واٹس ایپ صارفین کو نوسربازوں سے بچانے کے لیے میٹا کی منصوبہ بندی
اشاعت کی تاریخ: 22nd, October 2025 GMT
ٹیکنالوجی کمپنی میٹا نے واٹس ایپ اور میسنجر استعمال کرنے والے بزرگ صارفین کو آن لائن فراڈ سے بچانے کے لیے اہم حفاظتی اقدامات کا اعلان کیا ہے۔
یہ بھی پڑھیں: پاکستان میں واٹس ایپ ہیکنگ سمیت سائبر جرائم میں 35 فیصد اضافہ
کمپنی نے دعویٰ کیا ہے کہ سنہ 2025 میں فراڈ سے متعلق لاکھوں اکاؤنٹس کو بند کر دیا گیا ہے اور کہا ہے کہ صرف روایتی آگاہی مہمات وقت پر دھوکہ دہی کو روکنے میں ناکام رہتی ہیں۔
میٹا نے واٹس ایپ اور میسنجر میں نئے سیکیورٹی الرٹس شامل کیے ہیں جو خاص طور پر ان افراد کے لیے ڈیزائن کیے گئے ہیں جو زیادہ تر فراڈ کا شکار بنتے ہیں جیسے کہ بزرگ صارفین۔
واٹس ایپ میں نیا فیچراب جب کوئی صارف اسکرین شیئر کرنے کی کوشش کرتا ہے، خصوصاً ایسے افراد کے ساتھ جو ان کے کانٹیکٹس میں نہیں یا جن کے ساتھ چیٹ ہسٹری کم ہے تو انہیں نمایاں وارننگ دکھائی جاتی ہے۔
مزید پڑھیے: میٹا نے واٹس ایپ پر جنرل پرپز چیٹ بوٹس پر مکمل پابندی عائد کردی
اسکرین شیئرنگ فراڈ اب ایک عام طریقہ بن چکا ہے جس کے ذریعے ہیکرز بینک اکاؤنٹس اور ذاتی تفصیلات تک رسائی حاصل کرتے ہیں۔
میسنجر میں اے آئی کی مددمیسنجر میں جدید مصنوعی ذہانت (اے آئی) کا استعمال کیا گیا ہے جو ان پیغامات کو پہچانتی ہے جن میں صارفین پر رقم ٹرانسفر کرنے کا دباؤ ڈالا جاتا ہے، جعلی سرمایہ کاری کی پیشکش کی جاتی ہے یا بغیر مانگے ٹیک سپورٹ فراہم کی جاتی ہے۔ ایسی صورتحال میں صارفین کو فوری وارننگ دی جاتی ہے اور ساتھ ہی رپورٹ یا بلاک کرنے کا آسان آپشن بھی دیا جاتا ہے۔
ڈیزائن میں سیکیورٹی شاملمیٹا کا کہنا ہے کہ دھوکہ دہی سے بچاؤ کو اب صرف تعلیمی مسئلہ نہیں بلکہ ڈیزائن کا مسئلہ سمجھا جا رہا ہے۔
کمپنی نے اس بات کا اعتراف بھی کیا ہے کہ اگرچہ وارننگز سے صارفین میں ’الرٹ فٹیگ‘ (یعنی بار بار نوٹیفیکیشنز سے بیزاری) پیدا ہو سکتی ہے اور ہر خطرے کو بروقت نہیں پہچانا جا سکتا تاہم ریئل ٹائم تحفظ کی جانب یہ ایک اہم پیش رفت ہے۔
مزید پڑھیں: واٹس ایپ نے کال شیڈول کرنے کی نئی سہولت متعارف کر دی
یہ نیا اقدام اس بات کا ثبوت ہے کہ میٹا محتاط، فوری اور فعال اقدامات کے ذریعے صارفین کو خاص طور پر معمر افراد کو مالی نقصان سے بچانے کی کوشش کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکیم الرٹ میٹا واٹس ایپ الرٹ.ذریعہ: WE News
کلیدی لفظ: اسکیم الرٹ میٹا واٹس ایپ الرٹ صارفین کو واٹس ایپ جاتی ہے کے لیے
پڑھیں:
دوران زچگی انتقال کرنے والی ٹک ٹاکر پیاری مریم کے آخری وی لاگ نے نئی بحث چھیڑ دی
معروف ٹک ٹاکر پیاری مریم دورانِ زچگی انتقال کر گئیں، ان کی وفات نے سوشل میڈیا پر گہرے افسوس اور صدمے کی فضا پیدا کر دی ہے۔ ان کے انتقال کے بعد ان کے آخری وی لاگ نے سوشل میڈیا پر نئی بحث چھیڑ دی۔
پیاری مریم کے آخری وی لاگ کے مختلف کلپس سوشل میٖڈیا صارفین کی توجہ کا مرکز بنے ہوئے ہیں۔ ان ویڈیوز میں وہ اپنے حمل کے روزمرہ معمولات، بچوں کے لیے کی جانے والی خریداری اور اپنے گھر والوں کی خوشی کے بارے میں بات کرتی دکھائی دیتی ہیں۔
ٹک ٹاکر پیاری مریم نے ایک وی لاگ میں بتایا تھا کہ وہ ہر تفصیل اپنے مداحوں سے اس لیے شیئر کرتی ہیں تاکہ لوگ ان کی اور ان کے آنے والے بچوں کی خوشحالی کے لیے دعا کریں۔
مریم اور ان کے شوہر نے کئی مواقع پر والدین بننے کی خوشی کا اظہار کیا تھا اور امید ظاہر کی تھی کہ زچگی کا مرحلہ بخیر و خوبی گزر جائے گا۔ تاہم ان کی اچانک موت نے مداحوں اور سوشل میڈیا صارفین کو شدید غمزدہ کردیا۔
سوشل میڈیا پر متعدد صارفین کا کہنا ہے کہ مسلسل نمائش اور ہر چیز کو عوام کے ساتھ شیئر کرنے کی وجہ سے وہ نظر بد کا شکار ہوئیں۔ بہت سے افراد نے لکھا کہ جو لوگ شہرت میں ہوتے ہیں وہ ہمیشہ مثبت نظر کا سامنا نہیں کرتے اور ان کے خیال میں یہی ان کی وفات کی وجہ بنی۔ تقریباً تمام صارفین نے اس بات پر اتفاق کیا کہ مریم کی موت نظر بد کی وجہ سے ہوئی، اگرچہ اس بارے میں کوئی تصدیق موجود نہیں۔
ایک مداح نے دکھ کا اظہار کرتے ہوئے لکھا کہ کون جانتا تھا کہ وہ پھر کبھی یہ خوشیاں نہیں دیکھ پائے گی۔ اس نے مریم کی مغفرت اور خاندان کے لیے صبر کی دعا بھی کی۔ ایک اور صارف نے کہا کہ زندگی اور موت اللہ کے ہاتھ میں ہے۔
پیاری مریم کی وفات نے انٹرنیٹ پر سوگ کی کیفیت پیدا کر دی ہے اور لوگ ان کی یاد میں نہ صرف تعزیتی پیغامات لکھ رہے ہیں بلکہ ان کے آخری لمحات اور وی لاگز کے بارے میں بھی گفتگو کر رہے ہیں۔
تھیلیسمیا سینٹر میں اساتذہ کے لیے چار روزہ تربیتی ورکشاپ کا انعقاد