ سسٹم کی سنگ بنیاد رکھنے کی تقریب سے خطاب کرتے ہوئے مریم نواز نے کہا کہ مسلم لیگ (ن) ہر دور میں ترقی کے عملی اقدامات میں نظر آئی ہے، چاہے وہ ایٹم بم، موٹرویز، بنیان مرصوص یا حرمین شرفین کی حفاظت ہو، یا اندھیروں سے روشنی تک کا سفر۔
انہوں نے میانوالی اور گجرات کے مسائل کی نشاندہی کرتے ہوئے کہا کہ ان علاقوں کے لوگوں نے اعلیٰ عہدوں پر فائز ہونے کے باوجود اپنے شہروں کے بنیادی مسائل حل نہیں کیے۔ میانوالی میں ترقی کی نشانیاں کم نظر آتی تھیں اور گجرات بارش کے پانی میں ڈوب جاتا تھا۔ تاہم ان کے دور میں میانوالی میں سڑکیں، اوور ہیڈ بریج اور گرین بس منصوبے شروع کیے گئے، جبکہ گجرات میں 30 ارب روپے کی لاگت سے پورے شہر کا سیوریج نظام بنایا جا رہا ہے۔
مریم نوازشریف نے کہا کہ خیبر پختونخوا میں پچھلے 12 سال ایک ہی پارٹی کی حکومت رہی جس نے صوبے میں ترقی کے آثار پیدا نہیں کیے۔ انہوں نے ہری پور میں 23 نومبر کے فیصلے کو مثال دیتے ہوئے کہا کہ جھوٹ کی سیاست کی شیلف لائف محدود ہوتی ہے، اور عوام نے حقیقت جان کر مسلم لیگ (ن) کو ووٹ دیا۔
انہوں نے سخت تنقید کرتے ہوئے کہا کہ خیبر پختونخوا کا وزیراعلیٰ صوبائی سرکاری مشینری کے ساتھ وفاق پر حملہ آور ہوتا رہا، لیکن عوام کی فلاح کے لیے اقدامات نہیں کیے۔ مریم نواز نے واضح کیا کہ وزیراعلیٰ کے پی کے کو اڈیالہ جیل کے بجائے اسپتالوں، اسکولوں اور عوامی مقامات پر وقت گزارنا چاہیے تاکہ حقیقی عوامی خدمت ممکن ہو سکے۔
اٹھارہویں ترمیم اور این ایف سی ایوارڈ کے ساتھ کھیلنے والے آگ کے ساتھ کھیل رہے ہیں: بلاول