سال کا سب سے بڑا چاند آج نظر آئے گا، پاکستان میں واضح طور پر دیکھنا ممکن ہوگا؟
اشاعت کی تاریخ: 5th, November 2025 GMT
دنیا بھر میں آج رات سال 2025 کا سب سے بڑا اور روشن چاند آسمان پر جلوہ گر ہوگا۔ نومبر کا یہ مکمل چاند، جسے نومبر سپر مون یا بیور مون کہا جاتا ہے، آج 5 نومبر کی رات اپنے عروج پر ہوگا۔
یہ سال 2025 کے لیے 3 سپر مونز میں سے دوسرا ہے اور زمین کے سب سے قریب آنے والا مکمل چاند ہونے کے باعث یہ چاند سب سے بڑا اور زیادہ چمکدار دکھائی دے گا۔
سپر مون کیا ہوتا ہے؟
سپر مون اس وقت بنتا ہے جب چاند اپنے مدار میں زمین کے سب سے قریب (Perigee) ہوتا ہے اور اسی وقت مکمل چاند (Full Moon) بھی ہوتا ہے۔ چونکہ چاند کا مدار گول نہیں بلکہ بیضوی ہے، اس لیے بعض اوقات وہ زمین سے قریب اور بعض اوقات دور ہوتا ہے۔
جب مکمل چاند قریبی مدار میں آتا ہے، تو وہ عام چاند کی نسبت 14 فیصد بڑا اور 30 فیصد زیادہ روشن نظر آتا ہے۔
فاصلہ اور روشنی
اس بار نومبر سپر مون زمین سے صرف 3,57,000 کلومیٹر کے فاصلے پر ہوگا — یعنی عام مکمل چاند کے مقابلے میں تقریباً 17,000 میل زیادہ قریب۔
یہ قربت چاند کے سائز اور روشنی کو نمایاں طور پر بڑھا دیتی ہے، یہاں تک کہ زمین پر ہلکے سائے بھی پڑ سکتے ہیں۔
’بیور مون‘ نام کیوں؟
’بیور مون‘ کا نام قدیم امریکی قبائل اور یورپی آبادکاروں کی روایات سے جڑا ہے۔ اس مہینے کے دوران بیور (Beavers) سردیوں کی تیاری میں مصروف ہوتے ہیں، وہ اپنے بند باندھتے ہیں اور شکاری اس موسم میں ان کی کھال کے لیے جال لگاتے تھے۔
سپر مون دیکھنے کا بہترین طریقہ
چاند کو دیکھنے کے لیے مشرق کے افق کا واضح منظر والا مقام منتخب کریں۔
شہری روشنیوں سے دور پارک، کھلے میدان یا سمندر کے کنارے بہترین جگہیں ہیں۔
آنکھ سے دیکھنا کافی ہے، لیکن دوربین سے سطحی خدوخال زیادہ واضح نظر آ سکتے ہیں۔
چاند طلوع ہونے کے فوراً بعد اور رات کے ابتدائی حصے میں سب سے زیادہ روشن دکھائی دے گا۔
کہاں سپر مون واضح طور پر نہیں دیکھا جاسکے گا؟
دنیا کے تقریباً تمام ممالک اور شہروں میں سپر مون دیکھا جا سکے گا، بشرطیکہ موسم صاف ہو۔ تاہم، جن شہروں میں اسموگ اور آلودگی زیادہ ہے، وہاں چاند کا منظر دھندلا ہو سکتا ہے۔
یہ شاندار آسمانی منظر زمین اور چاند کے درمیان موجود خوبصورت اور سائنسی تعلق ی یاد دلاتا ہے، فطرت کی ایک ایسی جھلک جو دلوں کو مسحور کر دیتی ہے۔
.ذریعہ: Daily Mumtaz
پڑھیں:
اجتماعِ عام منظم اور باوقار اجتماعیت کا مظہر ہوگا، شگفتہ ابراہیم
data-id="863a0a8" data-element_type="widget" data-widget_type="theme-post-content.default">
251105-08-14
کراچی (اسٹاف رپورٹر)نائب نگرانِ اجتماعِ عام شگفتہ ابراہیم اور عائشہ ظہیر نے اضلاع کی سطح پر ہونے والی تیاریوں کا تفصیلی جائزہ لیا۔اس موقع پر ٹرانسپورٹ، تزئین و آرائش، سامانِ سفر اور دیگر انتظامات کے حوالے سے بریفنگ دی گئی، جس پر نگرانِ اجتماع نے اطمینان کا اظہار کیا۔شگفتہ ابراہیم نے کہا کہ اجتماعِ عام صرف ایک پروگرام نہیں بلکہ منظم اور باوقار اجتماعیت کا مظہر ہوگا۔ہر شعبہ اپنی ذمے داری کو عبادت سمجھ کر انجام دے، تاکہ آنے والی مہمان خواتین کو بہترین سہولت اور خوشگوار ماحول فراہم کیا جا سکے۔انہوں نے تمام اضلاع کو ہدایت کی کہ ٹرانسپورٹ کے انتظامات میں وقت، راستوں اور رہنمائی پوائنٹس کو حتمی شکل دی جائے جبکہ تزئین و آرائش میں استقبالیہ، اسٹیج اور رہائشی خیموں کی تیاریوں کو معیار کے مطابق مکمل کیا جائے۔سامانِ سفر اور صفائی کے شعبہ جات کو بھی نظم و ضبط اور سہولت مہمان کو اولین ترجیح دینے کی ہدایت دی گئی۔اجلاس میں بتایا گیا کہ سندھ کے بیشتر اضلاع میں انتظامی کمیٹیوں نے اپنے کام کا 80 فیصد حصہ مکمل کر لیا ہے جبکہ باقی انتظامات آئندہ ہفتے تک مکمل کر لیے جائیں گے۔ شگفتہ ابراہیم نے تیاریوں پر اطمینان کا اظہار کرتے ہوئے کہا کہ ہمیں یقین ہے کہ سندھ کی خواتین اپنی تنظیمی صلاحیت اور جذبہ خدمت سے اس اجتماع کو مثالی نظم و ترتیب کی علامت بنا دیں گی۔
خیبرپختونخوا میں 1349 مطلوب دہشت گردوں کی فہرست جاری، سر کی قیمت 3 کروڑ روپے تک مقرر