حکومت کا حجاج کو اربوں روپے واپس کرنے کا فیصلہ
اشاعت کی تاریخ: 23rd, October 2025 GMT
ویب ڈیسک : وزارت مذہبی امور نے گزشتہ سال حج کرنے والے حجاج کو 3 ارب 45 کروڑ 65 لاکھ 85 ہزار روپے واپس کرنے کا فیصلہ کر لیا۔
وفاقی وزیر مذہبی امور سردار محمد یوسف نے پریس کانفرنس کرتے ہوئے کہا کہ گزشہ سال فریضہ حج ادا کرنے والے حجاج کو رقوم کی منتقلی کا عمل بینک اکاؤنٹس میں 31 اکتوبر تک مکمل کر لیا جائے گا۔ انہوں نے کہا کہ حکومت کی کوشش ہوتی ہے کہ حج انتظامات کو بہتر سے بہتر بنایا جائے اور حج اخراجات کو ممکنہ حد تک کم سے کم رکھا جائے۔
خریداروں کیلئے بڑی خوشخبری، پاکستان میں سستے سولر پینلزتیار
سردار محمد یوسف نے کہا کہ حج 2026 کے لیے40 دن کے حج پیکیج کی رقم11 لاکھ50 ہزار روپے جبکہ 25 دن کے شارٹ حج کا پیکیج 12 لاکھ روپے مقرر کی گئی ہے۔
حجاج کو رقوم کی واپسی سے متعلق انہوں نے کہا کہ گزشتہ سال حج کے دوران رہائشی عمارتوں، کھانے پینے، ٹرانسپورٹ سمیت دیگر معاملات میں تقریباً ساڑھے 3 ارب روپے کی بچت کی گئی اور یہی رقم حاجیوں کو واپس کی جا رہی ہے۔
رقوم کی واپسی کی تفصیلات بتاتے ہوئے انہوں نے کہا کہ 12 ہزار 286 حاجیوں کو 12 ہزار فی کس، 13 ہزار 939 حاجیوں کو 25 ہزار، 8 ہزار 496 حاجیوں کو 48 ہزار، 20 ہزار 302 حاجیوں کو 75 ہزار،10 ہزار 945 حاجیوں کو 90 ہزار اور 400 حاجیوں کو ایک لاکھ 10 ہزار روپے فی کس کے حساب سے رقم واپس کی جا رہی ہے۔
لاہور دنیاکے آلودہ ترین شہروں کی فہرست میں پہلے نمبر پر آگیا
وفاقی وزیر مذہبی امور نے کہا کہ رقوم کی واپسی آج سے ہی شروع ہو جائے گی اور جن حاجیوں کو رقم واپس نہیں کی گئیں۔ انہوں نے حجاز مقدس میں فراہم کی گئی تمام سہولیات سے مکمل استفادہ کر لیا تھا۔ انہوں نے کہا کہ حج 2026 کے موقع پر بھی حاجیوں کو سفری بیگ اور سعودی کمپنی کی موبائل فون سم دی جائے گی۔ جس میں انٹرنیٹ کے ساتھ ساتھ فون کالز کی سہولت بھی میسر ہو گی۔
.
ذریعہ
ذریعہ: City 42
کلیدی لفظ: انہوں نے کہا کہ حاجیوں کو حجاج کو رقوم کی
پڑھیں:
پاکستان میں سونے کی قیمت میں پھر بڑا اضافہ
ملک بھر میں فی تولہ سونےکی قیمت میں 4600 روپے کا اضافہ ہوا ہے۔آل پاکستان جیمز اینڈ جیولرز ایسوسی ایشن کے مطابق ایک تولہ سونا 4600 روپے اضافے کے بعد اب 4 لاکھ 76 ہزار 362 روپے میں فروخت ہو رہا ہے۔اس کے علاوہ10گرام سونے کی قیمت3944 روپےبڑھ کر 4 لاکھ8 ہزار 403 روپے ہوگئی ہے۔عالمی بازار میں سونے کی قیمت 46 ڈالر اضافے سے 4540 ڈالر فی اونس ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ