پاکستان کا چاند مشن: وفاقی وزیر منصوبہ بندی نے تاریخ کا اعلان کر دیا
اشاعت کی تاریخ: 28th, October 2025 GMT
وفاقی وزیر منصوبہ بندی احسن اقبال نے اعلان کیا ہے کہ پاکستان 2035 میں اپنا پہلا مشن چاند پر بھیجے گا اور ملک کا پہلا خلا باز 2026 میں خلا میں جائے گا۔ انہوں نے بتایا کہ اس کے لیے ملک میں سیٹلائٹ لانچنگ پیڈ قائم کیا جائے گا اور سپارکو کو اس مشن کی ذمہ داری دی گئی ہے۔
ہائی اسپیڈ انٹرنیٹ کنکٹیوٹی تقریب سے خطاب میں احسن اقبال نے کہا کہ ڈیجیٹل ٹرانسفارمیشن کے ذریعے تعلیم اور دیگر شعبوں تک رسائی ممکن ہوگی، اور ڈیجیٹل رسائی کو معیشت کی طاقت بنانے پر کام جاری ہے۔ انہوں نے بتایا کہ پاکستان جیسے جغرافیائی لحاظ سے اہم ملک میں سیٹلائٹ انٹرنیٹ ضروری ہو چکا ہے اور فائیو جی لائسنس کے اجرا کے لیے ہر ضلع میں فائبر کنکٹیوٹی پر کام ہو رہا ہے۔
وفاقی وزیر نے نوجوانوں سے کہا کہ وہ سوشل میڈیا پر وقت ضائع کرنے کے بجائے انٹرنیٹ کو معاشی نمو بڑھانے کے لیے استعمال کریں۔ مزید کہا کہ ایک حقیقی ڈیش بورڈ بنایا جائے گا جو انٹرنیٹ اسپیڈ اور روزگار میں اضافے کو چیک کرے گا۔
اس موقع پر پاک سیٹ کے سی ای او ڈاکٹر شاہد رشید نے کہا کہ پاکستان نے 2024 میں پاک سیٹ لانچ کیا، جو بزنس کمیونٹی کو انٹرنیٹ فراہم کرنے کا بڑا ذریعہ بن گیا ہے اور سیٹلائٹ براڈ بینڈ کے ذریعے ملک میں بڑے پیمانے پر خدمات فراہم کر رہا ہے۔
سپارکو کے چیئرمین محمد یوسف نے بتایا کہ پرائیویٹ کمپنیوں کے ذریعے سیٹلائٹ انٹرنیٹ کی فراہمی سے براڈ بینڈ انٹرنیٹ کی کوریج بہتر ہوگی اور اس کا مقصد قوم کو ڈیجیٹلی بااختیار بنانا ہے۔
ذریعہ
ذریعہ: Daily Mumtaz
کلیدی لفظ: کہا کہ
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار