علامہ سید ساجد علی نقوی سے مختلف وفود کی ملاقاتیں
اشاعت کی تاریخ: 25th, October 2025 GMT
وفد نے سیلاب زدگان کے لیے قائد کی طرف سے میڈیکل کیمپوں، راشن پیکیجز اور خیمہ جات کی سہولیات فراہم کرنے پر شکریہ ادا کیا۔ سیلاب زدہ علاقوں کی تازہ صورتحال سے آگاہ کیا۔ اسلام ٹائمز۔ قائد ملت جعفریہ پاکستان علامہ سید ساجد علی نقوی سے شیعہ علماء کونسل کے مرکزی رہنماء سید اظہار بخاری، ضلع مظفرگڑھ کے نائب صدر سردار منظور حسین اخلاق، سردار خرم حسین خان اور سابق کونسلر سید مجاہد حسین شمسی نے ملاقات کی۔ وفد نے سیلاب زدگان کے لیے قائد کی طرف سے میڈیکل کیمپوں، راشن پیکیجز اور خیمہ جات کی سہولیات فراہم کرنے پر شکریہ ادا کیا۔ سیلاب زدہ علاقوں کی تازہ صورتحال سے آگاہ کیا اور مستقبل میں بھی بحالی کے حوالے سے سیلاب زدگان کو یاد رکھنے کی اپیل کی۔ ملاقات کے دوران مختلف تنظیمی اور سیاسی موضوعات پر تبادلہ خیال ہوا۔
علاوہ ازیں علامہ سید ساجد علی نقوی سے ضلع گھوٹکی سے آئے تنظیمی وفد نے ملاقات کی وفد میں منور حسین انقلابی، تنویر احمد جویو، شہباز علی جویو، سکندر علی جویو اور حسنین علی عسکری شریک تھے۔ وفد نے علامہ ساجد نقوی سے علامہ ملک ظفر عباس کی وفات پر تعزیت کی مختلف تنظیمی امور علاقائی مسائل پر رہنمائی لی۔ اس کے علاوہ کراچی سے آئے مولانا جمشید علی اور مولانا غلام علی نے ملاقات کی، علامہ ملک ظفر عباس کی وفات پر قائد ملت سے تعزیت کی اور فاتحہ خوانی کی اور مختلف علاقائی و تنظیمی امور میں ان سے رہنمائی لی۔
ذریعہ
ذریعہ: Islam Times
پڑھیں:
کراچی میں 2 سال قبل شروع ہونیوالی مفت شٹل سروس کمرشل بنیاد پر چلائی جارہی ہے
کراچی سے دوسرے شہروں میں جانے کے لیے شہر میں جگہ جگہ قائم بس اڈے دو سال پہلے ختم کرکے شہر سے باہر منتقل کر دیے گئے تھے، شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
حکومت نے مسافروں کی سہولت کے لیے مفت شٹل سروس شروع کی تھی تاکہ مختلف مقامات سے مسافروں کو کراچی بس ٹرمینل پہنچایا جا سکے، مگر یہ شٹل سروس اب ٹرمینل تک محدود نہیں رہی بلکہ روٹ پرمٹ کے بغیر کمرشل بنیادوں پر کراچی سے حیدرآباد تک بھی چلائی جا رہی ہے۔
محکمہ ٹرانسپورٹ سندھ نے اگست 2024 میں آپریشن کرتے ہوئے شہر کے مختلف انٹر سٹی بس اڈے ختم کیے اور بڑی کوچز کے شہر میں داخلے پر پابندی عائد کی تھی۔
مسافروں کی سہولت کے لیے وزیر ٹرانسپورٹ شرجیل انعام میمن نے مفت شٹل سروس شروع کرنے کا اعلان کیا تھا۔ ایک سوال کے جواب میں انہوں نے بتایا تھا کہ تقریباً 50 شٹل گاڑیاں چلائی جا رہی ہیں تاکہ مسافروں کو مختلف مقامات سے کراچی بس ٹرمینل پہنچایا جا سکے۔ لیکن شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
ادھر ٹرانسپورٹرز اپنی سواریاں مختلف ذرائع سے کراچی بس ٹرمینل تک پہنچا رہے ہیں، جس کے اضافی اخراجات بھی انہیں خود برداشت کرنا پڑ رہے ہیں۔
محکمہ ٹرانسپورٹ کا بتانا ہے کہ اس روٹ کے لیے شٹل سروس کے پاس کوئی روٹ پرمٹ موجود نہیں۔
جیو نیوز نے اس حوالے سے کراچی بس ٹرمینل انتظامیہ سے مؤقف لینے کی کوشش کی، مگر ان کی جانب سے کوئی جواب نہیں دیا گیا۔
پاکستان نے ورلڈ کپ 2028 کیلیے براہ راست کوالیفائی کر لیا