پی ایس ایل سے متعلق اجلاس میں نئی تجاویز پیش کردی گئیں
اشاعت کی تاریخ: 25th, October 2025 GMT
پاکستان کرکٹ بورڈ (پی سی بی) میں پاکستان سپر لیگ (پی ایس ایل) کی ویلیو ایشن کے دوران نئی تجاویز سامنے آگئیں۔
پی سی بی ہیڈکوارٹرز میں پی ایس ایل کے سی ای او سلمان نصیر کی زیرصدارت اجلاس ہوا جس میں نئے فنانشل ماڈل سے متعلق تجویز پیش کی گئی۔
ذرائع کے مطابق فنانشل ماڈل کے تحت رقم کا تبادلہ ڈالر کی بجائے پاکستانی روپے میں کرنے پر غورکیا گیا۔ جبکہ نئی فرنچائز کے مالکانہ حقوق بھی پاکستانی روپے میں دیے جائیں گے۔
ذرائع کے مطابق آئندہ ایک ہفتے میں کنٹریکٹ رینیول ڈرافٹ بنا کر فرنچائزز کو بھیجیے جائیں گے۔ رینیول کنٹریکٹ تسلیم نہ کرنے والی فرنچائزز اوپن بڈ میں جائے گی۔
واضح رہے پی ایس ایل میں شامل چھ فرنچائز کے کنٹریکٹ دسمبر میں ختم ہو رہے ہیں۔ ٹیموں کی تعداد چھ سے بڑھا کر آٹھ کی جا رہی ہے۔
2015 میں کراچی 2.
ذریعہ: Express News
کلیدی لفظ: پی ایس ایل کروڑ ڈالر
پڑھیں:
قطر نے پاکستان میں 3 ارب ڈالر کی سرمایہ کاری کا اعادہ کر دیا، اقتصادی اور تکنیکی تعاون کے کئی معاہدے طے پا گئے
اسلام آباد میں پاکستان اور قطر کے درمیان چھٹے مشترکہ وزارتی کمیشن کا اجلاس منعقد ہوا جس کی صدارت وزیرِ تجارت جام کمال خان اور قطری وزیرِ تجارت شیخ فیصل بن ثانی نے کی۔ اس اجلاس میں قطر نے پاکستان میں 3 ارب ڈالر کی سرمایہ کاری کرنے کا پرعزم اعادہ کیا اور دونوں ممالک کے درمیان اقتصادی و تکنیکی تعاون کے متعدد پروٹوکولز پر دستخط ہوئے۔
وزارت اقتصادی امور کے ترجمان نے بتایا کہ اس موقع پر دونوں ملکوں نے سرمایہ کاری کے فروغ کے لیے قوی روابط قائم کرنے پر اتفاق کیا۔ اس کے علاوہ ثقافت اور میڈیا کے شعبوں میں ’’ایئر آف کلچر‘‘ پروگرام شروع کرنے کا بھی منصوبہ بنایا گیا ہے تاکہ فلم، ڈرامہ اور ثقافتی سرگرمیوں کی مشترکہ پیداوار کو فروغ دیا جا سکے۔
اجلاس میں برقی، خودکار اور ہائیڈروجن گاڑیوں کی ٹیکنالوجی میں تعاون، اور موٹروے و انفراسٹرکچر منصوبوں میں قطر کی سرمایہ کاری کے امکانات پر بھی غور کیا گیا۔ مزید برآں، پاکستان اور قطر کی ایوی ایشن اتھارٹیز کے درمیان جلد مشاورتی اجلاس بلانے کا فیصلہ کیا گیا۔
تعلیم و تربیت کے شعبے میں بھی تعاون کو بڑھانے کے لیے ایگزیکٹو پروگرام تیار کرنے پر اتفاق ہوا، جبکہ سائنس و ٹیکنالوجی کے پارکس اور اسپیشل ٹیکنالوجی زونز کے درمیان شراکت داری کو بھی تقویت دینے پر زور دیا گیا۔
ترجمان نے یہ بھی بتایا کہ ہنرمند پاکستانیوں کی قطر میں تعیناتی کے لیے نئے لیبر ایم او یو کی تیاری پر بات چیت جاری ہے تاکہ روزگار کے نئے مواقع پیدا کیے جا سکیں۔
دونوں ممالک نے اس مشترکہ وزارتی کمیشن کے فیصلوں پر عمل درآمد کے لیے قریبی رابطے جاری رکھنے پر بھی اتفاق کیا ہے۔
وزیراعلیٰ مریم نواز کی سپارکو کو مبارکباد، پاکستان کے خلائی پروگرام پر خوشی کا اظہار